| Library / Tipiṭaka / തിപിടക • Tipiṭaka / മഹാവഗ്ഗപാളി • Mahāvaggapāḷi |
൨൦൦. പലിബോധാപലിബോധകഥാ
200. Palibodhāpalibodhakathā
൩൨൫. ദ്വേമേ , ഭിക്ഖവേ, കഥിനസ്സ പലിബോധാ, ദ്വേ അപലിബോധാ. കതമേ ച, ഭിക്ഖവേ, ദ്വേ കഥിനസ്സ പലിബോധാ? ആവാസപലിബോധോ ച ചീവരപലിബോധോ ച. കഥഞ്ച, ഭിക്ഖവേ, ആവാസപലിബോധോ ഹോതി? ഇധ, ഭിക്ഖവേ, ഭിക്ഖു വസതി വാ തസ്മിം ആവാസേ, സാപേക്ഖോ വാ പക്കമതി ‘‘പച്ചേസ്സ’’ന്തി. ഏവം ഖോ, ഭിക്ഖവേ, ആവാസപലിബോധോ ഹോതി. കഥഞ്ച, ഭിക്ഖവേ, ചീവരപലിബോധോ ഹോതി? ഇധ, ഭിക്ഖവേ, ഭിക്ഖുനോ ചീവരം അകതം വാ ഹോതി വിപ്പകതം വാ, ചീവരാസാ വാ അനുപച്ഛിന്നാ. ഏവം ഖോ, ഭിക്ഖവേ, ചീവരപലിബോധോ ഹോതി. ഇമേ ഖോ, ഭിക്ഖവേ, ദ്വേ കഥിനസ്സ പലിബോധാ.
325. Dveme , bhikkhave, kathinassa palibodhā, dve apalibodhā. Katame ca, bhikkhave, dve kathinassa palibodhā? Āvāsapalibodho ca cīvarapalibodho ca. Kathañca, bhikkhave, āvāsapalibodho hoti? Idha, bhikkhave, bhikkhu vasati vā tasmiṃ āvāse, sāpekkho vā pakkamati ‘‘paccessa’’nti. Evaṃ kho, bhikkhave, āvāsapalibodho hoti. Kathañca, bhikkhave, cīvarapalibodho hoti? Idha, bhikkhave, bhikkhuno cīvaraṃ akataṃ vā hoti vippakataṃ vā, cīvarāsā vā anupacchinnā. Evaṃ kho, bhikkhave, cīvarapalibodho hoti. Ime kho, bhikkhave, dve kathinassa palibodhā.
കതമേ ച, ഭിക്ഖവേ, ദ്വേ കഥിനസ്സ അപലിബോധാ? ആവാസഅപലിബോധോ ച ചീവരഅപലിബോധോ ച. കഥഞ്ച, ഭിക്ഖവേ, ആവാസഅപലിബോധോ ഹോതി? ഇധ, ഭിക്ഖവേ, ഭിക്ഖു പക്കമതി തമ്ഹാ ആവാസാ ചത്തേന വന്തേന മുത്തേന അനപേക്ഖോ 1 ‘‘ന പച്ചേസ്സ’’ന്തി. ഏവം ഖോ, ഭിക്ഖവേ, ആവാസഅപലിബോധോ ഹോതി. കഥഞ്ച, ഭിക്ഖവേ, ചീവരഅപലിബോധോ ഹോതി? ഇധ, ഭിക്ഖവേ, ഭിക്ഖുനോ ചീവരം കതം വാ ഹോതി, നട്ഠം വാ വിനട്ഠം വാ ദഡ്ഢം വാ, ചീവരാസാ വാ ഉപച്ഛിന്നാ. ഏവം ഖോ, ഭിക്ഖവേ, ചീവരഅപലിബോധോ ഹോതി. ഇമേ ഖോ, ഭിക്ഖവേ, ദ്വേ കഥിനസ്സ അപലിബോധാതി.
Katame ca, bhikkhave, dve kathinassa apalibodhā? Āvāsaapalibodho ca cīvaraapalibodho ca. Kathañca, bhikkhave, āvāsaapalibodho hoti? Idha, bhikkhave, bhikkhu pakkamati tamhā āvāsā cattena vantena muttena anapekkho 2 ‘‘na paccessa’’nti. Evaṃ kho, bhikkhave, āvāsaapalibodho hoti. Kathañca, bhikkhave, cīvaraapalibodho hoti? Idha, bhikkhave, bhikkhuno cīvaraṃ kataṃ vā hoti, naṭṭhaṃ vā vinaṭṭhaṃ vā daḍḍhaṃ vā, cīvarāsā vā upacchinnā. Evaṃ kho, bhikkhave, cīvaraapalibodho hoti. Ime kho, bhikkhave, dve kathinassa apalibodhāti.
പലിബോധാപലിബോധകഥാ നിട്ഠിതാ.
Palibodhāpalibodhakathā niṭṭhitā.
കഥിനക്ഖന്ധകോ നിട്ഠിതോ സത്തമോ.
Kathinakkhandhako niṭṭhito sattamo.
Footnotes:
Related texts:
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവഗ്ഗ-അട്ഠകഥാ • Mahāvagga-aṭṭhakathā / ആദായസത്തകകഥാ • Ādāyasattakakathā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ആദായസത്തകകഥാവണ്ണനാ • Ādāyasattakakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ആദായസത്തകകഥാവണ്ണനാ • Ādāyasattakakathāvaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / പാചിത്യാദിയോജനാപാളി • Pācityādiyojanāpāḷi / ൧൮൮. ആദായസത്തകകഥാ • 188. Ādāyasattakakathā
