| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪದುಮಧಾರಿಕತ್ಥೇರಅಪದಾನಂ
10. Padumadhārikattheraapadānaṃ
೭೮.
78.
‘‘ಹಿಮವನ್ತಸ್ಸಾವಿದೂರೇ , ರೋಮಸೋ ನಾಮ ಪಬ್ಬತೋ।
‘‘Himavantassāvidūre , romaso nāma pabbato;
ಬುದ್ಧೋಪಿ ಸಮ್ಭವೋ ನಾಮ, ಅಬ್ಭೋಕಾಸೇ ವಸೀ ತದಾ॥
Buddhopi sambhavo nāma, abbhokāse vasī tadā.
೭೯.
79.
‘‘ಭವನಾ ನಿಕ್ಖಮಿತ್ವಾನ, ಪದುಮಂ ಧಾರಯಿಂ ಅಹಂ।
‘‘Bhavanā nikkhamitvāna, padumaṃ dhārayiṃ ahaṃ;
ಏಕಾಹಂ ಧಾರಯಿತ್ವಾನ, ಭವನಂ ಪುನರಾಗಮಿಂ॥
Ekāhaṃ dhārayitvāna, bhavanaṃ punarāgamiṃ.
೮೦.
80.
‘‘ಏಕತಿಂಸೇ ಇತೋ ಕಪ್ಪೇ, ಯಂ ಬುದ್ಧಮಭಿಪೂಜಯಿಂ।
‘‘Ekatiṃse ito kappe, yaṃ buddhamabhipūjayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೮೧.
81.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೮೨.
82.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೮೩.
83.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪದುಮಧಾರಿಕೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā padumadhāriko thero imā gāthāyo
ಅಭಾಸಿತ್ಥಾತಿ।
Abhāsitthāti.
ಪದುಮಧಾರಿಕತ್ಥೇರಸ್ಸಾಪದಾನಂ ದಸಮಂ।
Padumadhārikattherassāpadānaṃ dasamaṃ.
ಫಲದಾಯಕವಗ್ಗೋ ದ್ವೇಪಞ್ಞಾಸಮೋ।
Phaladāyakavaggo dvepaññāsamo.
ತಸ್ಸುದ್ದಾನಂ –
Tassuddānaṃ –
ಕುರಞ್ಚಿಯಂ ಕಪಿತ್ಥಞ್ಚ, ಕೋಸಮ್ಬಮಥ ಕೇತಕಂ।
Kurañciyaṃ kapitthañca, kosambamatha ketakaṃ;
ನಾಗಪುಪ್ಫಜ್ಜುನಞ್ಚೇವ, ಕುಟಜೀ ಘೋಸಸಞ್ಞಕೋ॥
Nāgapupphajjunañceva, kuṭajī ghosasaññako.
ಥೇರೋ ಚ ಸಬ್ಬಫಲದೋ, ತಥಾ ಪದುಮಧಾರಿಕೋ।
Thero ca sabbaphalado, tathā padumadhāriko;
ಅಸೀತಿ ಚೇತ್ಥ ಗಾಥಾಯೋ, ತಿಸ್ಸೋ ಗಾಥಾ ತದುತ್ತರಿ॥
Asīti cettha gāthāyo, tisso gāthā taduttari.
