| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೩೧. ಪದುಮಕೇಸರವಗ್ಗೋ
31. Padumakesaravaggo
೧. ಪದುಮಕೇಸರಿಯತ್ಥೇರಅಪದಾನಂ
1. Padumakesariyattheraapadānaṃ
೧.
1.
‘‘ಇಸಿಸಙ್ಘೇ ಅಹಂ ಪುಬ್ಬೇ, ಆಸಿಂ ಮಾತಙ್ಗವಾರಣೋ।
‘‘Isisaṅghe ahaṃ pubbe, āsiṃ mātaṅgavāraṇo;
ಮಹೇಸೀನಂ ಪಸಾದೇನ, ಪದ್ಮಕೇಸರಮೋಕಿರಿಂ॥
Mahesīnaṃ pasādena, padmakesaramokiriṃ.
೨.
2.
‘‘ಪಚ್ಚೇಕಜಿನಸೇಟ್ಠೇಸು, ಧುತರಾಗೇಸು ತಾದಿಸು।
‘‘Paccekajinaseṭṭhesu, dhutarāgesu tādisu;
ತೇಸು ಚಿತ್ತಂ ಪಸಾದೇತ್ವಾ, ಕಪ್ಪಂ ಸಗ್ಗಮ್ಹಿ ಮೋದಹಂ॥
Tesu cittaṃ pasādetvā, kappaṃ saggamhi modahaṃ.
೩.
3.
‘‘ಏಕನವುತಿತೋ ಕಪ್ಪೇ, ಕೇಸರಂ ಓಕಿರಿಂ ತದಾ।
‘‘Ekanavutito kappe, kesaraṃ okiriṃ tadā;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೪.
4.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪದುಮಕೇಸರಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā padumakesariyo thero imā gāthāyo abhāsitthāti.
ಪದುಮಕೇಸರಿಯತ್ಥೇರಸ್ಸಾಪದಾನಂ ಪಠಮಂ।
Padumakesariyattherassāpadānaṃ paṭhamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಪದುಮಕೇಸರಿಯತ್ಥೇರಅಪದಾನಾದಿವಣ್ಣನಾ • 1-10. Padumakesariyattheraapadānādivaṇṇanā
