| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. பஞ்சதீ³பகத்தே²ரஅபதா³னங்
7. Pañcadīpakattheraapadānaṃ
50.
50.
‘‘பது³முத்தரபு³த்³த⁴ஸ்ஸ, ஸப்³ப³பூ⁴தானுகம்பினோ;
‘‘Padumuttarabuddhassa, sabbabhūtānukampino;
51.
51.
‘‘பதீ³பதா³னங் பாதா³ஸிங், பரிவாரெத்வான போ³தி⁴யங்;
‘‘Padīpadānaṃ pādāsiṃ, parivāretvāna bodhiyaṃ;
ஸத்³த³ஹந்தோ பதீ³பானி, அகரிங் தாவதே³ அஹங்.
Saddahanto padīpāni, akariṃ tāvade ahaṃ.
52.
52.
‘‘யங் யங் யோனுபபஜ்ஜாமி, தே³வத்தங் அத² மானுஸங்;
‘‘Yaṃ yaṃ yonupapajjāmi, devattaṃ atha mānusaṃ;
ஆகாஸே உக்கங் தா⁴ரெந்தி, தீ³பதா³னஸ்ஸித³ங் ப²லங்.
Ākāse ukkaṃ dhārenti, dīpadānassidaṃ phalaṃ.
53.
53.
‘‘திரோகுட்டங் திரோஸேலங், ஸமதிக்³க³ய்ஹ பப்³ப³தங்;
‘‘Tirokuṭṭaṃ tiroselaṃ, samatiggayha pabbataṃ;
ஸமந்தா யோஜனஸதங், த³ஸ்ஸனங் அனுபோ⁴மஹங்.
Samantā yojanasataṃ, dassanaṃ anubhomahaṃ.
54.
54.
‘‘தேன கம்மாவஸேஸேன, பத்தொம்ஹி ஆஸவக்க²யங்;
‘‘Tena kammāvasesena, pattomhi āsavakkhayaṃ;
தா⁴ரேமி அந்திமங் தே³ஹங், த்³விபதி³ந்த³ஸ்ஸ ஸாஸனே.
Dhāremi antimaṃ dehaṃ, dvipadindassa sāsane.
55.
55.
‘‘சதுத்திங்ஸே கப்பஸதே, ஸதசக்கு²ஸனாமகா;
‘‘Catuttiṃse kappasate, satacakkhusanāmakā;
ராஜாஹேஸுங் மஹாதேஜா, சக்கவத்தீ மஹப்³ப³லா.
Rājāhesuṃ mahātejā, cakkavattī mahabbalā.
56.
56.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பஞ்சதீ³பகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā pañcadīpako thero imā gāthāyo abhāsitthāti.
பஞ்சதீ³பகத்தே²ரஸ்ஸாபதா³னங் ஸத்தமங்.
Pañcadīpakattherassāpadānaṃ sattamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. பஞ்சதீ³பகத்தே²ரஅபதா³னவண்ணனா • 7. Pañcadīpakattheraapadānavaṇṇanā
