| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
2. பு³த்³த⁴ஸஞ்ஞகத்தே²ரஅபதா³னங்
2. Buddhasaññakattheraapadānaṃ
9.
9.
‘‘அஜ்ஜா²யகோ மந்தத⁴ரோ, திண்ணங் வேதா³ன பாரகூ³;
‘‘Ajjhāyako mantadharo, tiṇṇaṃ vedāna pāragū;
லக்க²ணே இதிஹாஸே ச, ஸனிக⁴ண்டு³ஸகேடுபே⁴.
Lakkhaṇe itihāse ca, sanighaṇḍusakeṭubhe.
10.
10.
‘‘நதீ³ஸோதபடிபா⁴கா³ , ஸிஸ்ஸா ஆயந்தி மே ததா³;
‘‘Nadīsotapaṭibhāgā , sissā āyanti me tadā;
11.
11.
‘‘ஸித்³த⁴த்தோ² நாம ஸம்பு³த்³தோ⁴, லோகே உப்பஜ்ஜி தாவதே³;
‘‘Siddhattho nāma sambuddho, loke uppajji tāvade;
தமந்த⁴காரங் நாஸெத்வா, ஞாணாலோகங் பவத்தயி.
Tamandhakāraṃ nāsetvā, ñāṇālokaṃ pavattayi.
12.
12.
‘‘மம அஞ்ஞதரோ ஸிஸ்ஸோ, ஸிஸ்ஸானங் ஸோ கதே²ஸி மே;
‘‘Mama aññataro sisso, sissānaṃ so kathesi me;
ஸுத்வான தே ஏதமத்த²ங், ஆரோசேஸுங் மமங் ததா³.
Sutvāna te etamatthaṃ, ārocesuṃ mamaṃ tadā.
13.
13.
‘‘பு³த்³தோ⁴ லோகே ஸமுப்பன்னோ, ஸப்³ப³ஞ்ஞூ லோகனாயகோ;
‘‘Buddho loke samuppanno, sabbaññū lokanāyako;
14.
14.
‘‘அதி⁴ச்சுப்பத்திகா பு³த்³தா⁴, சக்கு²மந்தோ மஹாயஸா;
‘‘Adhiccuppattikā buddhā, cakkhumanto mahāyasā;
யங்னூனாஹங் பு³த்³த⁴ஸெட்ட²ங், பஸ்ஸெய்யங் லோகனாயகங்.
Yaṃnūnāhaṃ buddhaseṭṭhaṃ, passeyyaṃ lokanāyakaṃ.
15.
15.
‘‘அஜினங் மே க³ஹெத்வான, வாகசீரங் கமண்ட³லுங்;
‘‘Ajinaṃ me gahetvāna, vākacīraṃ kamaṇḍaluṃ;
அஸ்ஸமா அபி⁴னிக்க²ம்ம, ஸிஸ்ஸே ஆமந்தயிங் அஹங்.
Assamā abhinikkhamma, sisse āmantayiṃ ahaṃ.
16.
16.
‘‘ஓது³ம்ப³ரிகபுப்ப²ங்வ, சந்த³ம்ஹி ஸஸகங் யதா²;
‘‘Odumbarikapupphaṃva, candamhi sasakaṃ yathā;
17.
17.
‘‘பு³த்³தோ⁴ லோகம்ஹி உப்பன்னோ, மனுஸ்ஸத்தம்பி து³ல்லப⁴ங்;
‘‘Buddho lokamhi uppanno, manussattampi dullabhaṃ;
உபோ⁴ஸு விஜ்ஜமானேஸு, ஸவனஞ்ச ஸுது³ல்லப⁴ங்.
Ubhosu vijjamānesu, savanañca sudullabhaṃ.
18.
18.
‘‘பு³த்³தோ⁴ லோகே ஸமுப்பன்னோ, சக்கு²ங் லச்சா²ம நோ ப⁴வங்;
‘‘Buddho loke samuppanno, cakkhuṃ lacchāma no bhavaṃ;
ஏத² ஸப்³பே³ க³மிஸ்ஸாம, ஸம்மாஸம்பு³த்³த⁴ஸந்திகங்.
Etha sabbe gamissāma, sammāsambuddhasantikaṃ.
19.
19.
‘‘கமண்ட³லுத⁴ரா ஸப்³பே³, க²ராஜினநிவாஸினோ;
‘‘Kamaṇḍaludharā sabbe, kharājinanivāsino;
தே ஜடா பா⁴ரப⁴ரிதா, நிக்க²முங் விபினா ததா³.
Te jaṭā bhārabharitā, nikkhamuṃ vipinā tadā.
20.
20.
‘‘யுக³மத்தங் பெக்க²மானா, உத்தமத்த²ங் க³வேஸினோ;
‘‘Yugamattaṃ pekkhamānā, uttamatthaṃ gavesino;
ஆஸத்திதோ³ஸரஹிதா, அஸம்பீ⁴தாவ கேஸரீ.
Āsattidosarahitā, asambhītāva kesarī.
21.
21.
‘‘அப்பகிச்சா அலோலுப்பா, நிபகா ஸந்தவுத்தினோ;
‘‘Appakiccā aloluppā, nipakā santavuttino;
உஞ்சா²ய சரமானா தே, பு³த்³த⁴ஸெட்ட²முபாக³முங்.
Uñchāya caramānā te, buddhaseṭṭhamupāgamuṃ.
22.
22.
‘‘தி³யட்³ட⁴யோஜனே ஸேஸே, ப்³யாதி⁴ மே உபபஜ்ஜத²;
‘‘Diyaḍḍhayojane sese, byādhi me upapajjatha;
பு³த்³த⁴ஸெட்ட²ங் ஸரித்வான, தத்த² காலங்கதோ அஹங்.
Buddhaseṭṭhaṃ saritvāna, tattha kālaṅkato ahaṃ.
23.
23.
‘‘சதுன்னவுதிதோ கப்பே, யங் ஸஞ்ஞமலபி⁴ங் ததா³;
‘‘Catunnavutito kappe, yaṃ saññamalabhiṃ tadā;
து³க்³க³திங் நாபி⁴ஜானாமி, பு³த்³த⁴ஸஞ்ஞாயித³ங் ப²லங்.
Duggatiṃ nābhijānāmi, buddhasaññāyidaṃ phalaṃ.
24.
24.
‘‘கிலேஸா ஜா²பிதா மய்ஹங்…பே॰… விஹராமி அனாஸவோ.
‘‘Kilesā jhāpitā mayhaṃ…pe… viharāmi anāsavo.
25.
25.
‘‘ஸ்வாக³தங் வத மே ஆஸி…பே॰… கதங் பு³த்³த⁴ஸ்ஸ ஸாஸனங்.
‘‘Svāgataṃ vata me āsi…pe… kataṃ buddhassa sāsanaṃ.
26.
26.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பு³த்³த⁴ஸஞ்ஞகோ தே²ரோ இமா கா³தா²யோ
Itthaṃ sudaṃ āyasmā buddhasaññako thero imā gāthāyo
அபா⁴ஸித்தா²தி.
Abhāsitthāti.
பு³த்³த⁴ஸஞ்ஞகத்தே²ரஸ்ஸாபதா³னங் து³தியங்.
Buddhasaññakattherassāpadānaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1-10. பங்ஸுகூலஸஞ்ஞகத்தே²ரஅபதா³னாதி³வண்ணனா • 1-10. Paṃsukūlasaññakattheraapadānādivaṇṇanā
