| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. ஸுதா⁴வக்³கோ³
10. Sudhāvaggo
1. ஸுதா⁴பிண்டி³யத்தே²ரஅபதா³னங்
1. Sudhāpiṇḍiyattheraapadānaṃ
1.
1.
‘‘பூஜாரஹே பூஜயதோ, பு³த்³தே⁴ யதி³ வ ஸாவகே;
‘‘Pūjārahe pūjayato, buddhe yadi va sāvake;
பபஞ்சஸமதிக்கந்தே, திண்ணஸோகபரித்³த³வே.
Papañcasamatikkante, tiṇṇasokapariddave.
2.
2.
‘‘தே தாதி³ஸே பூஜயதோ, நிப்³பு³தே அகுதோப⁴யே;
‘‘Te tādise pūjayato, nibbute akutobhaye;
3.
3.
‘‘சதுன்னமபி தீ³பானங், இஸ்ஸரங் யோத⁴ காரயே;
‘‘Catunnamapi dīpānaṃ, issaraṃ yodha kāraye;
ஏகிஸ்ஸா பூஜனாயேதங், கலங் நாக்³க⁴தி ஸோளஸிங்.
Ekissā pūjanāyetaṃ, kalaṃ nāgghati soḷasiṃ.
4.
4.
‘‘ஸித்³த⁴த்த²ஸ்ஸ நரக்³க³ஸ்ஸ, சேதியே ப²லிதந்தரே;
‘‘Siddhatthassa naraggassa, cetiye phalitantare;
ஸுதா⁴பிண்டோ³ மயா தி³ன்னோ, விப்பஸன்னேன சேதஸா.
Sudhāpiṇḍo mayā dinno, vippasannena cetasā.
5.
5.
‘‘சதுன்னவுதிதோ கப்பே, யங் கம்மமகரிங் ததா³;
‘‘Catunnavutito kappe, yaṃ kammamakariṃ tadā;
து³க்³க³திங் நாபி⁴ஜானாமி, படிஸங்கா²ரஸ்ஸித³ங் ப²லங்.
Duggatiṃ nābhijānāmi, paṭisaṅkhārassidaṃ phalaṃ.
6.
6.
‘‘இதோ திங்ஸதிகப்பம்ஹி, படிஸங்கா²ரஸவ்ஹயா;
‘‘Ito tiṃsatikappamhi, paṭisaṅkhārasavhayā;
ஸத்தரதனஸம்பன்னா, தேரஸ சக்கவத்தினோ.
Sattaratanasampannā, terasa cakkavattino.
7.
7.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸுதா⁴பிண்டி³யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti.
ஸுதா⁴பிண்டி³யத்தே²ரஸ்ஸாபதா³னங் பட²மங்.
Sudhāpiṇḍiyattherassāpadānaṃ paṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 1. ஸுதா⁴பிண்டி³யத்தே²ரஅபதா³னவண்ணனா • 1. Sudhāpiṇḍiyattheraapadānavaṇṇanā
