| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๐. ปโชฺชตสุตฺตวณฺณนา
10. Pajjotasuttavaṇṇanā
๘๐. ทสเม ปโชฺชโตติ ปทีโป วิย โหติฯ ชาคโรติ ชาครพฺราหฺมโณ วิย โหติฯ คาโว กเมฺม สชีวานนฺติ กเมฺมน สห ชีวนฺตานํ คาโวว กเมฺม กมฺมสหายา กมฺมทุติยกา นาม โหนฺติฯ โคมณฺฑเลหิ สทฺธิํ กสิกมฺมาทีนิ นิปฺผชฺชนฺติฯ สีตสฺส อิริยาปโถติ สีตํ อสฺส สตฺตกายสฺส อิริยาปโถ ชีวิตวุตฺติฯ สีตนฺติ นงฺคลํฯ ยสฺส หิ นงฺคเลหิ เขตฺตํ อปฺปมตฺตกมฺปิ กฎฺฐํ น โหติ, โส กถํ ชีวิสฺสตีติ วทติฯ ทสมํฯ
80. Dasame pajjototi padīpo viya hoti. Jāgaroti jāgarabrāhmaṇo viya hoti. Gāvo kamme sajīvānanti kammena saha jīvantānaṃ gāvova kamme kammasahāyā kammadutiyakā nāma honti. Gomaṇḍalehi saddhiṃ kasikammādīni nipphajjanti. Sītassa iriyāpathoti sītaṃ assa sattakāyassa iriyāpatho jīvitavutti. Sītanti naṅgalaṃ. Yassa hi naṅgalehi khettaṃ appamattakampi kaṭṭhaṃ na hoti, so kathaṃ jīvissatīti vadati. Dasamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. ปโชฺชตสุตฺตํ • 10. Pajjotasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. ปโชฺชตสุตฺตวณฺณนา • 10. Pajjotasuttavaṇṇanā
