| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. പഞ്ചാലചണ്ഡസുത്തവണ്ണനാ
7. Pañcālacaṇḍasuttavaṇṇanā
൮൮. സത്തമേ സമ്ബാധേതി നീവരണസമ്ബാധം കാമഗുണസമ്ബാധന്തി ദ്വേ സമ്ബാധാ. തേസു ഇധ നീവരണസമ്ബാധം അധിപ്പേതം. ഓകാസന്തി ഝാനസ്സേതം നാമം. പടിലീനനിസഭോതി പടിലീനസേട്ഠോ. പടിലീനോ നാമ പഹീനമാനോ വുച്ചതി. യഥാഹ – ‘‘കഥഞ്ച, ഭിക്ഖവേ, ഭിക്ഖു പടിലീനോ ഹോതി . ഇധ, ഭിക്ഖവേ, ഭിക്ഖുനോ അസ്മിമാനോ പഹീനോ ഹോതി ഉച്ഛിന്നമൂലോ താലാവത്ഥുകതോ അനഭാവംകതോ ആയതിം അനുപ്പാദധമ്മോ’’തി (അ॰ നി॰ ൪.൩൮; മഹാനി॰ ൮൭). പച്ചലത്ഥംസൂതി പടിലഭിംസു. സമ്മാ തേതി യേ നിബ്ബാനപത്തിയാ സതിം പടിലഭിംസു, തേ ലോകുത്തരസമാധിനാപി സുസമാഹിതാതി മിസ്സകജ്ഝാനം കഥിതം. സത്തമം.
88. Sattame sambādheti nīvaraṇasambādhaṃ kāmaguṇasambādhanti dve sambādhā. Tesu idha nīvaraṇasambādhaṃ adhippetaṃ. Okāsanti jhānassetaṃ nāmaṃ. Paṭilīnanisabhoti paṭilīnaseṭṭho. Paṭilīno nāma pahīnamāno vuccati. Yathāha – ‘‘kathañca, bhikkhave, bhikkhu paṭilīno hoti . Idha, bhikkhave, bhikkhuno asmimāno pahīno hoti ucchinnamūlo tālāvatthukato anabhāvaṃkato āyatiṃ anuppādadhammo’’ti (a. ni. 4.38; mahāni. 87). Paccalatthaṃsūti paṭilabhiṃsu. Sammā teti ye nibbānapattiyā satiṃ paṭilabhiṃsu, te lokuttarasamādhināpi susamāhitāti missakajjhānaṃ kathitaṃ. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. പഞ്ചാലചണ്ഡസുത്തം • 7. Pañcālacaṇḍasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. പഞ്ചാലചണ്ഡസുത്തവണ്ണനാ • 7. Pañcālacaṇḍasuttavaṇṇanā
