| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. த⁴ஜதா³யகத்தே²ரஅபதா³னங்
8. Dhajadāyakattheraapadānaṃ
57.
57.
‘‘பது³முத்தரபு³த்³த⁴ஸ்ஸ, போ³தி⁴யா பாத³புத்தமே;
‘‘Padumuttarabuddhassa, bodhiyā pādaputtame;
ஹட்டோ² ஹட்டே²ன சித்தேன, த⁴ஜமாரோபயிங் அஹங்.
Haṭṭho haṭṭhena cittena, dhajamāropayiṃ ahaṃ.
58.
58.
‘‘பதிதபத்தானி க³ண்ஹித்வா, ப³ஹித்³தா⁴ ச²ட்³ட³யிங் அஹங்;
‘‘Patitapattāni gaṇhitvā, bahiddhā chaḍḍayiṃ ahaṃ;
அந்தோஸுத்³த⁴ங் ப³ஹிஸுத்³த⁴ங், அதி⁴முத்தமனாஸவங்.
Antosuddhaṃ bahisuddhaṃ, adhimuttamanāsavaṃ.
59.
59.
‘‘ஸம்முகா² விய ஸம்பு³த்³த⁴ங், அவந்தி³ங் போ³தி⁴முத்தமங்;
‘‘Sammukhā viya sambuddhaṃ, avandiṃ bodhimuttamaṃ;
பது³முத்தரோ லோகவிதூ³, ஆஹுதீனங் படிக்³க³ஹோ.
Padumuttaro lokavidū, āhutīnaṃ paṭiggaho.
60.
60.
‘‘பி⁴க்கு²ஸங்கே⁴ டி²தோ ஸத்தா², இமா கா³தா² அபா⁴ஸத²;
‘‘Bhikkhusaṅghe ṭhito satthā, imā gāthā abhāsatha;
‘‘‘இமினா த⁴ஜதா³னேன, உபட்டா²னேன சூப⁴யங்.
‘‘‘Iminā dhajadānena, upaṭṭhānena cūbhayaṃ.
61.
61.
‘‘‘கப்பானங் ஸதஸஹஸ்ஸங், து³க்³க³திங் ஸோ ந க³ச்ச²தி;
‘‘‘Kappānaṃ satasahassaṃ, duggatiṃ so na gacchati;
தே³வேஸு தே³வஸோப⁴க்³யங், அனுபொ⁴ஸ்ஸதினப்பகங்.
Devesu devasobhagyaṃ, anubhossatinappakaṃ.
62.
62.
‘‘‘அனேகஸதக்க²த்துஞ்ச , ராஜா ரட்டே² ப⁴விஸ்ஸதி;
‘‘‘Anekasatakkhattuñca , rājā raṭṭhe bhavissati;
உக்³க³தோ நாம நாமேன, சக்கவத்தீ ப⁴விஸ்ஸதி.
Uggato nāma nāmena, cakkavattī bhavissati.
63.
63.
‘‘‘ஸம்பத்திங் அனுபொ⁴த்வான, ஸுக்கமூலேன சோதி³தோ;
‘‘‘Sampattiṃ anubhotvāna, sukkamūlena codito;
கோ³தமஸ்ஸ ப⁴க³வதோ, ஸாஸனேபி⁴ரமிஸ்ஸதி’.
Gotamassa bhagavato, sāsanebhiramissati’.
64.
64.
‘‘பதா⁴னபஹிதத்தொம்ஹி, உபஸந்தோ நிரூபதி⁴;
‘‘Padhānapahitattomhi, upasanto nirūpadhi;
தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.
Dhāremi antimaṃ dehaṃ, sammāsambuddhasāsane.
65.
65.
66.
66.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா த⁴ஜதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā dhajadāyako thero imā gāthāyo abhāsitthāti.
த⁴ஜதா³யகத்தே²ரஸ்ஸாபதா³னங் அட்ட²மங்.
Dhajadāyakattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. த⁴ஜதா³யகத்தே²ரஅபதா³னவண்ணனா • 8. Dhajadāyakattheraapadānavaṇṇanā
