| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
49. பங்ஸுகூலவக்³கோ³
49. Paṃsukūlavaggo
1. பங்ஸுகூலஸஞ்ஞகத்தே²ரஅபதா³னங்
1. Paṃsukūlasaññakattheraapadānaṃ
1.
1.
‘‘திஸ்ஸோ நாமாஸி ப⁴க³வா, ஸயம்பூ⁴ அக்³க³புக்³க³லோ;
‘‘Tisso nāmāsi bhagavā, sayambhū aggapuggalo;
பங்ஸுகூலங் ட²பெத்வான, விஹாரங் பாவிஸீ ஜினோ.
Paṃsukūlaṃ ṭhapetvāna, vihāraṃ pāvisī jino.
2.
2.
மண்ட³லக்³க³ங் க³ஹெத்வான, கானநங் பாவிஸிங் அஹங்.
Maṇḍalaggaṃ gahetvāna, kānanaṃ pāvisiṃ ahaṃ.
3.
3.
‘‘தத்த²த்³த³ஸங் பங்ஸுகூலங், து³மக்³கே³ லக்³கி³தங் ததா³;
‘‘Tatthaddasaṃ paṃsukūlaṃ, dumagge laggitaṃ tadā;
சாபங் தத்தே²வ நிக்கி²ப்ப, ஸிரே கத்வான அஞ்ஜலிங்.
Cāpaṃ tattheva nikkhippa, sire katvāna añjaliṃ.
4.
4.
‘‘பஸன்னசித்தோ ஸுமனோ, விபுலாய ச பீதியா;
‘‘Pasannacitto sumano, vipulāya ca pītiyā;
பு³த்³த⁴ஸெட்ட²ங் ஸரித்வான, பங்ஸுகூலங் அவந்த³ஹங்.
Buddhaseṭṭhaṃ saritvāna, paṃsukūlaṃ avandahaṃ.
5.
5.
‘‘த்³வேனவுதே இதோ கப்பே, பங்ஸுகூலமவந்த³ஹங்;
‘‘Dvenavute ito kappe, paṃsukūlamavandahaṃ;
து³க்³க³திங் நாபி⁴ஜானாமி, வந்த³னாய இத³ங் ப²லங்.
Duggatiṃ nābhijānāmi, vandanāya idaṃ phalaṃ.
6.
6.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
நாகோ³வ ப³ந்த⁴னங் செ²த்வா, விஹராமி அனாஸவோ.
Nāgova bandhanaṃ chetvā, viharāmi anāsavo.
7.
7.
‘‘ஸ்வாக³தங் வத மே ஆஸி, மம பு³த்³த⁴ஸ்ஸ ஸந்திகே;
‘‘Svāgataṃ vata me āsi, mama buddhassa santike;
திஸ்ஸோ விஜ்ஜா அனுப்பத்தா, கதங் பு³த்³த⁴ஸ்ஸ ஸாஸனங்.
Tisso vijjā anuppattā, kataṃ buddhassa sāsanaṃ.
8.
8.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பங்ஸுகூலஸஞ்ஞகோ தே²ரோ இமா கா³தா²யோ
Itthaṃ sudaṃ āyasmā paṃsukūlasaññako thero imā gāthāyo
அபா⁴ஸித்தா²தி.
Abhāsitthāti.
பங்ஸுகூலஸஞ்ஞகத்தே²ரஸ்ஸாபதா³னங் பட²மங்.
Paṃsukūlasaññakattherassāpadānaṃ paṭhamaṃ.
Footnotes:
