| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
ပကိဏ္ဏကကထာ
Pakiṇṇakakathā
ဧတ္ထာတိ ဣမသ္မိံ သိက္ခာပဒေ။ ဣဒံ ပကိဏ္ဏကံ ဝုတ္တန္တိ သမ္ဗန္ဓော။ တီဏိ ပာစိတ္တိယာနီတိ ဘိက္ခုနော အသမ္မတတ္တာ ဧကံ ပာစိတ္တိယံ, သူရိယသ္သ အတ္ထင္ဂတတ္တာ ဧကံ, ဘိက္ခုနုပသ္သယံ ဥပသင္ကမိတတ္တာ ဧကန္တိ တီဏိ ပာစိတ္တိယာနိ။ ကထန္တိ ကေန ကာရဏေန ဟောတီတိ ယောဇနာ။ တတ္ထာတိ ဘိက္ခုနုပသ္သယံ။ တသ္သေဝာတိ သမ္မတသ္သေဝ ဘိက္ခုနော။ အညေန ဓမ္မေနာတိ ဂရုဓမ္မေဟိ အညေန ဓမ္မေန။ ဒိဝာ ပနာတိ သူရိယုဂ္ဂမနတော တသ္သ အနတ္ထင္ဂတေယေဝာတိ။
Etthāti imasmiṃ sikkhāpade. Idaṃ pakiṇṇakaṃ vuttanti sambandho. Tīṇi pācittiyānīti bhikkhuno asammatattā ekaṃ pācittiyaṃ, sūriyassa atthaṅgatattā ekaṃ, bhikkhunupassayaṃ upasaṅkamitattā ekanti tīṇi pācittiyāni. Kathanti kena kāraṇena hotīti yojanā. Tatthāti bhikkhunupassayaṃ. Tassevāti sammatasseva bhikkhuno. Aññena dhammenāti garudhammehi aññena dhammena. Divā panāti sūriyuggamanato tassa anatthaṅgateyevāti.
