| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
23. ஆலம்ப³ணதா³யகவக்³கோ³
23. Ālambaṇadāyakavaggo
1. ஆலம்ப³ணதா³யகத்தே²ரஅபதா³னங்
1. Ālambaṇadāyakattheraapadānaṃ
1.
1.
‘‘அத்த²த³ஸ்ஸிஸ்ஸ ப⁴க³வதோ, லோகஜெட்ட²ஸ்ஸ தாதி³னோ;
‘‘Atthadassissa bhagavato, lokajeṭṭhassa tādino;
ஆலம்ப³ணங் மயா தி³ன்னங், த்³விபதி³ந்த³ஸ்ஸ தாதி³னோ.
Ālambaṇaṃ mayā dinnaṃ, dvipadindassa tādino.
2.
2.
‘‘த⁴ரணிங் படிபஜ்ஜாமி, விபுலங் ஸாக³ரப்பரங்;
‘‘Dharaṇiṃ paṭipajjāmi, vipulaṃ sāgarapparaṃ;
பாணேஸு ச இஸ்ஸரியங், வத்தேமி வஸுதா⁴ய ச.
Pāṇesu ca issariyaṃ, vattemi vasudhāya ca.
3.
3.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
4.
4.
‘‘இதோ த்³வேஸட்டி²கப்பம்ஹி, தயோ ஆஸிங்ஸு க²த்தியா;
‘‘Ito dvesaṭṭhikappamhi, tayo āsiṃsu khattiyā;
ஏகாபஸ்ஸிதனாமா தே, சக்கவத்தீ மஹப்³ப³லா.
Ekāpassitanāmā te, cakkavattī mahabbalā.
5.
5.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஆலம்ப³ணதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ālambaṇadāyako thero imā gāthāyo abhāsitthāti.
ஆலம்ப³ணதா³யகத்தே²ரஸ்ஸாபதா³னங் பட²மங்.
Ālambaṇadāyakattherassāpadānaṃ paṭhamaṃ.
