| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. பது³மபுப்பி²யத்தே²ரஅபதா³னங்
10. Padumapupphiyattheraapadānaṃ
51.
51.
‘‘பொக்க²ரவனங் பவிட்டோ², ப⁴ஞ்ஜந்தோ பது³மானிஹங்;
‘‘Pokkharavanaṃ paviṭṭho, bhañjanto padumānihaṃ;
தத்த²த்³த³ஸங் பு²ஸ்ஸங் பு³த்³த⁴ங் 1, பா³த்திங்ஸவரலக்க²ணங்.
Tatthaddasaṃ phussaṃ buddhaṃ 2, bāttiṃsavaralakkhaṇaṃ.
52.
52.
‘‘பது³மபுப்ப²ங் க³ஹெத்வான, ஆகாஸே உக்கி²பிங் அஹங்;
‘‘Padumapupphaṃ gahetvāna, ākāse ukkhipiṃ ahaṃ;
பாபகம்மங் ஸரித்வான, பப்³ப³ஜிங் அனகா³ரியங்.
Pāpakammaṃ saritvāna, pabbajiṃ anagāriyaṃ.
53.
53.
‘‘பப்³ப³ஜித்வான காயேன, மனஸா ஸங்வுதேன ச;
‘‘Pabbajitvāna kāyena, manasā saṃvutena ca;
வசீது³ச்சரிதங் ஹித்வா, ஆஜீவங் பரிஸோத⁴யிங்.
Vacīduccaritaṃ hitvā, ājīvaṃ parisodhayiṃ.
54.
54.
‘‘த்³வேனவுதே இதோ கப்பே, யங் புப்ப²மபி⁴ரோபயிங்;
‘‘Dvenavute ito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
55.
55.
‘‘பது³மாபா⁴ஸனாமா ச, அட்டா²ரஸ மஹீபதீ;
‘‘Padumābhāsanāmā ca, aṭṭhārasa mahīpatī;
அட்டா²ரஸேஸு கப்பேஸு, அட்ட²தாலீஸமாஸிஸுங்.
Aṭṭhārasesu kappesu, aṭṭhatālīsamāsisuṃ.
56.
56.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பது³மபுப்பி²யோ தே²ரோ இமா கா³தா²யோ அபா⁴ஸித்தா²தி;
Itthaṃ sudaṃ āyasmā padumapupphiyo thero imā gāthāyo abhāsitthāti;
பது³மபுப்பி²யத்தே²ரஸ்ஸாபதா³னங் த³ஸமங்.
Padumapupphiyattherassāpadānaṃ dasamaṃ.
திமிரவக்³கோ³ நவமோ.
Timiravaggo navamo.
தஸ்ஸுத்³தா³னங் –
Tassuddānaṃ –
திமிரனங்க³லீபுப்ப², நிப்பன்னஞ்ஜலிகோ அதோ⁴;
Timiranaṅgalīpuppha, nippannañjaliko adho;
த்³வே ரங்ஸிஸஞ்ஞீ ப²லதோ³, ஸத்³த³ஸஞ்ஞீ ச ஸேசகோ;
Dve raṃsisaññī phalado, saddasaññī ca secako;
பத்³மபுப்பீ² ச கா³தா²யோ, ச²ப்பஞ்ஞாஸ பகித்திதா.
Padmapupphī ca gāthāyo, chappaññāsa pakittitā.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 10. பது³மபுப்பி²யத்தே²ரஅபதா³னவண்ணனா • 10. Padumapupphiyattheraapadānavaṇṇanā
