| Library / Tipiṭaka / திபிடக • Tipiṭaka / த⁴ம்மபத³பாளி • Dhammapadapāḷi |
6. பண்டி³தவக்³கோ³
6. Paṇḍitavaggo
76.
76.
நிதீ⁴னங்வ பவத்தாரங், யங் பஸ்ஸே வஜ்ஜத³ஸ்ஸினங்;
Nidhīnaṃva pavattāraṃ, yaṃ passe vajjadassinaṃ;
நிக்³க³ய்ஹவாதி³ங் மேதா⁴விங், தாதி³ஸங் பண்டி³தங் ப⁴ஜே;
Niggayhavādiṃ medhāviṃ, tādisaṃ paṇḍitaṃ bhaje;
தாதி³ஸங் ப⁴ஜமானஸ்ஸ, ஸெய்யோ ஹோதி ந பாபியோ.
Tādisaṃ bhajamānassa, seyyo hoti na pāpiyo.
77.
77.
ஓவதெ³ய்யானுஸாஸெய்ய, அஸப்³பா⁴ ச நிவாரயே;
Ovadeyyānusāseyya, asabbhā ca nivāraye;
ஸதஞ்ஹி ஸோ பியோ ஹோதி, அஸதங் ஹோதி அப்பியோ.
Satañhi so piyo hoti, asataṃ hoti appiyo.
78.
78.
ந ப⁴ஜே பாபகே மித்தே, ந ப⁴ஜே புரிஸாத⁴மே;
Na bhaje pāpake mitte, na bhaje purisādhame;
ப⁴ஜேத² மித்தே கல்யாணே, ப⁴ஜேத² புரிஸுத்தமே.
Bhajetha mitte kalyāṇe, bhajetha purisuttame.
79.
79.
த⁴ம்மபீதி ஸுக²ங் ஸேதி, விப்பஸன்னேன சேதஸா;
Dhammapīti sukhaṃ seti, vippasannena cetasā;
அரியப்பவேதி³தே த⁴ம்மே, ஸதா³ ரமதி பண்டி³தோ.
Ariyappavedite dhamme, sadā ramati paṇḍito.
80.
80.
உத³கஞ்ஹி நயந்தி நெத்திகா, உஸுகாரா நமயந்தி 1 தேஜனங்;
Udakañhi nayanti nettikā, usukārā namayanti 2 tejanaṃ;
தா³ருங் நமயந்தி தச்ச²கா, அத்தானங் த³மயந்தி பண்டி³தா.
Dāruṃ namayanti tacchakā, attānaṃ damayanti paṇḍitā.
81.
81.
ஏவங் நிந்தா³பஸங்ஸாஸு, ந ஸமிஞ்ஜந்தி பண்டி³தா.
Evaṃ nindāpasaṃsāsu, na samiñjanti paṇḍitā.
82.
82.
யதா²பி ரஹதோ³ க³ம்பீ⁴ரோ, விப்பஸன்னோ அனாவிலோ;
Yathāpi rahado gambhīro, vippasanno anāvilo;
ஏவங் த⁴ம்மானி ஸுத்வான, விப்பஸீத³ந்தி பண்டி³தா.
Evaṃ dhammāni sutvāna, vippasīdanti paṇḍitā.
83.
83.
ஸப்³ப³த்த² வே ஸப்புரிஸா சஜந்தி, ந காமகாமா லபயந்தி ஸந்தோ;
Sabbattha ve sappurisā cajanti, na kāmakāmā lapayanti santo;
ஸுகே²ன பு²ட்டா² அத² வா து³கே²ன, ந உச்சாவசங் 5 பண்டி³தா த³ஸ்ஸயந்தி.
Sukhena phuṭṭhā atha vā dukhena, na uccāvacaṃ 6 paṇḍitā dassayanti.
84.
84.
ந அத்தஹேது ந பரஸ்ஸ ஹேது, ந புத்தமிச்சே² ந த⁴னங் ந ரட்ட²ங்;
Na attahetu na parassa hetu, na puttamicche na dhanaṃ na raṭṭhaṃ;
ந இச்செ²ய்ய 7 அத⁴ம்மேன ஸமித்³தி⁴மத்தனோ, ஸ ஸீலவா பஞ்ஞவா த⁴ம்மிகோ ஸியா.
Na iccheyya 8 adhammena samiddhimattano, sa sīlavā paññavā dhammiko siyā.
85.
85.
அப்பகா தே மனுஸ்ஸேஸு, யே ஜனா பாரகா³மினோ;
Appakā te manussesu, ye janā pāragāmino;
அதா²யங் இதரா பஜா, தீரமேவானுதா⁴வதி.
Athāyaṃ itarā pajā, tīramevānudhāvati.
86.
86.
யே ச கோ² ஸம்மத³க்கா²தே, த⁴ம்மே த⁴ம்மானுவத்தினோ;
Ye ca kho sammadakkhāte, dhamme dhammānuvattino;
தே ஜனா பாரமெஸ்ஸந்தி, மச்சுதெ⁴ய்யங் ஸுது³த்தரங்.
Te janā pāramessanti, maccudheyyaṃ suduttaraṃ.
87.
87.
கண்ஹங் த⁴ம்மங் விப்பஹாய, ஸுக்கங் பா⁴வேத² பண்டி³தோ;
Kaṇhaṃ dhammaṃ vippahāya, sukkaṃ bhāvetha paṇḍito;
ஓகா அனோகமாக³ம்ம, விவேகே யத்த² தூ³ரமங்.
Okā anokamāgamma, viveke yattha dūramaṃ.
88.
88.
தத்ராபி⁴ரதிமிச்செ²ய்ய, ஹித்வா காமே அகிஞ்சனோ;
Tatrābhiratimiccheyya, hitvā kāme akiñcano;
89.
89.
யேஸங் ஸம்போ³தி⁴யங்கே³ஸு, ஸம்மா சித்தங் ஸுபா⁴விதங்;
Yesaṃ sambodhiyaṅgesu, sammā cittaṃ subhāvitaṃ;
ஆதா³னபடினிஸ்ஸக்³கே³, அனுபாதா³ய யே ரதா;
Ādānapaṭinissagge, anupādāya ye ratā;
கீ²ணாஸவா ஜுதிமந்தோ, தே லோகே பரினிப்³பு³தா.
Khīṇāsavā jutimanto, te loke parinibbutā.
பண்டி³தவக்³கோ³ ச²ட்டோ² நிட்டி²தோ.
Paṇḍitavaggo chaṭṭho niṭṭhito.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / த⁴ம்மபத³-அட்ட²கதா² • Dhammapada-aṭṭhakathā / 6. பண்டி³தவக்³கோ³ • 6. Paṇḍitavaggo
