| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
13. сумзд̇хаб̣уд̣̇д̇хавам̣со
13. Sumedhabuddhavaṃso
1.
1.
бад̣̇умуд̇д̇арасса абарзна, сумзд̇хо наама нааяаго;
Padumuttarassa aparena, sumedho nāma nāyako;
д̣̇ураасад̣̇о уг̇г̇ад̇зж̇о, саб̣б̣алогуд̇д̇амо муни.
Durāsado uggatejo, sabbalokuttamo muni.
2.
2.
басаннанзд̇д̇о сумуко, б̣рахаа уж̇у бад̇аабаваа;
Pasannanetto sumukho, brahā uju patāpavā;
хид̇зсий саб̣б̣асад̇д̇аанам̣, б̣ахуу можзси б̣анд̇ханаа.
Hitesī sabbasattānaṃ, bahū mocesi bandhanā.
3.
3.
яад̣̇аа б̣уд̣̇д̇хо баабун̣ид̇ваа, гзвалам̣ б̣од̇химуд̇д̇амам̣;
Yadā buddho pāpuṇitvā, kevalaṃ bodhimuttamaṃ;
суд̣̇ассанамхи наг̇арз, д̇хаммажаггам̣ бавад̇д̇аяи.
Sudassanamhi nagare, dhammacakkaṃ pavattayi.
4.
4.
д̇ассааби абхисамаяаа д̇ийн̣и, ахзсум̣ д̇хаммад̣̇зсанз;
Tassāpi abhisamayā tīṇi, ahesuṃ dhammadesane;
годисад̇асахассаанам̣, батамаабхисамаяо аху.
Koṭisatasahassānaṃ, paṭhamābhisamayo ahu.
5.
5.
бунаабарам̣ гумбхаган̣н̣ам̣, яагкам̣ со д̣̇амаяий ж̇ино;
Punāparaṃ kumbhakaṇṇaṃ, yakkhaṃ so damayī jino;
навуд̇игодисахассаанам̣, д̣̇уд̇ияаабхисамаяо аху.
Navutikoṭisahassānaṃ, dutiyābhisamayo ahu.
6.
6.
бунаабарам̣ амид̇аяасо, жад̇усажжам̣ багаасаяи;
Punāparaṃ amitayaso, catusaccaṃ pakāsayi;
асийд̇игодисахассаанам̣, д̇ад̇ияаабхисамаяо аху.
Asītikoṭisahassānaṃ, tatiyābhisamayo ahu.
7.
7.
саннибаад̇аа д̇аяо аасум̣, сумзд̇хасса махзсино;
Sannipātā tayo āsuṃ, sumedhassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
8.
8.
суд̣̇ассанам̣ наама наг̇арам̣, убаг̇ан̃чи ж̇ино яад̣̇аа;
Sudassanaṃ nāma nagaraṃ, upagañchi jino yadā;
д̇ад̣̇аа кийн̣аасаваа бхигкуу, самим̣су сад̇агодияо.
Tadā khīṇāsavā bhikkhū, samiṃsu satakoṭiyo.
9.
9.
бунаабарам̣ д̣̇звагуудз, бхигкуунам̣ гат̇инад̇т̇ад̇з;
Punāparaṃ devakūṭe, bhikkhūnaṃ kathinatthate;
д̇ад̣̇аа навуд̇игодийнам̣, д̣̇уд̇ияо ааси самааг̇амо.
Tadā navutikoṭīnaṃ, dutiyo āsi samāgamo.
10.
10.
бунаабарам̣ д̣̇асаб̣ало, яад̣̇аа жарад̇и жааригам̣;
Punāparaṃ dasabalo, yadā carati cārikaṃ;
д̇ад̣̇аа асийд̇игодийнам̣, д̇ад̇ияо ааси самааг̇амо.
Tadā asītikoṭīnaṃ, tatiyo āsi samāgamo.
11.
11.
ахам̣ д̇зна самаязна, уд̇д̇аро наама маан̣аво;
Ahaṃ tena samayena, uttaro nāma māṇavo;
асийд̇игодияо маяхам̣, гхарз саннижид̇ам̣ д̇ханам̣.
Asītikoṭiyo mayhaṃ, ghare sannicitaṃ dhanaṃ.
12.
12.
гзвалам̣ саб̣б̣ам̣ д̣̇ад̇ваана, сасан̇гхз логанааяагз;
Kevalaṃ sabbaṃ datvāna, sasaṅghe lokanāyake;
саран̣ам̣ д̇ассубаг̇ан̃чим̣, баб̣б̣аж̇ж̇ан̃жаабхирожаяим̣.
Saraṇaṃ tassupagañchiṃ, pabbajjañcābhirocayiṃ.
13.
13.
соби мам̣ б̣уд̣̇д̇хо б̣яаагааси, гаронд̇о анумод̣̇анам̣;
Sopi maṃ buddho byākāsi, karonto anumodanaṃ;
‘‘д̇им̣сагаббасахассамхи, аяам̣ б̣уд̣̇д̇хо бхависсад̇и.
‘‘Tiṃsakappasahassamhi, ayaṃ buddho bhavissati.
14.
14.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
15.
15.
д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
16.
16.
суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваана, собхаяим̣ ж̇инасаасанам̣.
Sabbaṃ pariyāpuṇitvāna, sobhayiṃ jinasāsanaṃ.
17.
17.
д̇ад̇т̇аббамад̇д̇о вихаранд̇о, нисаж̇ж̇адтаанажан̇гамз;
Tatthappamatto viharanto, nisajjaṭṭhānacaṅkame;
абхин̃н̃аасу баарамим̣ г̇анд̇ваа, б̣рахмалогамаг̇ан̃чахам̣.
Abhiññāsu pāramiṃ gantvā, brahmalokamagañchahaṃ.
18.
18.
суд̣̇ассанам̣ наама наг̇арам̣, суд̣̇ад̇д̇о наама кад̇д̇ияо;
Sudassanaṃ nāma nagaraṃ, sudatto nāma khattiyo;
суд̣̇ад̇д̇аа наама ж̇анигаа, сумзд̇хасса махзсино.
Sudattā nāma janikā, sumedhassa mahesino.
19.
19.
нававассасахассаани, аг̇аарам̣ аж̇жха со васи;
Navavassasahassāni, agāraṃ ajjha so vasi;
сужанд̣̇аган̃жанасиривад̣дхаа, д̇аяо баасаад̣̇амуд̇д̇амаа.
Sucandakañcanasirivaḍḍhā, tayo pāsādamuttamā.
20.
20.
д̇исол̣асасахассаани, наарияо самалан̇гад̇аа;
Tisoḷasasahassāni, nāriyo samalaṅkatā;
суманаа наама саа наарий, бунаб̣б̣асу наама ад̇раж̇о.
Sumanā nāma sā nārī, punabbasu nāma atrajo.
21.
21.
нимид̇д̇з жад̇уро д̣̇исваа, хад̇т̇ияаанзна нигками;
Nimitte caturo disvā, hatthiyānena nikkhami;
ануунагам̣ ад̣дхамаасам̣, бад̇хаанам̣ бад̣̇ахий ж̇ино.
Anūnakaṃ aḍḍhamāsaṃ, padhānaṃ padahī jino.
22.
22.
б̣рахмунаа яаажид̇о санд̇о, сумзд̇хо логанааяаго;
Brahmunā yācito santo, sumedho lokanāyako;
вад̇д̇и жаггам̣ махаавийро, суд̣̇ассануяяаанамуд̇д̇амз.
Vatti cakkaṃ mahāvīro, sudassanuyyānamuttame.
23.
23.
саран̣о саб̣б̣агаамо жа, ахзсум̣ аг̇г̇асаавагаа;
Saraṇo sabbakāmo ca, ahesuṃ aggasāvakā;
сааг̇аро наамубадтааго, сумзд̇хасса махзсино.
Sāgaro nāmupaṭṭhāko, sumedhassa mahesino.
24.
24.
раамаа жзва сураамаа жа, ахзсум̣ аг̇г̇асаавигаа;
Rāmā ceva surāmā ca, ahesuṃ aggasāvikā;
б̣од̇хи д̇асса бхаг̇авад̇о, махаанийбод̇и вужжад̇и.
Bodhi tassa bhagavato, mahānīpoti vuccati.
25.
25.
урувзлаа яасаваа жа, ахзсум̣ аг̇г̇убадтагаа;
Uruvelā yasavā ca, ahesuṃ aggupaṭṭhakā;
26.
26.
адтаасийд̇ирад̇анаани, ажжуг̇г̇ад̇о махаамуни;
Aṭṭhāsītiratanāni, accuggato mahāmuni;
обхаасзд̇и д̣̇исаа саб̣б̣аа, жанд̣̇о д̇аараг̇ан̣з яат̇аа.
Obhāseti disā sabbā, cando tāragaṇe yathā.
27.
27.
жаггавад̇д̇иман̣ий наама, яат̇аа д̇абад̇и яож̇анам̣;
Cakkavattimaṇī nāma, yathā tapati yojanaṃ;
д̇ат̇зва д̇асса рад̇анам̣, саманд̇аа парад̇и яож̇анам̣.
Tatheva tassa ratanaṃ, samantā pharati yojanaṃ.
28.
28.
навуд̇ивассасахассаани , ааяу виж̇ж̇ад̇и д̇аавад̣̇з;
Navutivassasahassāni , āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
29.
29.
д̇звиж̇ж̇ачал̣абхин̃н̃зхи, б̣алаббад̇д̇зхи д̇аад̣̇ихи;
Tevijjachaḷabhiññehi, balappattehi tādihi;
самаагуламид̣̇ам̣ ааси, араханд̇зхи саад̇хухи.
Samākulamidaṃ āsi, arahantehi sādhuhi.
30.
30.
д̇зби саб̣б̣з амид̇аяасаа, виббамуд̇д̇аа нируубад̇хий;
Tepi sabbe amitayasā, vippamuttā nirūpadhī;
н̃аан̣аалогам̣ д̣̇ассаяид̇ваа, ниб̣б̣уд̇аа д̇з махааяасаа.
Ñāṇālokaṃ dassayitvā, nibbutā te mahāyasā.
31.
31.
сумзд̇хо ж̇инаваро б̣уд̣̇д̇хо, мзд̇хаараамамхи ниб̣б̣уд̇о;
Sumedho jinavaro buddho, medhārāmamhi nibbuto;
д̇хаад̇увид̇т̇ааригам̣ ааси, д̇зсу д̇зсу бад̣̇зсад̇од̇и.
Dhātuvitthārikaṃ āsi, tesu tesu padesatoti.
сумзд̇хасса бхаг̇авад̇о вам̣со згаад̣̇асамо.
Sumedhassa bhagavato vaṃso ekādasamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 13. сумзд̇хаб̣уд̣̇д̇хавам̣саван̣н̣анаа • 13. Sumedhabuddhavaṃsavaṇṇanā
