| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. सुधावग्गो
10. Sudhāvaggo
१. सुधापिण्डियत्थेरअपदानं
1. Sudhāpiṇḍiyattheraapadānaṃ
१.
1.
‘‘पूजारहे पूजयतो, बुद्धे यदि व सावके।
‘‘Pūjārahe pūjayato, buddhe yadi va sāvake;
पपञ्चसमतिक्कन्ते, तिण्णसोकपरिद्दवे॥
Papañcasamatikkante, tiṇṇasokapariddave.
२.
2.
‘‘ते तादिसे पूजयतो, निब्बुते अकुतोभये।
‘‘Te tādise pūjayato, nibbute akutobhaye;
३.
3.
‘‘चतुन्नमपि दीपानं, इस्सरं योध कारये।
‘‘Catunnamapi dīpānaṃ, issaraṃ yodha kāraye;
एकिस्सा पूजनायेतं, कलं नाग्घति सोळसिं॥
Ekissā pūjanāyetaṃ, kalaṃ nāgghati soḷasiṃ.
४.
4.
‘‘सिद्धत्थस्स नरग्गस्स, चेतिये फलितन्तरे।
‘‘Siddhatthassa naraggassa, cetiye phalitantare;
सुधापिण्डो मया दिन्नो, विप्पसन्नेन चेतसा॥
Sudhāpiṇḍo mayā dinno, vippasannena cetasā.
५.
5.
‘‘चतुन्नवुतितो कप्पे, यं कम्ममकरिं तदा।
‘‘Catunnavutito kappe, yaṃ kammamakariṃ tadā;
दुग्गतिं नाभिजानामि, पटिसङ्खारस्सिदं फलं॥
Duggatiṃ nābhijānāmi, paṭisaṅkhārassidaṃ phalaṃ.
६.
6.
‘‘इतो तिंसतिकप्पम्हि, पटिसङ्खारसव्हया।
‘‘Ito tiṃsatikappamhi, paṭisaṅkhārasavhayā;
सत्तरतनसम्पन्ना, तेरस चक्कवत्तिनो॥
Sattaratanasampannā, terasa cakkavattino.
७.
7.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा सुधापिण्डियो थेरो इमा गाथायो अभासित्थाति।
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti.
सुधापिण्डियत्थेरस्सापदानं पठमं।
Sudhāpiṇḍiyattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. सुधापिण्डियत्थेरअपदानवण्णना • 1. Sudhāpiṇḍiyattheraapadānavaṇṇanā
