| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បទុមធារិកត្ថេរអបទានំ
10. Padumadhārikattheraapadānaṃ
៧៨.
78.
‘‘ហិមវន្តស្សាវិទូរេ , រោមសោ នាម បព្ពតោ;
‘‘Himavantassāvidūre , romaso nāma pabbato;
ពុទ្ធោបិ សម្ភវោ នាម, អព្ភោកាសេ វសី តទា។
Buddhopi sambhavo nāma, abbhokāse vasī tadā.
៧៩.
79.
‘‘ភវនា និក្ខមិត្វាន, បទុមំ ធារយិំ អហំ;
‘‘Bhavanā nikkhamitvāna, padumaṃ dhārayiṃ ahaṃ;
ឯកាហំ ធារយិត្វាន, ភវនំ បុនរាគមិំ។
Ekāhaṃ dhārayitvāna, bhavanaṃ punarāgamiṃ.
៨០.
80.
‘‘ឯកតិំសេ ឥតោ កប្បេ, យំ ពុទ្ធមភិបូជយិំ;
‘‘Ekatiṃse ito kappe, yaṃ buddhamabhipūjayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
៨១.
81.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
៨២.
82.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
៨៣.
83.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បទុមធារិកោ ថេរោ ឥមា គាថាយោ
Itthaṃ sudaṃ āyasmā padumadhāriko thero imā gāthāyo
អភាសិត្ថាតិ។
Abhāsitthāti.
បទុមធារិកត្ថេរស្សាបទានំ ទសមំ។
Padumadhārikattherassāpadānaṃ dasamaṃ.
ផលទាយកវគ្គោ ទ្វេបញ្ញាសមោ។
Phaladāyakavaggo dvepaññāsamo.
តស្សុទ្ទានំ –
Tassuddānaṃ –
កុរញ្ចិយំ កបិត្ថញ្ច, កោសម្ពមថ កេតកំ;
Kurañciyaṃ kapitthañca, kosambamatha ketakaṃ;
នាគបុប្ផជ្ជុនញ្ចេវ, កុដជី ឃោសសញ្ញកោ។
Nāgapupphajjunañceva, kuṭajī ghosasaññako.
ថេរោ ច សព្ពផលទោ, តថា បទុមធារិកោ;
Thero ca sabbaphalado, tathā padumadhāriko;
អសីតិ ចេត្ថ គាថាយោ, តិស្សោ គាថា តទុត្តរិ។
Asīti cettha gāthāyo, tisso gāthā taduttari.
