| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૧૦. ચતુત્થસુતસુત્તં
10. Catutthasutasuttaṃ
૩૫૧. સાવત્થિનિદાનં. એકમન્તં નિસિન્નો ખો સો ભિક્ખુ ભગવન્તં એતદવોચ – ‘‘કો નુ ખો, ભન્તે, હેતુ, કો પચ્ચયો, યેન મિધેકચ્ચો કાયસ્સ ભેદા પરં મરણા ઓપપાતિકાનં નાગાનં સહબ્યતં ઉપપજ્જતી’’તિ?
351. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti?
‘‘ઇધ, ભિક્ખુ, એકચ્ચો કાયેન દ્વયકારી હોતિ, વાચાય દ્વયકારી, મનસા દ્વયકારી. તસ્સ સુતં હોતિ – ‘ઓપપાતિકા નાગા દીઘાયુકા વણ્ણવન્તો સુખબહુલા’તિ. તસ્સ એવં હોતિ – ‘અહો વતાહં કાયસ્સ ભેદા પરં મરણા ઓપપાતિકાનં નાગાનં સહબ્યતં ઉપપજ્જેય્ય’ન્તિ. સો કાયસ્સ ભેદા પરં મરણા ઓપપાતિકાનં નાગાનં સહબ્યતં ઉપપજ્જતિ. અયં ખો, ભિક્ખુ, હેતુ, અયં પચ્ચયો, યેન મિધેકચ્ચો કાયસ્સ ભેદા પરં મરણા ઓપપાતિકાનં નાગાનં સહબ્યતં ઉપપજ્જતી’’તિ. દસમં.
‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā nāgā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ nāgānaṃ sahabyataṃ upapajjeyya’nti. So kāyassa bhedā paraṃ maraṇā opapātikānaṃ nāgānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ nāgānaṃ sahabyataṃ upapajjatī’’ti. Dasamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૨-૫૦. પણીતતરસુત્તાદિવણ્ણના • 2-50. Paṇītatarasuttādivaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૨-૫૦. પણીતતરસુત્તાદિવણ્ણના • 2-50. Paṇītatarasuttādivaṇṇanā
