| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๒. ปํสุกูลปูชกเตฺถรอปทานํ
2. Paṃsukūlapūjakattheraapadānaṃ
๘.
8.
‘‘หิมวนฺตสฺสาวิทูเร , อุทงฺคโณ นาม ปพฺพโต;
‘‘Himavantassāvidūre , udaṅgaṇo nāma pabbato;
ตตฺถทฺทสํ ปํสุกูลํ, ทุมคฺคมฺหิ วิลมฺพิตํฯ
Tatthaddasaṃ paṃsukūlaṃ, dumaggamhi vilambitaṃ.
๙.
9.
‘‘ตีณิ กิงฺกณิปุปฺผานิ, โอจินิตฺวานหํ ตทา;
‘‘Tīṇi kiṅkaṇipupphāni, ocinitvānahaṃ tadā;
หโฎฺฐ หเฎฺฐน จิเตฺตน, ปํสุกูลมปูชยิํฯ
Haṭṭho haṭṭhena cittena, paṃsukūlamapūjayiṃ.
๑๐.
10.
‘‘เตน กเมฺมน สุกเตน, เจตนาปณิธีหิ จ;
‘‘Tena kammena sukatena, cetanāpaṇidhīhi ca;
ชหิตฺวา มานุสํ เทหํ, ตาวติํสมคจฺฉหํฯ
Jahitvā mānusaṃ dehaṃ, tāvatiṃsamagacchahaṃ.
๑๑.
11.
‘‘เอกนวุติโต กเปฺป, ยํ กมฺมมกริํ ตทา;
‘‘Ekanavutito kappe, yaṃ kammamakariṃ tadā;
ทุคฺคติํ นาภิชานามิ, ปูชิตฺวา อรหทฺธชํฯ
Duggatiṃ nābhijānāmi, pūjitvā arahaddhajaṃ.
๑๒.
12.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๑๓.
13.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๑๔.
14.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปํสุกูลปูชโก เถโร อิมา คาถาโย
Itthaṃ sudaṃ āyasmā paṃsukūlapūjako thero imā gāthāyo
อภาสิตฺถาติฯ
Abhāsitthāti.
ปํสุกูลปูชกเตฺถรสฺสาปทานํ ทุติยํฯ
Paṃsukūlapūjakattherassāpadānaṃ dutiyaṃ.
