| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣១. បទុមកេសរវគ្គោ
31. Padumakesaravaggo
១. បទុមកេសរិយត្ថេរអបទានំ
1. Padumakesariyattheraapadānaṃ
១.
1.
‘‘ឥសិសង្ឃេ អហំ បុព្ពេ, អាសិំ មាតង្គវារណោ;
‘‘Isisaṅghe ahaṃ pubbe, āsiṃ mātaṅgavāraṇo;
មហេសីនំ បសាទេន, បទ្មកេសរមោកិរិំ។
Mahesīnaṃ pasādena, padmakesaramokiriṃ.
២.
2.
‘‘បច្ចេកជិនសេដ្ឋេសុ, ធុតរាគេសុ តាទិសុ;
‘‘Paccekajinaseṭṭhesu, dhutarāgesu tādisu;
តេសុ ចិត្តំ បសាទេត្វា, កប្បំ សគ្គម្ហិ មោទហំ។
Tesu cittaṃ pasādetvā, kappaṃ saggamhi modahaṃ.
៣.
3.
‘‘ឯកនវុតិតោ កប្បេ, កេសរំ ឱកិរិំ តទា;
‘‘Ekanavutito kappe, kesaraṃ okiriṃ tadā;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៤.
4.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា បទុមកេសរិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā padumakesariyo thero imā gāthāyo abhāsitthāti.
បទុមកេសរិយត្ថេរស្សាបទានំ បឋមំ។
Padumakesariyattherassāpadānaṃ paṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ១-១០. បទុមកេសរិយត្ថេរអបទានាទិវណ្ណនា • 1-10. Padumakesariyattheraapadānādivaṇṇanā
