| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
5. багин̣н̣аганид̣̇д̣̇зсаван̣н̣анаа
5. Pakiṇṇakaniddesavaṇṇanā
53. ид̣̇аани багин̣н̣агам̣ д̣̇ассзд̇ум̣ ‘‘сан̇гхига’’нд̇яаад̣̇и аарад̣̇д̇хам̣. д̇ад̇т̇а яо бхигку иссаро худ̇ваа сан̇гхигам̣ г̇арубхан̣д̣ам̣ ан̃н̃асса д̣̇зд̇и, д̇асса т̇уллажжаяам̣ сияаа. т̇зяяааяа ан̃н̃асса д̣̇зд̇и, яат̇аавад̇т̇у баарааж̇игаад̣̇и сияаа, д̣̇уггадавад̇т̇у д̣̇уггадам̣, т̇уллажжаяавад̇т̇у т̇уллажжаяам̣, баарааж̇игавад̇т̇у баарааж̇игам̣ сияаад̇и вуд̇д̇ам̣ ход̇и.
53. Idāni pakiṇṇakaṃ dassetuṃ ‘‘saṅghika’’ntyādi āraddhaṃ. Tattha yo bhikkhu issaro hutvā saṅghikaṃ garubhaṇḍaṃ aññassa deti, tassa thullaccayaṃ siyā. Theyyāya aññassa deti, yathāvatthu pārājikādi siyā, dukkaṭavatthu dukkaṭaṃ, thullaccayavatthu thullaccayaṃ, pārājikavatthu pārājikaṃ siyāti vuttaṃ hoti.
54. гусаад̣̇имаяажийраанийд̇и зд̇т̇а аад̣̇и-сад̣̇д̣̇о ваагапалагам̣ сан̇г̇ан̣хаад̇и, гусамаяажийрам̣ ваагамаяажийрам̣ палагамаяажийранд̇и. д̇ад̇т̇а гусз г̇ант̇зд̇ваа гад̇ажийрам̣ гусамаяажийрам̣. ваагамаяажийрам̣ наама д̇аабасаанам̣ ваггалам̣. палагамаяажийрам̣ наама палагасан̣таанаани палагаани сиб̣б̣зд̇ваа гад̇ажийрам̣. гамб̣алам̣ гзсаваалаж̇анд̇и гзсаж̇ам̣ гамб̣алам̣ ваалаж̇ам̣ гамб̣алам̣, гзсагамб̣алам̣ ваалагамб̣аланд̇и ад̇т̇о. гзсзхи д̇анд̇з вааяид̇ваа гад̇агамб̣алам̣ гзсагамб̣алам̣. жамариваалзхи вааяид̇ваа гад̇агамб̣алам̣ ваалагамб̣алам̣. самаяам̣ винаад̇и надтажийварагаалам̣ табзд̇ваа. д̇хаараяад̇о д̇хаараяанд̇асса. луугабагкааж̇инагкибанд̇и улуугабагкиаж̇инагкибам̣. д̇ад̇т̇а улуугабагкийд̇и улуугасагун̣абагкзхи гад̇аниваасанам̣. аж̇инагкибанд̇и саломам̣ сакурам̣ аж̇инамиг̇ажаммам̣. надтажийварагаалам̣ табзд̇ваа имзсу сад̇д̇асу вад̇т̇уусу яам̣ гин̃жи д̇хаараяад̇о т̇уллажжаяам̣ сияаад̇и ад̇т̇о.
54.Kusādimayacīrānīti ettha ādi-saddo vākaphalakaṃ saṅgaṇhāti, kusamayacīraṃ vākamayacīraṃ phalakamayacīranti. Tattha kuse ganthetvā katacīraṃ kusamayacīraṃ. Vākamayacīraṃ nāma tāpasānaṃ vakkalaṃ. Phalakamayacīraṃ nāma phalakasaṇṭhānāni phalakāni sibbetvā katacīraṃ. Kambalaṃ kesavālajanti kesajaṃ kambalaṃ vālajaṃ kambalaṃ, kesakambalaṃ vālakambalanti attho. Kesehi tante vāyitvā katakambalaṃ kesakambalaṃ. Camarivālehi vāyitvā katakambalaṃ vālakambalaṃ. Samayaṃ vināti naṭṭhacīvarakālaṃ ṭhapetvā. Dhārayato dhārayantassa. Lūkapakkhājinakkhipanti ulūkapakkhiajinakkhipaṃ. Tattha ulūkapakkhīti ulūkasakuṇapakkhehi katanivāsanaṃ. Ajinakkhipanti salomaṃ sakhuraṃ ajinamigacammaṃ. Naṭṭhacīvarakālaṃ ṭhapetvā imesu sattasu vatthūsu yaṃ kiñci dhārayato thullaccayaṃ siyāti attho.
55. сад̇т̇агзна гад̇д̇аб̣б̣ам̣ гаммам̣ сад̇т̇агаммам̣, д̇асмим̣ сад̇т̇агаммз. вад̇т̇имхи гад̇д̇аб̣б̣ам̣ гаммам̣ вад̇т̇игаммам̣, д̇асмим̣ вад̇т̇игаммз. сам̣ нимид̇д̇анд̇и ад̇д̇ано ан̇г̇аж̇аад̇ам̣. д̇ам̣ чинд̣̇ад̇о т̇уллажжаяам̣ сияаад̇и самб̣анд̇хо. мам̣саад̣̇ибхож̇анзд̇и зд̇т̇а аад̣̇и-сад̣̇д̣̇о адтилохид̇ажаммаломаани сан̇г̇ан̣хаад̇и. д̇асмаа мануссаанам̣ мам̣саадтилохид̇ажаммаломабхож̇анабажжаяаа т̇уллажжаяам̣ сияаад̇и ад̇т̇о.
55. Satthakena kattabbaṃ kammaṃ satthakammaṃ, tasmiṃ satthakamme. Vatthimhi kattabbaṃ kammaṃ vatthikammaṃ, tasmiṃ vatthikamme. Saṃ nimittanti attano aṅgajātaṃ. Taṃ chindato thullaccayaṃ siyāti sambandho. Maṃsādibhojaneti ettha ādi-saddo aṭṭhilohitacammalomāni saṅgaṇhāti. Tasmā manussānaṃ maṃsaaṭṭhilohitacammalomabhojanapaccayā thullaccayaṃ siyāti attho.
56. гад̣̇алзрагаггад̣̇уссаанийд̇и зд̇т̇а гад̣̇ализрагааггаваагзхи гад̇аани вад̇т̇аани д̇хаараяанд̇асса д̣̇уггадам̣. бод̇т̇аганд̇и магаживаагзхи гад̇ам̣ бод̇т̇агад̣̇уссам̣. саб̣б̣абийд̇аад̣̇иганд̇и зд̇т̇а аад̣̇и-сад̣̇д̣̇зна саб̣б̣алохид̇агасаб̣б̣аган̣хагасаб̣б̣аман̃ж̇здтигам̣ сан̇г̇ан̣хаад̇и. д̇ад̇т̇а саб̣б̣амзва нийлагам̣ саб̣б̣анийлагам̣. звам̣ сзсзсуби. нийлам̣ уммаарабубпаван̣н̣ам̣. бийд̇ам̣ ган̣игаарабубпаван̣н̣ам̣. лохид̇ам̣ ж̇аяасуманабубпаван̣н̣ам̣. ган̣хагам̣ ад̣̇д̣̇ааридтагаван̣н̣ам̣. ман̃ж̇здтигам̣ лаакаарасаван̣н̣ам̣. имзсу адтасу вад̇т̇уусу яам̣ гин̃жи д̇хаараяанд̇асса д̣̇уггадам̣ сияаад̇и ад̇т̇о.
56.Kadalerakakkadussānīti ettha kadalierakaakkavākehi katāni vatthāni dhārayantassa dukkaṭaṃ. Potthakanti makacivākehi kataṃ potthakadussaṃ. Sabbapītādikanti ettha ādi-saddena sabbalohitakasabbakaṇhakasabbamañjeṭṭhikaṃ saṅgaṇhāti. Tattha sabbameva nīlakaṃ sabbanīlakaṃ. Evaṃ sesesupi. Nīlaṃ ummārapupphavaṇṇaṃ. Pītaṃ kaṇikārapupphavaṇṇaṃ. Lohitaṃ jayasumanapupphavaṇṇaṃ. Kaṇhakaṃ addāriṭṭhakavaṇṇaṃ. Mañjeṭṭhikaṃ lākhārasavaṇṇaṃ. Imesu aṭṭhasu vatthūsu yaṃ kiñci dhārayantassa dukkaṭaṃ siyāti attho.
57-8. хад̇т̇иссураг̇асон̣аананд̇и хад̇т̇иассаураг̇асон̣аанам̣ мам̣сам̣ адтируд̇хиражаммаломаани. сийхаб̣яаг̇гхажчад̣̇ийбинанд̇и сийхаб̣яаг̇гхаажчад̣̇ийбийнам̣ мам̣саад̣̇ийни. д̇аражчасса жа мам̣саад̣̇им̣ уд̣̇д̣̇иссагад̇амам̣сан̃жа анаабужчид̇амам̣сан̃жа бхун̃ж̇ад̇о д̣̇уггадам̣ сияаа. д̣̇агад̇ид̇т̇аад̣̇иганд̇и зд̇т̇а аад̣̇и-сад̣̇д̣̇о важжабассаавагудияо сан̇г̇ан̣хаад̇и. д̇зна яаад̇аанубуб̣б̣ам̣ ааг̇ад̇аббадибаадим̣ хид̇ваана важ̇ж̇зд̇ваа нахаанад̇ид̇т̇ан̃жа важжагудин̃жа бассаавагудин̃жа важ̇з важ̇зяяа г̇ажчзяяа, д̣̇уггадам̣ д̇асса сияаад̇и ад̇т̇о.
57-8.Hatthissuragasoṇānanti hatthiassauragasoṇānaṃ maṃsaṃ aṭṭhirudhiracammalomāni. Sīhabyagghacchadīpinanti sīhabyagghaacchadīpīnaṃ maṃsādīni. Taracchassa ca maṃsādiṃ uddissakatamaṃsañca anāpucchitamaṃsañca bhuñjato dukkaṭaṃ siyā. Dakatitthādikanti ettha ādi-saddo vaccapassāvakuṭiyo saṅgaṇhāti. Tena yātānupubbaṃ āgatappaṭipāṭiṃ hitvāna vajjetvā nahānatitthañca vaccakuṭiñca passāvakuṭiñca vaje vajeyya gaccheyya, dukkaṭaṃ tassa siyāti attho.
59. сахасаад̇и взг̇асаа взг̇зна. вуб̣бхаж̇ид̇ваанаад̇и анд̇араваасагам̣ д̣̇уурад̇ова угкибид̇ваа, ва-гааро санд̇хивасзнааг̇ад̇о. бависзд̇и бависзяяа. важжабассаавагудиганд̇и важжагудигам̣ бассаавагудигам̣. висзд̇и бависзяяа. яо бхигку важжабассаавагудигам̣ сахасаа бависзяяа ваа нигкамзяяа ваа, уб̣бхаж̇ид̇ваа ваа бависзяяа ваа нигкамзяяа ваа, уггаасигам̣ важ̇ж̇зд̇ваа д̇ам̣ бависзяяа, д̇асса д̣̇уггадам̣ сияаад̇и яож̇анаа.
59.Sahasāti vegasā vegena. Vubbhajitvānāti antaravāsakaṃ dūratova ukkhipitvā, va-kāro sandhivasenāgato. Paviseti paviseyya. Vaccapassāvakuṭikanti vaccakuṭikaṃ passāvakuṭikaṃ. Viseti paviseyya. Yo bhikkhu vaccapassāvakuṭikaṃ sahasā paviseyya vā nikkhameyya vā, ubbhajitvā vā paviseyya vā nikkhameyya vā, ukkāsikaṃ vajjetvā taṃ paviseyya, tassa dukkaṭaṃ siyāti yojanā.
60. нид̇т̇унанд̇о важжам̣ гарзяяа д̣̇анд̇агадтан̃жа каад̣̇анд̇о, д̇асса д̣̇уггадам̣ сияаад̇и ад̇т̇о. важжабассаавад̣̇он̣ийнам̣ б̣ахи важжаад̣̇игам̣ важжабассаавам̣ гарзяяа, д̇асса д̣̇уггадам̣ сияаа.
60. Nitthunanto vaccaṃ kareyya dantakaṭṭhañca khādanto, tassa dukkaṭaṃ siyāti attho. Vaccapassāvadoṇīnaṃ bahi vaccādikaṃ vaccapassāvaṃ kareyya, tassa dukkaṭaṃ siyā.
61. карзна жаавалзкзяяаад̇и паалид̇агадтзна ваа парусзна ваа г̇ан̣тигзна ваа бууд̇игадтзна ваа сусирзна ваа авалзкзяяаад̇и ад̇т̇о. гадтанд̇и авалзканагадтам̣. гуубагзд̇и важжагуубагз. уухад̇ан̃жаад̇и г̇уут̇амагкид̇ан̃жа. на д̇ховзяяаад̇и ад̇д̇анаа ваа на д̇ховзяяа барзна ваа на д̇ховаабзяяа. углаабан̃жаад̇и гажаваран̃жа. на сод̇хаязна саммаж̇ж̇зяяа.
61.Kharenacāvalekheyyāti phālitakaṭṭhena vā pharusena vā gaṇṭhikena vā pūtikaṭṭhena vā susirena vā avalekheyyāti attho. Kaṭṭhanti avalekhanakaṭṭhaṃ. Kūpaketi vaccakūpake. Ūhatañcāti gūthamakkhitañca. Na dhoveyyāti attanā vā na dhoveyya parena vā na dhovāpeyya. Uklāpañcāti kacavarañca. Na sodhayena sammajjeyya.
62. жабужабууд̇и сад̣̇д̣̇ам̣ гад̇ваа уд̣̇агагижжам̣ гаронд̇асса аажаманд̇асса д̣̇уггадам̣ сияаад̇и ад̇т̇о. анаж̇жхидтоваад̇и анаан̣ад̇д̇оязва. т̇зрзнаад̇и сан̇гхад̇т̇зрзна. баад̇имогканд̇и баад̇имогкуд̣̇д̣̇зсам̣. уд̣̇д̣̇исз уд̣̇д̣̇исзяяа, д̣̇уггадам̣ сияаа.
62.Capucapūti saddaṃ katvā udakakiccaṃ karontassa ācamantassa dukkaṭaṃ siyāti attho. Anajjhiṭṭhovāti anāṇattoyeva. Therenāti saṅghattherena. Pātimokkhanti pātimokkhuddesaṃ. Uddise uddiseyya, dukkaṭaṃ siyā.
63. анаабужчааяа бан̃хасса гат̇анз, анаабужчааяа бан̃хасса виссаж̇ж̇анз, анаабужчааяа саж̇жхааяагаран̣з, анаабужчааяа бад̣̇ийбаж̇ааланз, анаабужчааяа бад̣̇ийбавиж̇жхаабанзд̇и имзсу жад̇уусу бажжаязсу д̇асса д̣̇уггадам̣ сияаа.
63. Anāpucchāya pañhassa kathane, anāpucchāya pañhassa vissajjane, anāpucchāya sajjhāyakaraṇe, anāpucchāya padīpajālane, anāpucchāya padīpavijjhāpaneti imesu catūsu paccayesu tassa dukkaṭaṃ siyā.
64. анаабужчаа ваад̇абаанагаваадаани виварзяяа ваа т̇агзяяа ваа, д̇асса д̣̇уггадам̣ сияаад̇и самб̣анд̇хо. ванд̣̇анаад̣̇инд̇и зд̇т̇а аад̣̇и-сад̣̇д̣̇о ванд̣̇аабанам̣ сан̇г̇ан̣хаад̇и. яо бхигку наг̇г̇о ванд̣̇анам̣ гарзяяа, ванд̣̇аабанам̣ гарзяяа, г̇аманам̣ гарзяяа, бхож̇анам̣ гарзяяа, биванам̣ гарзяяа, каад̣̇анам̣ гарзяяа, г̇ахан̣ам̣ гарзяяа, д̣̇аанам̣ гарзяяа, д̇асса саб̣б̣ад̇т̇а д̣̇уггаданд̇и самб̣анд̇хо.
64. Anāpucchā vātapānakavāṭāni vivareyya vā thakeyya vā, tassa dukkaṭaṃ siyāti sambandho. Vandanādinti ettha ādi-saddo vandāpanaṃ saṅgaṇhāti. Yo bhikkhu naggo vandanaṃ kareyya, vandāpanaṃ kareyya, gamanaṃ kareyya, bhojanaṃ kareyya, pivanaṃ kareyya, khādanaṃ kareyya, gahaṇaṃ kareyya, dānaṃ kareyya, tassa sabbattha dukkaṭanti sambandho.
65. д̇ибадижчаннагам̣ винаад̇и ‘‘ануж̇аанаами, бхигкавз, д̇иссо бадижчаад̣̇ияо ж̇анд̇аагхараббадижчаад̣̇им̣ уд̣̇агаббадижчаад̣̇им̣ вад̇т̇аббадижчаад̣̇и’’нд̇и (жуул̣ава. 261) звам̣ вуд̇д̇аа д̇иссо бадижчаад̣̇ияо самаахадаад̇и ‘‘д̇ибадижчаад̣̇ий’’д̇и вуд̇д̇ам̣. д̇ибадижчаннагам̣ табзд̇ваа баригаммам̣ саяам̣ гарзяяа, барам̣ гаараабзяяа, д̇асса д̣̇уггадам̣ сияаад̇и ад̇т̇о . яо бхигку нахааяам̣ нахааяанд̇о гуддз ваа т̇амбхз ваа д̇арумхи ваа гааяам̣ убагхам̣сзяяа, д̇асса д̣̇уггадам̣ сияаа.
65.Tipaṭicchannakaṃ vināti ‘‘anujānāmi, bhikkhave, tisso paṭicchādiyo jantāgharappaṭicchādiṃ udakappaṭicchādiṃ vatthappaṭicchādi’’nti (cūḷava. 261) evaṃ vuttā tisso paṭicchādiyo samāhaṭāti ‘‘tipaṭicchādī’’ti vuttaṃ. Tipaṭicchannakaṃ ṭhapetvā parikammaṃ sayaṃ kareyya, paraṃ kārāpeyya, tassa dukkaṭaṃ siyāti attho . Yo bhikkhu nahāyaṃ nahāyanto kuṭṭe vā thambhe vā tarumhi vā kāyaṃ upaghaṃseyya, tassa dukkaṭaṃ siyā.
66. яо бхигку нахааяанд̇о гурувинд̣̇агасуд̇д̇зна гааяам̣ гхам̣сзяяа, гааяад̇о гааязна ан̃н̃аман̃н̃ам̣ гхам̣сзяяа, д̇асса д̣̇уггадам̣ сияаад̇и самб̣анд̇хо. яо аг̇илаано саубаахано б̣ахаараамз б̣ахиаараамз жарзяяа, д̇асса д̣̇уггадам̣ сияаад̇и самб̣анд̇хо.
66. Yo bhikkhu nahāyanto kuruvindakasuttena kāyaṃ ghaṃseyya, kāyato kāyena aññamaññaṃ ghaṃseyya, tassa dukkaṭaṃ siyāti sambandho. Yo agilāno saupāhano bahārāme bahiārāme careyya, tassa dukkaṭaṃ siyāti sambandho.
67. саб̣б̣анийлаад̣̇игамби жаад̇и зд̇т̇а аад̣̇и-сад̣̇д̣̇о лохид̇од̣̇аад̇абийд̇аган̣хаман̃ж̇здтамахааран̇г̇амахаанаамаран̇г̇арад̇д̇аад̣̇аяо убааханааяо сан̇г̇ан̣хаад̇и. яо бхигку саб̣б̣анийласаб̣б̣алохид̇аад̣̇игам̣ убааханам̣ д̇хаарзд̇и, д̇асса д̣̇уггадам̣ сияаад̇и самб̣анд̇хо. яо бхигку рад̇д̇о рад̇д̇ажид̇д̇о д̇ад̣̇ахуж̇аад̇ааяаби ид̇т̇ияаа нимид̇д̇ам̣ бассзяяа, д̇асса д̣̇уггадам̣ сияаа. яо бхигку бхигкад̣̇ааяияаа бхигкад̣̇ааяигааяа ид̇т̇ияаа мукам̣ бассзяяа, д̇асса д̣̇уггадам̣ сияаа.
67.Sabbanīlādikampi cāti ettha ādi-saddo lohitodātapītakaṇhamañjeṭṭhamahāraṅgamahānāmaraṅgarattādayo upāhanāyo saṅgaṇhāti. Yo bhikkhu sabbanīlasabbalohitādikaṃ upāhanaṃ dhāreti, tassa dukkaṭaṃ siyāti sambandho. Yo bhikkhu ratto rattacitto tadahujātāyapi itthiyā nimittaṃ passeyya, tassa dukkaṭaṃ siyā. Yo bhikkhu bhikkhadāyiyā bhikkhadāyikāya itthiyā mukhaṃ passeyya, tassa dukkaṭaṃ siyā.
68-9. яо бхигку уж̇жхаанасан̃н̃ий худ̇ваа ан̃н̃асса бхигкуно бад̇д̇ам̣ ваа бассзяяа, д̇асса д̣̇уггадам̣ сияаа. аад̣̇аасаад̣̇имхи уд̣̇агабад̇д̇з ад̇д̇ано мукам̣ бассзяяа, д̇асса д̣̇уггадам̣ сияаа. ужжаасанамахаасанз нисаж̇ж̇аад̣̇им̣ нисийд̣̇анасаяанаад̣̇им̣ гаронд̇асса бхигкуно д̣̇уггадам̣ сияаа. угкид̇д̇аанубасамбаннанаанаасам̣ваасагаад̣̇ийнам̣ ванд̣̇анзби д̣̇уггадам̣ сияаад̇и самб̣анд̇хо. д̇ад̇т̇а угкид̇д̇од̇и аабад̇д̇ияаа ад̣̇ассанз угкид̇д̇аго, аабад̇д̇ияаа аббадигаммз угкид̇д̇аго, баабигааяа д̣̇идтияаа аббадиниссаг̇г̇з угкид̇д̇агод̇и д̇ивид̇хоби ид̇хаад̇хиббзд̇о. анубасамбаннод̇и иминаа бхигкунисааман̣зрасааман̣зрисигкамаанабан̣д̣агаид̇т̇исигкаабажжагкаад̇агаа г̇ахид̇аа. наанаасам̣ваасагаад̇и лад̣̇д̇хинаанаасам̣ваасагаа г̇ахид̇аа. аад̣̇и-сад̣̇д̣̇зна чиннамуулагаа г̇ахид̇аа.
68-9. Yo bhikkhu ujjhānasaññī hutvā aññassa bhikkhuno pattaṃ vā passeyya, tassa dukkaṭaṃ siyā. Ādāsādimhi udakapatte attano mukhaṃ passeyya, tassa dukkaṭaṃ siyā. Uccāsanamahāsane nisajjādiṃ nisīdanasayanādiṃ karontassa bhikkhuno dukkaṭaṃ siyā. Ukkhittānupasampannanānāsaṃvāsakādīnaṃ vandanepi dukkaṭaṃ siyāti sambandho. Tattha ukkhittoti āpattiyā adassane ukkhittako, āpattiyā appaṭikamme ukkhittako, pāpikāya diṭṭhiyā appaṭinissagge ukkhittakoti tividhopi idhādhippeto. Anupasampannoti iminā bhikkhunisāmaṇerasāmaṇerisikkhamānapaṇḍakaitthisikkhāpaccakkhātakā gahitā. Nānāsaṃvāsakāti laddhinānāsaṃvāsakā gahitā. Ādi-saddena chinnamūlakā gahitā.
70-71. яо д̣̇ийгхаасанз бан̣д̣агид̇т̇ийхи бан̣д̣агзна ваа ид̇т̇ияаа ваа убхад̇об̣яан̃ж̇анзна ваа згад̇о нисийд̣̇зяяа, д̇асса д̣̇уггадам̣ сияаа. ад̣̇ийгхз аасанзд̇и рассз аасанз. яо бхигку рассаасанз ман̃жз ваа бийтз ваа асамаанаасанигзна згад̇о саязяяа, д̇асса д̣̇уггадам̣ сияаад̇и ад̇т̇о. палабубпаад̣̇иганд̇и зд̇т̇а аад̣̇и-сад̣̇д̣̇зна взл̣ужун̣н̣ад̣̇анд̇агадтамад̇д̇игаад̣̇аяо сан̇г̇ахид̇аа. гуласан̇г̇ахад̇т̇ааяа палабубпаад̣̇игам̣ д̣̇ад̣̇ад̇о д̣̇уггадам̣ сияаад̇и самб̣анд̇хо.
70-71. Yo dīghāsane paṇḍakitthīhi paṇḍakena vā itthiyā vā ubhatobyañjanena vā ekato nisīdeyya, tassa dukkaṭaṃ siyā. Adīghe āsaneti rasse āsane. Yo bhikkhu rassāsane mañce vā pīṭhe vā asamānāsanikena ekato sayeyya, tassa dukkaṭaṃ siyāti attho. Phalapupphādikanti ettha ādi-saddena veḷucuṇṇadantakaṭṭhamattikādayo saṅgahitā. Kulasaṅgahatthāya phalapupphādikaṃ dadato dukkaṭaṃ siyāti sambandho.
72-3. яо бхигку г̇ант̇имаад̣̇им̣ саяам̣ гарзяяа, барам̣ гаараабзяяа, д̇асса д̣̇уггадам̣ сияаа. яо бхигку ж̇инзна ваарид̇абажжаяз барибхун̃ж̇зяяа, д̇асса д̣̇уггадам̣ сияаа. аб̣яад̇д̇о б̣аало яо бхигку аажарияубаж̇жхааяз аниссааяа ниссаяам̣ аг̇г̇ахзд̇ваа васзяяа, д̇асса д̣̇уггадам̣ сияаа. яо бхигку анун̃н̃аад̇зхи маад̇аабид̇уаад̣̇ийхи буг̇г̇алзхи ан̃н̃асса буг̇г̇аласса бхзсаж̇ж̇ам̣ гарзяяа ваа вад̣̇зяяа ваа, д̇асса д̣̇уггадам̣ сияаа. саабад̇д̇иго яо бхигку убосат̇аббавааран̣ам̣ гарзяяа, д̇асса д̣̇уггадам̣ сияаад̇и самб̣анд̇хо. д̇ад̇т̇а ж̇инзна бхаг̇авад̇аа ваарид̇аа ж̇инаваарид̇аа, ж̇инаваарид̇аа жа д̇з бажжаяаа жзд̇и ж̇инаваарид̇абажжаяаа, д̇з ж̇инаваарид̇абажжаяз. д̣̇взмаад̇игаааббаг̇ун̣ад̇ааяа аб̣яад̇д̇о.
72-3. Yo bhikkhu ganthimādiṃ sayaṃ kareyya, paraṃ kārāpeyya, tassa dukkaṭaṃ siyā. Yo bhikkhu jinena vāritapaccaye paribhuñjeyya, tassa dukkaṭaṃ siyā. Abyatto bālo yo bhikkhu ācariyupajjhāye anissāya nissayaṃ aggahetvā vaseyya, tassa dukkaṭaṃ siyā. Yo bhikkhu anuññātehi mātāpituādīhi puggalehi aññassa puggalassa bhesajjaṃ kareyya vā vadeyya vā, tassa dukkaṭaṃ siyā. Sāpattiko yo bhikkhu uposathappavāraṇaṃ kareyya, tassa dukkaṭaṃ siyāti sambandho. Tattha jinena bhagavatā vāritā jinavāritā, jinavāritā ca te paccayā ceti jinavāritapaccayā, te jinavāritapaccaye. Dvemātikāappaguṇatāya abyatto.
74. яо бхигку аабхог̇ам̣ ваа нияог̇ам̣ ваа важ̇ж̇зд̇ваа д̣̇ваараб̣анд̇хаад̣̇игз таанз баривад̇д̇агаваадагам̣ абид̇хааяа д̣̇иваа саязяяа, д̇асса д̣̇уггадам̣ сияаад̇и самб̣анд̇хо. д̣̇ваараб̣анд̇хаад̣̇игзд̇и язна гзнажи баригкид̇д̇з аб̣бхогаасзби ругкамуулзби анд̇амасо иминаа лагкан̣зна яуд̇д̇ааагаасан̇г̇ан̣зби. абид̇хааяаад̇и абид̣̇ахид̇ваа. винаабхог̇анд̇и ‘‘зса д̣̇ваарам̣ ж̇аг̇г̇иссад̇ий’’д̇и аабхог̇ам̣ табзд̇ваад̇и ад̇т̇о. нияог̇анд̇и авасадтаанам̣, ад̇д̇ано авасам̣ б̣ахусаад̇хааран̣адтаанам̣ табзд̇ваа. ‘‘савасо’’д̇и ваа баато, савасо худ̇ваад̇и ад̇т̇о. д̣̇иваад̇и д̣̇иваагаалз.
74. Yo bhikkhu ābhogaṃ vā niyogaṃ vā vajjetvā dvārabandhādike ṭhāne parivattakavāṭakaṃ apidhāya divā sayeyya, tassa dukkaṭaṃ siyāti sambandho. Dvārabandhādiketi yena kenaci parikkhitte abbhokāsepi rukkhamūlepi antamaso iminā lakkhaṇena yuttaākāsaṅgaṇepi. Apidhāyāti apidahitvā. Vinābhoganti ‘‘esa dvāraṃ jaggissatī’’ti ābhogaṃ ṭhapetvāti attho. Niyoganti avasaṭṭhānaṃ, attano avasaṃ bahusādhāraṇaṭṭhānaṃ ṭhapetvā. ‘‘Savaso’’ti vā pāṭho, savaso hutvāti attho. Divāti divākāle.
75. д̇хан̃н̃анд̇и саали вийхи яаво г̇од̇хумо ган̇г̇у вараго гуд̣̇руусагод̇и сад̇д̇авид̇хам̣ д̇хан̃н̃ам̣. ид̇т̇ируубанд̇и д̣̇аарулохамаяаад̣̇иид̇т̇ируубам̣. рад̇ананд̇и муд̇д̇аад̣̇ид̣̇асавид̇хам̣ рад̇анам̣. аавуд̇ханд̇и сад̇д̇ид̇омараад̣̇исаб̣б̣аавуд̇хабхан̣д̣ам̣. ид̇т̇ибасаад̇хананд̇и ид̇т̇ияаа сийсаад̣̇иалан̇гаарам̣. д̇уурияабхан̣д̣анд̇и д̇хаманасан̇каад̣̇исаб̣б̣ам̣ д̇уурияабхан̣д̣ам̣. паларугкзд̇и палид̇аругкз. буб̣б̣ан̣н̣аад̣̇иганд̇и муг̇г̇амаасаад̣̇игам̣. аад̣̇и-сад̣̇д̣̇зна ваагурагуминаад̣̇аяо г̇ахид̇аа. зд̇зсу яам̣ гин̃жи аамасзяяа, д̇асса д̣̇уггадам̣ сияаад̇и ад̇т̇о.
75.Dhaññanti sāli vīhi yavo godhumo kaṅgu varako kudrūsakoti sattavidhaṃ dhaññaṃ. Itthirūpanti dārulohamayādiitthirūpaṃ. Ratananti muttādidasavidhaṃ ratanaṃ. Āvudhanti sattitomarādisabbāvudhabhaṇḍaṃ. Itthipasādhananti itthiyā sīsādialaṅkāraṃ. Tūriyabhaṇḍanti dhamanasaṅkhādisabbaṃ tūriyabhaṇḍaṃ. Phalarukkheti phalitarukkhe. Pubbaṇṇādikanti muggamāsādikaṃ. Ādi-saddena vākurakuminādayo gahitā. Etesu yaṃ kiñci āmaseyya, tassa dukkaṭaṃ siyāti attho.
76. сасид̇т̇од̣̇агад̇злзхийд̇и яо бана мад̇хусид̇т̇агад̇злзна ваа уд̣̇агамиссагад̇злзна ваа язна гзнажи жигкаллзна ваа. пан̣ахад̇т̇апан̣зхи ваад̇и д̣̇анд̇амаяаад̣̇ипан̣зна ваа пан̣агижжасаад̇хагзхи хад̇т̇ан̇г̇улийхи ваа гожчзна ваа гзсамосан̣танз д̣̇уггадам̣ сияаад̇и ад̇т̇о. згасмим̣ бхааж̇анз бхож̇ананимид̇д̇з д̣̇уггадам̣ сияаад̇и ад̇т̇о.
76.Sasitthodakatelehīti yo pana madhusitthakatelena vā udakamissakatelena vā yena kenaci cikkhallena vā. Phaṇahatthaphaṇehi vāti dantamayādiphaṇena vā phaṇakiccasādhakehi hatthaṅgulīhi vā kocchena vā kesamosaṇṭhane dukkaṭaṃ siyāti attho. Ekasmiṃ bhājane bhojananimitte dukkaṭaṃ siyāti attho.
77. д̣̇вз бхигкуу згад̇т̇аран̣аа саязяяуум̣, д̣̇вз бхигкуу згабаавуран̣аа саязяяум̣, д̣̇вз бхигкуу згаман̃жагз саязяяум̣, д̇зсам̣ д̣̇уггадаани хонд̇ийд̇и самб̣анд̇хо. бамаан̣ад̇о ад̇хигам̣ ваа уунам̣ ваа д̣̇анд̇агадтам̣ каад̣̇зяяа, д̇асса д̣̇уггадам̣ сияаад̇и яож̇анаа. д̇ад̇т̇а ад̇хиганд̇и адтан̇г̇улад̇о ад̇хигам̣. уунанд̇и жад̇уран̇г̇улад̇о уунам̣.
77. Dve bhikkhū ekattharaṇā sayeyyūṃ, dve bhikkhū ekapāvuraṇā sayeyyuṃ, dve bhikkhū ekamañcake sayeyyuṃ, tesaṃ dukkaṭāni hontīti sambandho. Pamāṇato adhikaṃ vā ūnaṃ vā dantakaṭṭhaṃ khādeyya, tassa dukkaṭaṃ siyāti yojanā. Tattha adhikanti aṭṭhaṅgulato adhikaṃ. Ūnanti caturaṅgulato ūnaṃ.
78. яо бхигку нажжан̃жа г̇ийд̇ан̃жа ваад̣̇ид̇ан̃жа яож̇зд̇и ваа яож̇аабзд̇и ваа, д̇асса д̣̇уггадам̣ сияаа. д̇зсам̣ нажжаанам̣ д̣̇ассанам̣, д̇зсам̣ г̇ийд̇аанам̣ саванам̣, д̇зсам̣ ваад̣̇ид̇аанам̣ саванан̃жа гаронд̇асса д̣̇уггадам̣ сияаад̇и ад̇т̇о.
78. Yo bhikkhu naccañca gītañca vāditañca yojeti vā yojāpeti vā, tassa dukkaṭaṃ siyā. Tesaṃ naccānaṃ dassanaṃ, tesaṃ gītānaṃ savanaṃ, tesaṃ vāditānaṃ savanañca karontassa dukkaṭaṃ siyāti attho.
79. вийхаад̣̇иробимзд̇и вийхиаад̣̇ийнам̣ руханадтаанз. б̣ахибаагаарагуддагзд̇и баагаарагуддаанам̣ б̣ахи. важжаад̣̇ичад̣д̣анаад̣̇имхийд̇и важжабассаавасан̇гааражалагаад̣̇ийнам̣ чад̣д̣анависсаж̇ж̇анабажжаяаа д̣̇уггадам̣ сияаад̇и ад̇т̇о. д̣̇ийгхагзсаад̣̇ид̇хааран̣зд̇и д̣̇ийгхагзсад̇хааран̣з д̣̇ийгханакад̇хааран̣з д̣̇уггадам̣ сияаад̇и ад̇т̇о.
79.Vīhādiropimeti vīhiādīnaṃ ruhanaṭṭhāne. Bahipākārakuṭṭaketi pākārakuṭṭānaṃ bahi. Vaccādichaḍḍanādimhīti vaccapassāvasaṅkāracalakādīnaṃ chaḍḍanavissajjanapaccayā dukkaṭaṃ siyāti attho. Dīghakesādidhāraṇeti dīghakesadhāraṇe dīghanakhadhāraṇe dukkaṭaṃ siyāti attho.
80. накамадтагаран̣аад̣̇имхийд̇и зд̇т̇а аад̣̇и-сад̣̇д̣̇зна раж̇анагаран̣ам̣ г̇ахид̇ам̣. самб̣аад̇хз ломахааран̣зд̇и самб̣аад̇хз убагажчагамуд̇д̇агаран̣адтаанз ломуд̣̇д̇харан̣з. саубаахано бхигку баригаммагад̇ам̣ бхуумим̣ аггамзяяаад̇и самб̣анд̇хо.
80.Nakhamaṭṭhakaraṇādimhīti ettha ādi-saddena rajanakaraṇaṃ gahitaṃ. Sambādhe lomahāraṇeti sambādhe upakacchakamuttakaraṇaṭṭhāne lomuddharaṇe. Saupāhano bhikkhu parikammakataṃ bhūmiṃ akkameyyāti sambandho.
81. ад̇ход̇ааллабаад̣̇зхийд̇и яо бхигку ад̇ход̇абаад̣̇зхи ваа аллабаад̣̇зхи ваа сан̇гхигам̣ ман̃жам̣ ваа бийтам̣ ваа аггамзяяа, баригаммагад̇ам̣ бхид̇д̇им̣ ваа гааяад̇о аамасанд̇асса д̣̇уггадам̣ сияаад̇и ад̇т̇о.
81.Adhotaallapādehīti yo bhikkhu adhotapādehi vā allapādehi vā saṅghikaṃ mañcaṃ vā pīṭhaṃ vā akkameyya, parikammakataṃ bhittiṃ vā kāyato āmasantassa dukkaṭaṃ siyāti attho.
82-3. сан̇гхаадияааби баллад̇т̇зд̇и ад̇хидтид̇ажийварзна вихаарз ваа анд̇арагхарз ваа баллад̇т̇игам̣ гарзяяа, д̇асса д̣̇уггадам̣. д̣̇уббарибхун̃ж̇зяяа жийваранд̇и д̇ин̣н̣ам̣ жийвараанам̣ ан̃н̃ад̇арам̣ жийварам̣ д̣̇уббарибхог̇зна барибхун̃ж̇зяяа. агааяаб̣анд̇ханод̇и гааяаб̣анд̇ханавирахид̇о бхигку г̇аамам̣ важ̇зяяа г̇ажчзяяа. яо бхигку важжагам̣ ужжаарам̣ гад̇ваана уд̣̇агз санд̇з наажамзяяа уд̣̇агасуд̣̇д̇хим̣ на гарзяяа, д̇асса д̣̇уггадам̣ сияаад̇и ад̇т̇о. самаад̣̇зяяа агаббиязд̇и бхигкум̣ ваа сааман̣зраад̣̇игз сзсасахад̇хаммигз ваа агаббияз нияож̇зяяа, д̇асса д̣̇уггадам̣ сияаад̇и ад̇т̇о. сабхааг̇аабад̇д̇ияаа д̣̇зсанаарожанабажжаяаа д̣̇уггадам̣ сияаад̇и ад̇т̇о. сабхааг̇аад̇и зд̇т̇а вад̇т̇усабхааг̇ад̇аава ид̇хаад̇хиббзд̇аа, на аабад̇д̇исабхааг̇ад̇аа.
82-3.Saṅghāṭiyāpipallattheti adhiṭṭhitacīvarena vihāre vā antaraghare vā pallatthikaṃ kareyya, tassa dukkaṭaṃ. Dupparibhuñjeyya cīvaranti tiṇṇaṃ cīvarānaṃ aññataraṃ cīvaraṃ dupparibhogena paribhuñjeyya. Akāyabandhanoti kāyabandhanavirahito bhikkhu gāmaṃ vajeyya gaccheyya. Yo bhikkhu vaccakaṃ uccāraṃ katvāna udake sante nācameyya udakasuddhiṃ na kareyya, tassa dukkaṭaṃ siyāti attho. Samādeyya akappiyeti bhikkhuṃ vā sāmaṇerādike sesasahadhammike vā akappiye niyojeyya, tassa dukkaṭaṃ siyāti attho. Sabhāgāpattiyā desanārocanapaccayā dukkaṭaṃ siyāti attho. Sabhāgāti ettha vatthusabhāgatāva idhādhippetā, na āpattisabhāgatā.
84. на васз вассанд̇и яо бхигку вассам̣ на васзяяа на убаг̇ажчзяяа, д̇асса д̣̇уггадам̣ сияаа. висам̣ваад̣̇з суд̣̇д̇хажид̇д̇зд̇и зд̇т̇а самбад̣̇аанад̇т̇з бхуммаважанам̣, бадиссавам̣ висам̣ваад̣̇знд̇асса суд̣̇д̇хажид̇д̇асса д̣̇уггадам̣ сияаад̇и ад̇т̇о. вассам̣ васид̇ваа ананун̃н̃аад̇агижжад̇о ананун̃н̃аад̇агижжзна бхигкуно г̇аманз д̣̇уггадам̣ сияаад̇и яож̇анаа.
84.Na vase vassanti yo bhikkhu vassaṃ na vaseyya na upagaccheyya, tassa dukkaṭaṃ siyā. Visaṃvāde suddhacitteti ettha sampadānatthe bhummavacanaṃ, paṭissavaṃ visaṃvādentassa suddhacittassa dukkaṭaṃ siyāti attho. Vassaṃ vasitvā ananuññātakiccato ananuññātakiccena bhikkhuno gamane dukkaṭaṃ siyāti yojanā.
85. аабад̣̇ам̣ важ̇ж̇зд̇ваа д̇арусса уд̣̇д̇хам̣ борисамхаа абхирухан̣з д̣̇уггадам̣ сияаад̇и самб̣анд̇хо. аабад̣̇анд̇и анд̇арааяам̣. д̇аруссаад̇и ругкасса. борисамхаад̇и згаборисаббамаан̣аа маж̇жхимасса бурисасса бан̃жахад̇т̇аа. абариссаавано яо бхигку ад̣̇д̇хаанам̣ г̇ажчзяяа, яо жа бхигку д̇ам̣ бариссааванам̣ яаажад̇о на д̣̇ад̣̇зяяа, д̇асса д̣̇уггадам̣ сияаад̇и яож̇анаа. ад̣̇д̇хаананд̇и ад̣̇д̇хаяож̇анамзва анд̇имамад̣̇д̇хаанам̣.
85. Āpadaṃ vajjetvā tarussa uddhaṃ porisamhā abhiruhaṇe dukkaṭaṃ siyāti sambandho. Āpadanti antarāyaṃ. Tarussāti rukkhassa. Porisamhāti ekaporisappamāṇā majjhimassa purisassa pañcahatthā. Aparissāvano yo bhikkhu addhānaṃ gaccheyya, yo ca bhikkhu taṃ parissāvanaṃ yācato na dadeyya, tassa dukkaṭaṃ siyāti yojanā. Addhānanti addhayojanameva antimamaddhānaṃ.
86. ад̇д̇ано гхаад̇анз д̣̇уггадам̣ сияаад̇и самб̣анд̇хо. яо бхигку ид̇т̇ируубаад̣̇ируубам̣ гарзяяа ваа гаараабзяяа ваа, д̇асса д̣̇уггадам̣ сияаа. маалаад̣̇игам̣ вижид̇д̇ам̣ табзд̇ваа ж̇аад̇агаад̣̇ивад̇т̇ум̣ саяам̣ гарзяяа, д̣̇уггадам̣ сияаад̇и самб̣анд̇хо.
86. Attano ghātane dukkaṭaṃ siyāti sambandho. Yo bhikkhu itthirūpādirūpaṃ kareyya vā kārāpeyya vā, tassa dukkaṭaṃ siyā. Mālādikaṃ vicittaṃ ṭhapetvā jātakādivatthuṃ sayaṃ kareyya, dukkaṭaṃ siyāti sambandho.
87. бхун̃ж̇анд̇амудтабзд̇и яо бхигку бхун̃ж̇анд̇ам̣ удтаабзяяа, д̇асса д̣̇уггадам̣ сияаа. бхад̇д̇асаалаад̣̇ийсу вуд̣дхаанам̣ огаасам̣ ад̣̇ад̇ваа нисийд̣̇ад̇о д̣̇уггадам̣ сияаад̇и яож̇анаа.
87.Bhuñjantamuṭṭhapeti yo bhikkhu bhuñjantaṃ uṭṭhāpeyya, tassa dukkaṭaṃ siyā. Bhattasālādīsu vuḍḍhānaṃ okāsaṃ adatvā nisīdato dukkaṭaṃ siyāti yojanā.
88. яаанаанийд̇и ваяхам̣ рат̇о сагадам̣ санд̣̇амаанигаад̣̇ийни. галлагод̇и аг̇илаано. аг̇илаано яо бхигку яаанаани абхирухзяяа, д̇асса д̣̇уггадам̣ сияаад̇и ад̇т̇о. вад̣̇з д̣̇аванд̇и гзл̣им̣ вад̣̇зяяа, рад̇анад̇д̇аяам̣ аараб̣бха гзл̣им̣ вад̣̇зяяа, д̇асса д̣̇уггадам̣ сияаад̇и ад̇т̇о. ан̃н̃абарисааяа убалааланз д̣̇уггадам̣ ход̇и.
88.Yānānīti vayhaṃ ratho sakaṭaṃ sandamānikādīni. Kallakoti agilāno. Agilāno yo bhikkhu yānāni abhiruheyya, tassa dukkaṭaṃ siyāti attho. Vade davanti keḷiṃ vadeyya, ratanattayaṃ ārabbha keḷiṃ vadeyya, tassa dukkaṭaṃ siyāti attho. Aññaparisāya upalālane dukkaṭaṃ hoti.
89. гааяаад̣̇инд̇и зд̇т̇а аад̣̇и-сад̣̇д̣̇о уурунимид̇д̇ам̣ сан̇г̇ан̣хаад̇и. гааяам̣ ваа уурум̣ ваа нимид̇д̇ам̣ ваа виварид̇ваа бхигкунийнам̣ на д̣̇ассаяз на д̣̇ассзяяаад̇и ад̇т̇о. логааяад̇ам̣ д̇иражчаанаад̣̇ивиж̇ж̇ам̣ на жа саяам̣ ваажзяяа, баран̃жа на ваажаабзяяа. балид̇ам̣ г̇ан̣хзяяа ваа г̇ан̣хаабзяяа ваа, д̇асса д̣̇уггадам̣ сияаад̇и яож̇анаа.
89.Kāyādinti ettha ādi-saddo ūrunimittaṃ saṅgaṇhāti. Kāyaṃ vā ūruṃ vā nimittaṃ vā vivaritvā bhikkhunīnaṃ na dassaye na dasseyyāti attho. Lokāyataṃ tiracchānādivijjaṃ na ca sayaṃ vāceyya, parañca na vācāpeyya. Palitaṃ gaṇheyya vā gaṇhāpeyya vā, tassa dukkaṭaṃ siyāti yojanā.
90-92. яад̇т̇а гад̇т̇ажи бзл̣ааяам̣ багкибид̇ваа бхад̇д̇ам̣ бхун̃ж̇анд̇асса д̣̇уггадам̣ сияаад̇и самб̣анд̇хо. бад̇д̇ахад̇т̇аго яо бхигку ваад̇абаанам̣ ваа гаваадам̣ ваа бан̣аамз бан̣аамзяяа, сод̣̇агам̣ бад̇д̇ам̣ ун̣хзяяа ун̣хз од̇аабзяяа ваа бадисаамзяяа ваа, вод̣̇агам̣ бад̇д̇ам̣ ад̇иун̣хзяяа ад̇итабзяяа, д̇асса д̣̇уггадам̣ сияаад̇и ад̇т̇о. яо бхигку бад̇д̇ам̣ бхуумияам̣ ваа ан̇гз ваа ман̃жз ваа бийтз ваа мид̣дханд̇з ваа барибхан̣д̣анд̇з ваа баад̣̇з ваа чад̇д̇з ваа табзяяа, д̇асса д̣̇уггадам̣ сияаад̇и самб̣анд̇хо. бхуумияанд̇и язна гзнажи анад̇т̇ад̇ааяа бам̣сусагкарамиссааяа. ан̇гзд̇и д̣̇виннам̣ ууруунам̣ маж̇жхз. мид̣дханд̇зд̇и мид̣дхабарияанд̇з. барибхан̣д̣анд̇зд̇и б̣аахирабассз гад̇ааяа д̇анугамид̣дхияаа анд̇з. яо бхигку жалагаад̣̇им̣ ваа бад̇д̇з табзяяа, бад̇д̇з ваа хад̇т̇ад̇хованз хад̇т̇асса д̇хованаббажжаяаа д̇асса д̣̇уггадам̣ сияаад̇и самб̣анд̇хо.
90-92. Yattha katthaci peḷāyaṃ pakkhipitvā bhattaṃ bhuñjantassa dukkaṭaṃ siyāti sambandho. Pattahatthako yo bhikkhu vātapānaṃ vā kavāṭaṃ vā paṇāme paṇāmeyya, sodakaṃ pattaṃ uṇheyya uṇhe otāpeyya vā paṭisāmeyya vā, vodakaṃ pattaṃ atiuṇheyya atiṭhapeyya, tassa dukkaṭaṃ siyāti attho. Yo bhikkhu pattaṃ bhūmiyaṃ vā aṅke vā mañce vā pīṭhe vā miḍḍhante vā paribhaṇḍante vā pāde vā chatte vā ṭhapeyya, tassa dukkaṭaṃ siyāti sambandho. Bhūmiyanti yena kenaci anatthatāya paṃsusakkharamissāya. Aṅketi dvinnaṃ ūrūnaṃ majjhe. Miḍḍhanteti miḍḍhapariyante. Paribhaṇḍanteti bāhirapasse katāya tanukamiḍḍhiyā ante. Yo bhikkhu calakādiṃ vā patte ṭhapeyya, patte vā hatthadhovane hatthassa dhovanappaccayā tassa dukkaṭaṃ siyāti sambandho.
93. ужчидтам̣ мукад̇хованам̣ уд̣̇агамби бад̇д̇зна нийхаранд̇асса бхигкуно д̣̇уггадам̣ сияаа. яо бхигку агаббияам̣ бад̇д̇ам̣ барибхун̃ж̇зяяа, д̇асса д̣̇уггадам̣ сияаад̇и ад̇т̇о. д̇ад̇т̇а агаббияам̣ бад̇д̇анд̇и д̣̇аарумаяабад̇д̇аад̣̇им̣.
93. Ucchiṭṭhaṃ mukhadhovanaṃ udakampi pattena nīharantassa bhikkhuno dukkaṭaṃ siyā. Yo bhikkhu akappiyaṃ pattaṃ paribhuñjeyya, tassa dukkaṭaṃ siyāti attho. Tattha akappiyaṃ pattanti dārumayapattādiṃ.
94. яо бхигку кибид̇з ‘‘ж̇ийваа’’д̇и вад̣̇з вад̣̇зяяа, д̇асса д̣̇уггадам̣ сияаад̇и ад̇т̇о. яо бхигку бариман̣д̣алагаад̣̇имхи бан̃жасад̇д̇ад̇и сзкияз анаад̣̇аро худ̇ваа на сигкад̇и, д̇асса д̣̇уггадам̣ сияаад̇и самб̣анд̇хо.
94. Yo bhikkhu khipite ‘‘jīvā’’ti vade vadeyya, tassa dukkaṭaṃ siyāti attho. Yo bhikkhu parimaṇḍalakādimhi pañcasattati sekhiye anādaro hutvā na sikkhati, tassa dukkaṭaṃ siyāti sambandho.
95. яо бхигку бхан̣д̣ааг̇аарз баяуд̇о маад̇уяаа бид̇уно жа бхан̣д̣агам̣ г̇обзяяа, асса бхигкуно баажид̇д̇ияам̣ сияаад̇и самб̣анд̇хо. д̇ад̇т̇а баяуд̇од̇и бхан̣д̣ааг̇аарз б̣яаабааравасзна яуд̇д̇аббаяуд̇д̇о. г̇обаязд̇и г̇обзяяа. яо бхигку д̣̇авааяа хийнзна ж̇аад̇иаад̣̇инаа уд̇д̇амамби вад̣̇зяяа, д̣̇уб̣бхаасид̇ам̣ сияаад̇и самб̣анд̇хо. д̇ад̇т̇а хийнзхи ваа уггадтзхи ваа ж̇аад̇иаад̣̇ийхи звам̣ уггадтам̣ ваа хийнам̣ ваа ‘‘жан̣д̣аалосий’’д̇иаад̣̇инаа наязна уж̇ум̣ ваа ‘‘санд̇и ид̇хзгажжз жан̣д̣аалавзнанзсаад̣̇аа’’д̇иаад̣̇инаа наязна ан̃н̃аабад̣̇зсзна ваа убасамбаннам̣ ваа анубасамбаннам̣ ваа аггосаад̇хиббааяам̣ винаа гзвалам̣ гийл̣аад̇хиббааязна вад̣̇зяяа, д̣̇уб̣бхаасид̇ам̣ сияаад̇и.
95. Yo bhikkhu bhaṇḍāgāre payuto mātuyā pituno ca bhaṇḍakaṃ gopeyya, assa bhikkhuno pācittiyaṃ siyāti sambandho. Tattha payutoti bhaṇḍāgāre byāpāravasena yuttappayutto. Gopayeti gopeyya. Yo bhikkhu davāya hīnena jātiādinā uttamampi vadeyya, dubbhāsitaṃ siyāti sambandho. Tattha hīnehi vā ukkaṭṭhehi vā jātiādīhi evaṃ ukkaṭṭhaṃ vā hīnaṃ vā ‘‘caṇḍālosī’’tiādinā nayena ujuṃ vā ‘‘santi idhekacce caṇḍālavenanesādā’’tiādinā nayena aññāpadesena vā upasampannaṃ vā anupasampannaṃ vā akkosādhippāyaṃ vinā kevalaṃ kīḷādhippāyena vadeyya, dubbhāsitaṃ siyāti.
багин̣н̣аганид̣̇д̣̇зсаван̣н̣анаа нидтид̇аа.
Pakiṇṇakaniddesavaṇṇanā niṭṭhitā.
