| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ပဇ္ဇောတသုတ္တဝဏ္ဏနာ
10. Pajjotasuttavaṇṇanā
၈၀. ဒသမေ ပဇ္ဇောတောတိ ပဒီပော ဝိယ ဟောတိ။ ဇာဂရောတိ ဇာဂရဗ္ရာဟ္မဏော ဝိယ ဟောတိ။ ဂာဝော ကမ္မေ သဇီဝာနန္တိ ကမ္မေန သဟ ဇီဝန္တာနံ ဂာဝောဝ ကမ္မေ ကမ္မသဟာယာ ကမ္မဒုတိယကာ နာမ ဟောန္တိ။ ဂောမဏ္ဍလေဟိ သဒ္ဓိံ ကသိကမ္မာဒီနိ နိပ္ဖဇ္ဇန္တိ။ သီတသ္သ ဣရိယာပထောတိ သီတံ အသ္သ သတ္တကာယသ္သ ဣရိယာပထော ဇီဝိတဝုတ္တိ။ သီတန္တိ နင္ဂလံ။ ယသ္သ ဟိ နင္ဂလေဟိ ခေတ္တံ အပ္ပမတ္တကမ္ပိ ကဋ္ဌံ န ဟောတိ, သော ကထံ ဇီဝိသ္သတီတိ ဝဒတိ။ ဒသမံ။
80. Dasame pajjototi padīpo viya hoti. Jāgaroti jāgarabrāhmaṇo viya hoti. Gāvo kamme sajīvānanti kammena saha jīvantānaṃ gāvova kamme kammasahāyā kammadutiyakā nāma honti. Gomaṇḍalehi saddhiṃ kasikammādīni nipphajjanti. Sītassa iriyāpathoti sītaṃ assa sattakāyassa iriyāpatho jīvitavutti. Sītanti naṅgalaṃ. Yassa hi naṅgalehi khettaṃ appamattakampi kaṭṭhaṃ na hoti, so kathaṃ jīvissatīti vadati. Dasamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ပဇ္ဇောတသုတ္တံ • 10. Pajjotasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ပဇ္ဇောတသုတ္တဝဏ္ဏနာ • 10. Pajjotasuttavaṇṇanā
