| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
២. បញ្ហព្យាករណសុត្តំ
2. Pañhabyākaraṇasuttaṃ
៤២. ‘‘ចត្តារិមានិ , ភិក្ខវេ, បញ្ហព្យាករណានិ 1។ កតមានិ ចត្តារិ? អត្ថិ, ភិក្ខវេ, បញ្ហោ ឯកំសព្យាករណីយោ; អត្ថិ, ភិក្ខវេ, បញ្ហោ វិភជ្ជព្យាករណីយោ; អត្ថិ, ភិក្ខវេ, បញ្ហោ បដិបុច្ឆាព្យាករណីយោ; អត្ថិ, ភិក្ខវេ, បញ្ហោ ឋបនីយោ។ ឥមានិ ខោ, ភិក្ខវេ, ចត្តារិ បញ្ហព្យាករណានី’’តិ។
42. ‘‘Cattārimāni , bhikkhave, pañhabyākaraṇāni 2. Katamāni cattāri? Atthi, bhikkhave, pañho ekaṃsabyākaraṇīyo; atthi, bhikkhave, pañho vibhajjabyākaraṇīyo; atthi, bhikkhave, pañho paṭipucchābyākaraṇīyo; atthi, bhikkhave, pañho ṭhapanīyo. Imāni kho, bhikkhave, cattāri pañhabyākaraṇānī’’ti.
‘‘ឯកំសវចនំ ឯកំ, វិភជ្ជវចនាបរំ;
‘‘Ekaṃsavacanaṃ ekaṃ, vibhajjavacanāparaṃ;
តតិយំ បដិបុច្ឆេយ្យ, ចតុត្ថំ បន ឋាបយេ។
Tatiyaṃ paṭipuccheyya, catutthaṃ pana ṭhāpaye.
ចតុបញ្ហស្ស កុសលោ, អាហុ ភិក្ខុំ តថាវិធំ។
Catupañhassa kusalo, āhu bhikkhuṃ tathāvidhaṃ.
‘‘ទុរាសទោ ទុប្បសហោ, គម្ភីរោ ទុប្បធំសិយោ;
‘‘Durāsado duppasaho, gambhīro duppadhaṃsiyo;
‘‘អនត្ថំ បរិវជ្ជេតិ, អត្ថំ គណ្ហាតិ បណ្ឌិតោ;
‘‘Anatthaṃ parivajjeti, atthaṃ gaṇhāti paṇḍito;
អត្ថាភិសមយា ធីរោ, បណ្ឌិតោតិ បវុច្ចតី’’តិ។ ទុតិយំ;
Atthābhisamayā dhīro, paṇḍitoti pavuccatī’’ti. dutiyaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ២. បញ្ហព្យាករណសុត្តវណ្ណនា • 2. Pañhabyākaraṇasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ២-៤. បញ្ហព្យាករណសុត្តាទិវណ្ណនា • 2-4. Pañhabyākaraṇasuttādivaṇṇanā
