| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૨-૫૦. પણીતતરસુત્તાદિવણ્ણના
2-50. Paṇītatarasuttādivaṇṇanā
૩૪૩-૩૯૧. દુતિયાદીસુ વોસ્સટ્ઠકાયાતિ અહિતુણ્ડિકપરિબુદ્ધં અગણેત્વા વિસ્સટ્ઠકાયા. દ્વયકારિનોતિ દુવિધકારિનો, કુસલાકુસલકારિનોતિ અત્થો. સચજ્જ મયન્તિ સચે અજ્જ મયં. સહબ્યતં ઉપપજ્જતીતિ સહભાવં આપજ્જતિ. તત્રસ્સ અકુસલં ઉપપત્તિયા પચ્ચયો હોતિ, કુસલં ઉપપન્નાનં સમ્પત્તિયા. અન્નન્તિ ખાદનીયભોજનીયં. પાનન્તિ યંકિઞ્ચિ પાનકં. વત્થન્તિ નિવાસનપારુપનં. યાનન્તિ છત્તુપાહનં આદિં કત્વા યંકિઞ્ચિ ગમનપચ્ચયં. માલન્તિ યંકિઞ્ચિ સુમનમાલાદિપુપ્ફં. ગન્ધન્તિ યંકિઞ્ચિ ચન્દનાદિગન્ધં. વિલેપનન્તિ યંકિઞ્ચિ છવિરાગકરણં. સેય્યાવસથપદીપેય્યન્તિ મઞ્ચપીઠાદિસેય્યં એકભૂમિકાદિઆવસથં વટ્ટિતેલાદિપદીપૂપકરણઞ્ચ દેતીતિ અત્થો. તેસઞ્હિ દીઘાયુકતાય ચ વણ્ણવન્તતાય ચ સુખબહુલતાય ચ પત્થનં કત્વા ઇમં દસવિધં દાનવત્થું દત્વા તં સમ્પત્તિં અનુભવિતું તત્થ નિબ્બત્તન્તિ. સેસં સબ્બત્થ ઉત્તાનમેવાતિ.
343-391. Dutiyādīsu vossaṭṭhakāyāti ahituṇḍikaparibuddhaṃ agaṇetvā vissaṭṭhakāyā. Dvayakārinoti duvidhakārino, kusalākusalakārinoti attho. Sacajja mayanti sace ajja mayaṃ. Sahabyataṃ upapajjatīti sahabhāvaṃ āpajjati. Tatrassa akusalaṃ upapattiyā paccayo hoti, kusalaṃ upapannānaṃ sampattiyā. Annanti khādanīyabhojanīyaṃ. Pānanti yaṃkiñci pānakaṃ. Vatthanti nivāsanapārupanaṃ. Yānanti chattupāhanaṃ ādiṃ katvā yaṃkiñci gamanapaccayaṃ. Mālanti yaṃkiñci sumanamālādipupphaṃ. Gandhanti yaṃkiñci candanādigandhaṃ. Vilepananti yaṃkiñci chavirāgakaraṇaṃ. Seyyāvasathapadīpeyyanti mañcapīṭhādiseyyaṃ ekabhūmikādiāvasathaṃ vaṭṭitelādipadīpūpakaraṇañca detīti attho. Tesañhi dīghāyukatāya ca vaṇṇavantatāya ca sukhabahulatāya ca patthanaṃ katvā imaṃ dasavidhaṃ dānavatthuṃ datvā taṃ sampattiṃ anubhavituṃ tattha nibbattanti. Sesaṃ sabbattha uttānamevāti.
નાગસંયુત્તવણ્ણના નિટ્ઠિતા.
Nāgasaṃyuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya
૨. પણીતતરસુત્તં • 2. Paṇītatarasuttaṃ
૩. ઉપોસથસુત્તં • 3. Uposathasuttaṃ
૪. દુતિયઉપોસથસુત્તં • 4. Dutiyauposathasuttaṃ
૫. તતિયઉપોસથસુત્તં • 5. Tatiyauposathasuttaṃ
૬. ચતુત્થઉપોસથસુત્તં • 6. Catutthauposathasuttaṃ
૭. સુતસુત્તં • 7. Sutasuttaṃ
૮. દુતિયસુતસુત્તં • 8. Dutiyasutasuttaṃ
૯. તતિયસુતસુત્તં • 9. Tatiyasutasuttaṃ
૧૦. ચતુત્થસુતસુત્તં • 10. Catutthasutasuttaṃ
૧૧-૨૦. અણ્ડજદાનૂપકારસુત્તદસકં • 11-20. Aṇḍajadānūpakārasuttadasakaṃ
૨૧-૫૦. જલાબુજાદિદાનૂપકારસુત્તત્તિંસકં • 21-50. Jalābujādidānūpakārasuttattiṃsakaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨-૫૦. પણીતતરસુત્તાદિવણ્ણના • 2-50. Paṇītatarasuttādivaṇṇanā
