| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. அஜினதா³யகத்தே²ரஅபதா³னங்
2. Ajinadāyakattheraapadānaṃ
6.
6.
‘‘ஏகத்திங்ஸே இதோ கப்பே, க³ணஸத்தா²ரகோ அஹங்;
‘‘Ekattiṃse ito kappe, gaṇasatthārako ahaṃ;
அத்³த³ஸங் விரஜங் பு³த்³த⁴ங், ஆஹுதீனங் படிக்³க³ஹங்.
Addasaṃ virajaṃ buddhaṃ, āhutīnaṃ paṭiggahaṃ.
7.
7.
‘‘சம்மக²ண்ட³ங் மயா தி³ன்னங், ஸிகி²னோ லோகப³ந்து⁴னோ;
‘‘Cammakhaṇḍaṃ mayā dinnaṃ, sikhino lokabandhuno;
தேன கம்மேன த்³விபதி³ந்த³, லோகஜெட்ட² நராஸப⁴.
Tena kammena dvipadinda, lokajeṭṭha narāsabha.
8.
8.
‘‘ஸம்பத்திங் அனுபொ⁴த்வான, கிலேஸே ஜா²பயிங் அஹங்;
‘‘Sampattiṃ anubhotvāna, kilese jhāpayiṃ ahaṃ;
தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.
Dhāremi antimaṃ dehaṃ, sammāsambuddhasāsane.
9.
9.
‘‘ஏகத்திங்ஸே இதோ கப்பே, அஜினங் யங் அதா³ஸஹங்;
‘‘Ekattiṃse ito kappe, ajinaṃ yaṃ adāsahaṃ;
து³க்³க³திங் நாபி⁴ஜானாமி, அஜினஸ்ஸ இத³ங் ப²லங்.
Duggatiṃ nābhijānāmi, ajinassa idaṃ phalaṃ.
10.
10.
‘‘இதோ பஞ்சமகே கப்பே, ராஜா ஆஸிங் ஸுதா³யகோ;
‘‘Ito pañcamake kappe, rājā āsiṃ sudāyako;
ஸத்தரதனஸம்பன்னோ, சக்கவத்தீ மஹப்³ப³லோ.
Sattaratanasampanno, cakkavattī mahabbalo.
11.
11.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா அஜினதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā ajinadāyako thero imā gāthāyo abhāsitthāti.
அஜினதா³யகத்தே²ரஸ்ஸாபதா³னங் து³தியங்.
Ajinadāyakattherassāpadānaṃ dutiyaṃ.
