| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৫০৮. পঞ্চপণ্ডিতজাতকং (১২)
508. Pañcapaṇḍitajātakaṃ (12)
৩১৫.
315.
পঞ্চ পণ্ডিতা সমাগতাত্থ, পঞ্হা মে পটিভাতি তং সুণাথ।
Pañca paṇḍitā samāgatāttha, pañhā me paṭibhāti taṃ suṇātha;
নিন্দিযমত্থং পসংসিযং ৰা, কস্সেৰাৰিকরেয্য 1 গুয্হমত্থং॥
Nindiyamatthaṃ pasaṃsiyaṃ vā, kassevāvikareyya 2 guyhamatthaṃ.
৩১৬.
316.
ত্ৰং আৰিকরোহি ভূমিপাল, ভত্তা ভারসহো তুৰং ৰদে তং।
Tvaṃ āvikarohi bhūmipāla, bhattā bhārasaho tuvaṃ vade taṃ;
তৰ ছন্দরুচীনি 3 সম্মসিত্ৰা, অথ ৰক্খন্তি জনিন্দ পঞ্চ ধীরা॥
Tava chandarucīni 4 sammasitvā, atha vakkhanti janinda pañca dhīrā.
৩১৭.
317.
নিন্দিযমত্থং পসংসিযং ৰা, ভরিযাযাৰিকরেয্য 9 গুয্হমত্থং॥
Nindiyamatthaṃ pasaṃsiyaṃ vā, bhariyāyāvikareyya 10 guyhamatthaṃ.
৩১৮.
318.
যো কিচ্ছগতস্স আতুরস্স, সরণং হোতি গতী পরাযনঞ্চ।
Yo kicchagatassa āturassa, saraṇaṃ hoti gatī parāyanañca;
নিন্দিযমত্থং পসংসিযং ৰা, সখিনো ৰাৰিকরেয্য গুয্হমত্থং॥
Nindiyamatthaṃ pasaṃsiyaṃ vā, sakhino vāvikareyya guyhamatthaṃ.
৩১৯.
319.
নিন্দিযমত্থং পসংসিযং ৰা, ভাতু ৰাৰীকরেয্য গুয্হমত্থং॥
Nindiyamatthaṃ pasaṃsiyaṃ vā, bhātu vāvīkareyya guyhamatthaṃ.
৩২০.
320.
যো ৰে পিতুহদযস্স পদ্ধগূ 15, অনুজাতো পিতরং অনোমপঞ্ঞো।
Yo ve pituhadayassa paddhagū 16, anujāto pitaraṃ anomapañño;
নিন্দিযমত্থং পসংসিযং ৰা, পুত্তস্সাৰিকরেয্য 17 গুয্হমত্থং॥
Nindiyamatthaṃ pasaṃsiyaṃ vā, puttassāvikareyya 18 guyhamatthaṃ.
৩২১.
321.
মাতা দ্ৰিপদাজনিন্দসেট্ঠ, যা নং 19 পোসেতি ছন্দসা পিযেন।
Mātā dvipadājanindaseṭṭha, yā naṃ 20 poseti chandasā piyena;
নিন্দিযমত্থং পসংসিযং ৰা, মাতুযাৰীকরেয্য 21 গুয্হমত্থং॥
Nindiyamatthaṃ pasaṃsiyaṃ vā, mātuyāvīkareyya 22 guyhamatthaṃ.
৩২২.
322.
গুয্হস্স হি গুয্হমেৰ সাধু, ন হি গুয্হস্স পসত্থমাৰিকম্মং।
Guyhassa hi guyhameva sādhu, na hi guyhassa pasatthamāvikammaṃ;
৩২৩.
323.
কিং চিন্তযমানো দুম্মনোসি, নূন দেৰ অপরাধো অত্থি ময্হং॥
Kiṃ cintayamāno dummanosi, nūna deva aparādho atthi mayhaṃ.
৩২৪.
324.
‘‘পণ্হে 31 ৰজ্ঝো মহোসধো’’তি, আণত্তো মে ৰধায ভূরিপঞ্ঞো।
‘‘Paṇhe 32 vajjho mahosadho’’ti, āṇatto me vadhāya bhūripañño;
তং চিন্তযমানো দুম্মনোস্মি, ন হি দেৰী অপরাধো অত্থি তুয্হং॥
Taṃ cintayamāno dummanosmi, na hi devī aparādho atthi tuyhaṃ.
৩২৫.
325.
অভিদোসগতো দানি এহিসি, কিং সুত্ৰা কিং সঙ্কতে মনো তে।
Abhidosagato dāni ehisi, kiṃ sutvā kiṃ saṅkate mano te;
কো তে কিমৰোচ ভূরিপঞ্ঞ, ইঙ্ঘ ৰচনং সুণোম ব্রূহি মেতং॥
Ko te kimavoca bhūripañña, iṅgha vacanaṃ suṇoma brūhi metaṃ.
৩২৬.
326.
‘‘পণ্হে ৰজ্ঝো মহোসধো’’তি, যদি তে মন্তযিতং জনিন্দ দোসং।
‘‘Paṇhe vajjho mahosadho’’ti, yadi te mantayitaṃ janinda dosaṃ;
ভরিযায রহোগতো অসংসি, গুয্হং পাতুকতং সুতং মমেতং॥
Bhariyāya rahogato asaṃsi, guyhaṃ pātukataṃ sutaṃ mametaṃ.
৩২৭.
327.
যং সালৰনস্মিং সেনকো, পাপকম্মং অকাসি অসব্ভিরূপং।
Yaṃ sālavanasmiṃ senako, pāpakammaṃ akāsi asabbhirūpaṃ;
সখিনোৰ রহোগতো অসংসি, গুয্হং পাতুকতং সুতং মমেতং॥
Sakhinova rahogato asaṃsi, guyhaṃ pātukataṃ sutaṃ mametaṃ.
৩২৮.
328.
পুক্কুস 33 পুরিসস্স তে জনিন্দ, উপ্পন্নো রোগো অরাজযুত্তো।
Pukkusa 34 purisassa te janinda, uppanno rogo arājayutto;
ভাতুঞ্চ 35 রহোগতো অসংসি, গুয্হং পাতুকতং সুতং মমেতং॥
Bhātuñca 36 rahogato asaṃsi, guyhaṃ pātukataṃ sutaṃ mametaṃ.
৩২৯.
329.
আবাধোযং অসব্ভিরূপো, কামিন্দো 37 নরদেৰেন ফুট্ঠো।
Ābādhoyaṃ asabbhirūpo, kāmindo 38 naradevena phuṭṭho;
পুত্তস্স রহোগতো অসংসি, গুয্হং পাতুকতং সুতং মমেতং॥
Puttassa rahogato asaṃsi, guyhaṃ pātukataṃ sutaṃ mametaṃ.
৩৩০.
330.
অট্ঠৰঙ্কং মণিরতনং উল়ারং, সক্কো তে অদদা পিতামহস্স।
Aṭṭhavaṅkaṃ maṇiratanaṃ uḷāraṃ, sakko te adadā pitāmahassa;
দেৰিন্দস্স গতং তদজ্জ হত্থং 39, মাতুঞ্চ রহোগতো অসংসি।
Devindassa gataṃ tadajja hatthaṃ 40, mātuñca rahogato asaṃsi;
গুয্হং পাতুকতং সুতং মমেতং॥
Guyhaṃ pātukataṃ sutaṃ mametaṃ.
৩৩১.
331.
গুয্হস্স হি গুয্হমেৰ সাধু, ন হি গুয্হস্স পসত্থমাৰিকম্মং।
Guyhassa hi guyhameva sādhu, na hi guyhassa pasatthamāvikammaṃ;
অনিপ্ফন্নতা সহেয্য ধীরো, নিপ্ফন্নোৰ যথাসুখং ভণেয্য॥
Anipphannatā saheyya dhīro, nipphannova yathāsukhaṃ bhaṇeyya.
৩৩২.
332.
ন গুয্হমত্থং ৰিৰরেয্য, রক্খেয্য নং যথা নিধিং।
Na guyhamatthaṃ vivareyya, rakkheyya naṃ yathā nidhiṃ;
ন হি পাতুকতো সাধু, গুয্হো অত্থো পজানতা॥
Na hi pātukato sādhu, guyho attho pajānatā.
৩৩৩.
333.
থিযা গুয্হং ন সংসেয্য, অমিত্তস্স চ পণ্ডিতো।
Thiyā guyhaṃ na saṃseyya, amittassa ca paṇḍito;
যো চামিসেন সংহীরো, হদযত্থেনো চ যো নরো॥
Yo cāmisena saṃhīro, hadayattheno ca yo naro.
৩৩৪.
334.
গুয্হমত্থং অসম্বুদ্ধং, সম্বোধযতি যো নরো।
Guyhamatthaṃ asambuddhaṃ, sambodhayati yo naro;
মন্তভেদভযা তস্স, দাসভূতো তিতিক্খতি॥
Mantabhedabhayā tassa, dāsabhūto titikkhati.
৩৩৫.
335.
যাৰন্তো পুরিসস্সত্থং, গুয্হং জানন্তি মন্তিনং।
Yāvanto purisassatthaṃ, guyhaṃ jānanti mantinaṃ;
তাৰন্তো তস্স উব্বেগা, তস্মা গুয্হং ন ৰিস্সজে॥
Tāvanto tassa ubbegā, tasmā guyhaṃ na vissaje.
৩৩৬.
336.
ৰিৰিচ্চ ভাসেয্য দিৰা রহস্সং, রত্তিং গিরং নাতিৰেলং পমুঞ্চে।
Vivicca bhāseyya divā rahassaṃ, rattiṃ giraṃ nātivelaṃ pamuñce;
উপস্সুতিকা হি সুণন্তি মন্তং, তস্মা মন্তো খিপ্পমুপেতি ভেদন্তি॥
Upassutikā hi suṇanti mantaṃ, tasmā manto khippamupeti bhedanti.
পঞ্চপণ্ডিতজাতকং দ্ৰাদসমং।
Pañcapaṇḍitajātakaṃ dvādasamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৫০৮] ১২. পঞ্চপণ্ডিতজাতকৰণ্ণনা • [508] 12. Pañcapaṇḍitajātakavaṇṇanā
