| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. សព្ពគន្ធិយត្ថេរអបទានំ
2. Sabbagandhiyattheraapadānaṃ
៥.
5.
‘‘គន្ធមាលំ មយា ទិន្នំ, វិបស្សិស្ស មហេសិនោ;
‘‘Gandhamālaṃ mayā dinnaṃ, vipassissa mahesino;
អទាសិំ ឧជុភូតស្ស, កោសេយ្យវត្ថមុត្តមំ។
Adāsiṃ ujubhūtassa, koseyyavatthamuttamaṃ.
៦.
6.
ទុគ្គតិំ នាភិជានាមិ, គន្ធទានស្សិទំ ផលំ។
Duggatiṃ nābhijānāmi, gandhadānassidaṃ phalaṃ.
៧.
7.
‘‘ឥតោ បន្នរសេ កប្បេ, សុចេឡោ នាម ខត្តិយោ;
‘‘Ito pannarase kappe, suceḷo nāma khattiyo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៨.
8.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សព្ពគន្ធិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sabbagandhiyo thero imā gāthāyo abhāsitthāti.
សព្ពគន្ធិយត្ថេរស្សាបទានំ ទុតិយំ។
Sabbagandhiyattherassāpadānaṃ dutiyaṃ.
Footnotes:
