| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. பாபனிவாரியத்தே²ரஅபதா³னங்
10. Pāpanivāriyattheraapadānaṃ
51.
51.
‘‘பியத³ஸ்ஸிஸ்ஸ ப⁴க³வதோ, சங்கமங் ஸோதி⁴தங் மயா;
‘‘Piyadassissa bhagavato, caṅkamaṃ sodhitaṃ mayā;
நளகேஹி படிச்ச²ன்னங், வாதாதபனிவாரணங்.
Naḷakehi paṭicchannaṃ, vātātapanivāraṇaṃ.
52.
52.
‘‘பாபங் விவஜ்ஜனத்தா²ய, குஸலஸ்ஸுபஸம்பதா³;
‘‘Pāpaṃ vivajjanatthāya, kusalassupasampadā;
கிலேஸானங் பஹானாய, பத³ஹிங் ஸத்து² ஸாஸனே.
Kilesānaṃ pahānāya, padahiṃ satthu sāsane.
53.
53.
‘‘இதோ ஏகாத³ஸே கப்பே, அக்³கி³தே³வோதி விஸ்ஸுதோ;
‘‘Ito ekādase kappe, aggidevoti vissuto;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
54.
54.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பாபனிவாரியோ 1 தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
பாபனிவாரியத்தே²ரஸ்ஸாபதா³னங் த³ஸமங்.
Pāpanivāriyattherassāpadānaṃ dasamaṃ.
ஹத்தி²வக்³கோ³ பா³வீஸதிமோ.
Hatthivaggo bāvīsatimo.
தஸ்ஸுத்³தா³னங் –
Tassuddānaṃ –
ஹத்தி² பானதி⁴ ஸச்சஞ்ச, ஏகஸஞ்ஞி ச ரங்ஸிகோ;
Hatthi pānadhi saccañca, ekasaññi ca raṃsiko;
ஸந்தி⁴தோ தாலவண்டஞ்ச, ததா² அக்கந்தஸஞ்ஞகோ;
Sandhito tālavaṇṭañca, tathā akkantasaññako;
ஸப்பி பாபனிவாரீ ச, சதுப்பஞ்ஞாஸ கா³த²காதி.
Sappi pāpanivārī ca, catuppaññāsa gāthakāti.
Footnotes:
