| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
12. бад̣̇умуд̇д̇араб̣уд̣̇д̇хавам̣со
12. Padumuttarabuddhavaṃso
1.
1.
наарад̣̇асса абарзна, самб̣уд̣̇д̇хо д̣̇вибад̣̇уд̇д̇амо;
Nāradassa aparena, sambuddho dvipaduttamo;
бад̣̇умуд̇д̇аро наама ж̇ино, агкобхо сааг̇аруубамо.
Padumuttaro nāma jino, akkhobho sāgarūpamo.
2.
2.
ман̣д̣агаббова со ааси, яамхи б̣уд̣̇д̇хо аж̇ааяат̇а;
Maṇḍakappova so āsi, yamhi buddho ajāyatha;
уссаннагусалаа ж̇анад̇аа, д̇амхи габбз аж̇ааяат̇а.
Ussannakusalā janatā, tamhi kappe ajāyatha.
3.
3.
бад̣̇умуд̇д̇арасса бхаг̇авад̇о, батамз д̇хаммад̣̇зсанз;
Padumuttarassa bhagavato, paṭhame dhammadesane;
годисад̇асахассаанам̣, д̇хаммаабхисамаяо аху.
Koṭisatasahassānaṃ, dhammābhisamayo ahu.
4.
4.
д̇ад̇о барамби вассанд̇з, д̇аббаяанд̇з жа баан̣инз;
Tato parampi vassante, tappayante ca pāṇine;
сад̇д̇ад̇им̣сасад̇асахассаанам̣, д̣̇уд̇ияаабхисамаяо аху.
Sattatiṃsasatasahassānaṃ, dutiyābhisamayo ahu.
5.
5.
яамхи гаалз махаавийро, аананд̣̇ам̣ убасан̇гами;
Yamhi kāle mahāvīro, ānandaṃ upasaṅkami;
бид̇усанд̇игам̣ убаг̇анд̇ваа, ааханий амад̇ад̣̇унд̣̇убхим̣.
Pitusantikaṃ upagantvā, āhanī amatadundubhiṃ.
6.
6.
аахад̇з амад̇абхзримхи, вассанд̇з д̇хаммавудтияаа;
Āhate amatabherimhi, vassante dhammavuṭṭhiyā;
бан̃н̃аасасад̇асахассаанам̣, д̇ад̇ияаабхисамаяо аху.
Paññāsasatasahassānaṃ, tatiyābhisamayo ahu.
7.
7.
оваад̣̇аго вин̃н̃аабаго, д̇аараго саб̣б̣абаан̣инам̣;
Ovādako viññāpako, tārako sabbapāṇinaṃ;
д̣̇зсанаагусало б̣уд̣̇д̇хо, д̇аарзси ж̇анад̇ам̣ б̣ахум̣.
Desanākusalo buddho, tāresi janataṃ bahuṃ.
8.
8.
саннибаад̇аа д̇аяо аасум̣, бад̣̇умуд̇д̇арасса сад̇т̇уно;
Sannipātā tayo āsuṃ, padumuttarassa satthuno;
годисад̇асахассаанам̣, батамо ааси самааг̇амо.
Koṭisatasahassānaṃ, paṭhamo āsi samāgamo.
9.
9.
яад̣̇аа б̣уд̣̇д̇хо асамасамо, васи взбхаарабаб̣б̣ад̇з;
Yadā buddho asamasamo, vasi vebhārapabbate;
навуд̇игодисахассаанам̣, д̣̇уд̇ияо ааси самааг̇амо.
Navutikoṭisahassānaṃ, dutiyo āsi samāgamo.
10.
10.
буна жааригам̣ багганд̇з, г̇ааманиг̇амарадтад̇о;
Puna cārikaṃ pakkante, gāmanigamaraṭṭhato;
асийд̇игодисахассаанам̣, д̇ад̇ияо ааси самааг̇амо.
Asītikoṭisahassānaṃ, tatiyo āsi samāgamo.
11.
11.
ахам̣ д̇зна самаязна, ж̇адило наама радтиго;
Ahaṃ tena samayena, jaṭilo nāma raṭṭhiko;
самб̣уд̣̇д̇хаббамукам̣ сан̇гхам̣, сабхад̇д̇ам̣ д̣̇уссамад̣̇аасахам̣.
Sambuddhappamukhaṃ saṅghaṃ, sabhattaṃ dussamadāsahaṃ.
12.
12.
соби мам̣ б̣уд̣̇д̇хо б̣яаагааси, сан̇гхамаж̇жхз нисийд̣̇ияа;
Sopi maṃ buddho byākāsi, saṅghamajjhe nisīdiya;
‘‘сад̇асахассид̇о габбз, аяам̣ б̣уд̣̇д̇хо бхависсад̇и.
‘‘Satasahassito kappe, ayaṃ buddho bhavissati.
13.
13.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
14.
14.
д̇ассааби важанам̣ суд̇ваа, уд̇д̇арим̣ вад̇амад̇хидтахим̣;
Tassāpi vacanaṃ sutvā, uttariṃ vatamadhiṭṭhahiṃ;
агаасим̣ уг̇г̇ад̣̇ал̣хам̣ д̇хид̇им̣, д̣̇асабаарамибуурияаа.
Akāsiṃ uggadaḷhaṃ dhitiṃ, dasapāramipūriyā.
15.
15.
б̣яаахад̇аа д̇ид̇т̇ияаа саб̣б̣з, виманаа д̣̇умманаа д̇ад̣̇аа;
Byāhatā titthiyā sabbe, vimanā dummanā tadā;
на д̇зсам̣ гзжи барижаранд̇и, радтад̇о нижчубханд̇и д̇з.
Na tesaṃ keci paricaranti, raṭṭhato nicchubhanti te.
16.
16.
саб̣б̣з д̇ад̇т̇а самааг̇анд̇ваа, убаг̇ажчум̣ б̣уд̣̇д̇хасанд̇игз;
Sabbe tattha samāgantvā, upagacchuṃ buddhasantike;
д̇увам̣ наат̇о махаавийра, саран̣ам̣ хохи жагкума.
Tuvaṃ nātho mahāvīra, saraṇaṃ hohi cakkhuma.
17.
17.
анугамбаго гаарун̣иго, хид̇зсий саб̣б̣абаан̣инам̣;
Anukampako kāruṇiko, hitesī sabbapāṇinaṃ;
самбад̇д̇з д̇ид̇т̇ияз саб̣б̣з, бан̃жасийлз бад̇идтаби.
Sampatte titthiye sabbe, pañcasīle patiṭṭhapi.
18.
18.
звам̣ нираагулам̣ ааси, сун̃н̃ад̇ам̣ д̇ид̇т̇иязхи д̇ам̣;
Evaṃ nirākulaṃ āsi, suññataṃ titthiyehi taṃ;
вижид̇д̇ам̣ араханд̇зхи, васийбхууд̇зхи д̇аад̣̇ихи.
Vicittaṃ arahantehi, vasībhūtehi tādihi.
19.
19.
наг̇арам̣ хам̣савад̇ий наама, аананд̣̇о наама кад̇д̇ияо;
Nagaraṃ haṃsavatī nāma, ānando nāma khattiyo;
суж̇аад̇аа наама ж̇анигаа, бад̣̇умуд̇д̇арасса сад̇т̇уно.
Sujātā nāma janikā, padumuttarassa satthuno.
20.
20.
д̣̇асавассасахассаани, аг̇аарам̣ аж̇жха со васи;
Dasavassasahassāni, agāraṃ ajjha so vasi;
нараваахано яасо васавад̇д̇ий 1, д̇аяо баасаад̣̇амуд̇д̇амаа.
Naravāhano yaso vasavattī 2, tayo pāsādamuttamā.
21.
21.
д̇ижад̇д̇аарийсасахассаани, наарияо самалан̇гад̇аа;
Ticattārīsasahassāni, nāriyo samalaṅkatā;
васуд̣̇ад̇д̇аа наама наарий, уд̇д̇амо наама ад̇раж̇о.
Vasudattā nāma nārī, uttamo nāma atrajo.
22.
22.
нимид̇д̇з жад̇уро д̣̇исваа, баасаад̣̇знаабхинигками;
Nimitte caturo disvā, pāsādenābhinikkhami;
сад̇д̇аахам̣ бад̇хаанажаарам̣, ажарий бурисуд̇д̇амо.
Sattāhaṃ padhānacāraṃ, acarī purisuttamo.
23.
23.
б̣рахмунаа яаажид̇о санд̇о, бад̣̇умуд̇д̇аро винааяаго;
Brahmunā yācito santo, padumuttaro vināyako;
вад̇д̇и жаггам̣ махаавийро, мит̇илуяяаанамуд̇д̇амз.
Vatti cakkaṃ mahāvīro, mithiluyyānamuttame.
24.
24.
д̣̇звало жа суж̇аад̇о жа, ахзсум̣ аг̇г̇асаавагаа;
Devalo ca sujāto ca, ahesuṃ aggasāvakā;
сумано наамубадтааго, бад̣̇умуд̇д̇арасса махзсино.
Sumano nāmupaṭṭhāko, padumuttarassa mahesino.
25.
25.
амид̇аа жа асамаа жа, ахзсум̣ аг̇г̇асаавигаа;
Amitā ca asamā ca, ahesuṃ aggasāvikā;
б̣од̇хи д̇асса бхаг̇авад̇о, салалод̇и бавужжад̇и.
Bodhi tassa bhagavato, salaloti pavuccati.
26.
26.
хадтаа жзва вижид̇д̇аа жа, ахзсум̣ аг̇г̇убадтигаа.
Haṭṭhā ceva vicittā ca, ahesuṃ aggupaṭṭhikā.
27.
27.
адтабан̣н̣аасарад̇анам̣, ажжуг̇г̇ад̇о махаамуни;
Aṭṭhapaṇṇāsaratanaṃ, accuggato mahāmuni;
ган̃жанаг̇гхияасан̇гаасо, д̣̇вад̇д̇им̣саваралагкан̣о.
Kañcanagghiyasaṅkāso, dvattiṃsavaralakkhaṇo.
28.
28.
гуддаа гаваадаа бхид̇д̇ий жа, ругкаа наг̇асилужжаяаа;
Kuṭṭā kavāṭā bhittī ca, rukkhā nagasiluccayā;
на д̇ассааваран̣ам̣ ад̇т̇и, саманд̇аа д̣̇ваад̣̇асаяож̇анз.
Na tassāvaraṇaṃ atthi, samantā dvādasayojane.
29.
29.
вассасад̇асахассаани, ааяу виж̇ж̇ад̇и д̇аавад̣̇з;
Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
30.
30.
санд̇аарзд̇ваа б̣ахуж̇анам̣, чинд̣̇ид̇ваа саб̣б̣асам̣саяам̣;
Santāretvā bahujanaṃ, chinditvā sabbasaṃsayaṃ;
ж̇алид̇ваа аг̇г̇игканд̇хова ниб̣б̣уд̇о со сасааваго.
Jalitvā aggikkhandhova nibbuto so sasāvako.
31.
31.
бад̣̇умуд̇д̇аро ж̇ино б̣уд̣̇д̇хо, нанд̣̇аараамамхи ниб̣б̣уд̇о;
Padumuttaro jino buddho, nandārāmamhi nibbuto;
д̇ад̇т̇звасса т̇уубаваро, д̣̇ваад̣̇асуб̣б̣зд̇хаяож̇анод̇и.
Tatthevassa thūpavaro, dvādasubbedhayojanoti.
бад̣̇умуд̇д̇арасса бхаг̇авад̇о вам̣со д̣̇асамо.
Padumuttarassa bhagavato vaṃso dasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 12. бад̣̇умуд̇д̇араб̣уд̣̇д̇хавам̣саван̣н̣анаа • 12. Padumuttarabuddhavaṃsavaṇṇanā
