| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. បណ្ណទាយកត្ថេរអបទានំ
8. Paṇṇadāyakattheraapadānaṃ
២៨.
28.
‘‘បព្ពតេ ហិមវន្តម្ហិ, វាកចីរធរោ អហំ;
‘‘Pabbate himavantamhi, vākacīradharo ahaṃ;
អលោណបណ្ណភក្ខោម្ហិ, និយមេសុ ច សំវុតោ។
Aloṇapaṇṇabhakkhomhi, niyamesu ca saṃvuto.
២៩.
29.
‘‘បាតរាសេ អនុប្បត្តេ, សិទ្ធត្ថោ ឧបគច្ឆិ មំ;
‘‘Pātarāse anuppatte, siddhattho upagacchi maṃ;
តាហំ ពុទ្ធស្ស បាទាសិំ, បសន្នោ សេហិ បាណិភិ។
Tāhaṃ buddhassa pādāsiṃ, pasanno sehi pāṇibhi.
៣០.
30.
‘‘ចតុន្នវុតិតោ កប្បេ, យំ បណ្ណមទទិំ តទា;
‘‘Catunnavutito kappe, yaṃ paṇṇamadadiṃ tadā;
ទុគ្គតិំ នាភិជានាមិ, បណ្ណទានស្សិទំ ផលំ។
Duggatiṃ nābhijānāmi, paṇṇadānassidaṃ phalaṃ.
៣១.
31.
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៣២.
32.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បណ្ណទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā paṇṇadāyako thero imā gāthāyo abhāsitthāti.
បណ្ណទាយកត្ថេរស្សាបទានំ អដ្ឋមំ។
Paṇṇadāyakattherassāpadānaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. ថោមកត្ថេរអបទានាទិវណ្ណនា • 1-10. Thomakattheraapadānādivaṇṇanā
