| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पदुमपुप्फियत्थेरअपदानं
10. Padumapupphiyattheraapadānaṃ
५१.
51.
‘‘पोक्खरवनं पविट्ठो, भञ्जन्तो पदुमानिहं।
‘‘Pokkharavanaṃ paviṭṭho, bhañjanto padumānihaṃ;
५२.
52.
‘‘पदुमपुप्फं गहेत्वान, आकासे उक्खिपिं अहं।
‘‘Padumapupphaṃ gahetvāna, ākāse ukkhipiṃ ahaṃ;
पापकम्मं सरित्वान, पब्बजिं अनगारियं॥
Pāpakammaṃ saritvāna, pabbajiṃ anagāriyaṃ.
५३.
53.
‘‘पब्बजित्वान कायेन, मनसा संवुतेन च।
‘‘Pabbajitvāna kāyena, manasā saṃvutena ca;
वचीदुच्चरितं हित्वा, आजीवं परिसोधयिं॥
Vacīduccaritaṃ hitvā, ājīvaṃ parisodhayiṃ.
५४.
54.
‘‘द्वेनवुते इतो कप्पे, यं पुप्फमभिरोपयिं।
‘‘Dvenavute ito kappe, yaṃ pupphamabhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
५५.
55.
‘‘पदुमाभासनामा च, अट्ठारस महीपती।
‘‘Padumābhāsanāmā ca, aṭṭhārasa mahīpatī;
अट्ठारसेसु कप्पेसु, अट्ठतालीसमासिसुं॥
Aṭṭhārasesu kappesu, aṭṭhatālīsamāsisuṃ.
५६.
56.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पदुमपुप्फियो थेरो इमा गाथायो अभासित्थाति।
Itthaṃ sudaṃ āyasmā padumapupphiyo thero imā gāthāyo abhāsitthāti;
पदुमपुप्फियत्थेरस्सापदानं दसमं।
Padumapupphiyattherassāpadānaṃ dasamaṃ.
तिमिरवग्गो नवमो।
Timiravaggo navamo.
तस्सुद्दानं –
Tassuddānaṃ –
तिमिरनङ्गलीपुप्फ, निप्पन्नञ्जलिको अधो।
Timiranaṅgalīpuppha, nippannañjaliko adho;
द्वे रंसिसञ्ञी फलदो, सद्दसञ्ञी च सेचको।
Dve raṃsisaññī phalado, saddasaññī ca secako;
पद्मपुप्फी च गाथायो, छप्पञ्ञास पकित्तिता॥
Padmapupphī ca gāthāyo, chappaññāsa pakittitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. पदुमपुप्फियत्थेरअपदानवण्णना • 10. Padumapupphiyattheraapadānavaṇṇanā
