| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
បកិណ្ណកកថា
Pakiṇṇakakathā
ឯត្ថាតិ ឥមស្មិំ សិក្ខាបទេ។ ឥទំ បកិណ្ណកំ វុត្តន្តិ សម្ពន្ធោ។ តីណិ បាចិត្តិយានីតិ ភិក្ខុនោ អសម្មតត្តា ឯកំ បាចិត្តិយំ, សូរិយស្ស អត្ថង្គតត្តា ឯកំ, ភិក្ខុនុបស្សយំ ឧបសង្កមិតត្តា ឯកន្តិ តីណិ បាចិត្តិយានិ។ កថន្តិ កេន ការណេន ហោតីតិ យោជនា។ តត្ថាតិ ភិក្ខុនុបស្សយំ។ តស្សេវាតិ សម្មតស្សេវ ភិក្ខុនោ។ អញ្ញេន ធម្មេនាតិ គរុធម្មេហិ អញ្ញេន ធម្មេន។ ទិវា បនាតិ សូរិយុគ្គមនតោ តស្ស អនត្ថង្គតេយេវាតិ។
Etthāti imasmiṃ sikkhāpade. Idaṃ pakiṇṇakaṃ vuttanti sambandho. Tīṇi pācittiyānīti bhikkhuno asammatattā ekaṃ pācittiyaṃ, sūriyassa atthaṅgatattā ekaṃ, bhikkhunupassayaṃ upasaṅkamitattā ekanti tīṇi pācittiyāni. Kathanti kena kāraṇena hotīti yojanā. Tatthāti bhikkhunupassayaṃ. Tassevāti sammatasseva bhikkhuno. Aññena dhammenāti garudhammehi aññena dhammena. Divā panāti sūriyuggamanato tassa anatthaṅgateyevāti.
