| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಪದೀಪದಾಯಕತ್ಥೇರಅಪದಾನಂ
4. Padīpadāyakattheraapadānaṃ
೧೪.
14.
‘‘ದೇವಭೂತೋ ಅಹಂ ಸನ್ತೋ, ಓರುಯ್ಹ ಪಥವಿಂ ತದಾ।
‘‘Devabhūto ahaṃ santo, oruyha pathaviṃ tadā;
ಪದೀಪೇ ಪಞ್ಚ ಪಾದಾಸಿಂ, ಪಸನ್ನೋ ಸೇಹಿ ಪಾಣಿಭಿ॥
Padīpe pañca pādāsiṃ, pasanno sehi pāṇibhi.
೧೫.
15.
‘‘ಚತುನ್ನವುತಿತೋ ಕಪ್ಪೇ, ಯಂ ಪದೀಪಮದಂ ತದಾ।
‘‘Catunnavutito kappe, yaṃ padīpamadaṃ tadā;
ದುಗ್ಗತಿಂ ನಾಭಿಜಾನಾಮಿ, ದೀಪದಾನಸ್ಸಿದಂ ಫಲಂ॥
Duggatiṃ nābhijānāmi, dīpadānassidaṃ phalaṃ.
೧೬.
16.
‘‘ಪಞ್ಚಪಞ್ಞಾಸಕೇ ಕಪ್ಪೇ, ಏಕೋ ಆಸಿಂ ಮಹೀಪತಿ।
‘‘Pañcapaññāsake kappe, eko āsiṃ mahīpati;
ಸಮನ್ತಚಕ್ಖುನಾಮೇನ, ಚಕ್ಕವತ್ತೀ ಮಹಬ್ಬಲೋ॥
Samantacakkhunāmena, cakkavattī mahabbalo.
೧೭.
17.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪದೀಪದಾಯಕೋ 1 ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā padīpadāyako 2 thero imā gāthāyo abhāsitthāti.
ಪದೀಪದಾಯಕತ್ಥೇರಸ್ಸಾಪದಾನಂ ಚತುತ್ಥಂ।
Padīpadāyakattherassāpadānaṃ catutthaṃ.
Footnotes:
