| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༩. པདྷཱནསུཏྟཝཎྞནཱ
9. Padhānasuttavaṇṇanā
༦༩. ནཝམེ པདཧཏི ཨེཏེཧཱིཏི པདྷཱནཱནི། ཨུཏྟམཝཱིརིཡཱནི སེཊྛཝཱིརིཡཱནི ཝིསིཊྛསྶ ཨཏྠསྶ སཱདྷནཏོ། ཀིལེསཱནཾ སཾཝརཏྠཱཡཱཏི ཡཐཱ ཨབྷིཛ྄ཛྷཱདཡོ ན ཨུཔྤཛྫནྟི, ཨེཝཾ སཏིཡཱ ཨུཔཊྛཱནེན ཀིལེསཱནཾ སཾཝརཎཏྠཱཡ། པཛཧནཏྠཱཡཱཏི ཀཱམཝིཏཀྐཱདཱིནཾ ཝིནོདནཏྠཱཡ། པདྷཱནནྟི ཏསྶེཝ པཛཧནསྶ སཱདྷནཝསེན པཝཏྟཝཱིརིཡཾ། ཀུསལཱནཾ དྷམྨཱནཾ བྲཱུཧནཏྠཱཡཱཏི བོཛ྄ཛྷངྒསངྑཱཏཱནཾ ཀུསལདྷམྨཱནཾ ཝཌྜྷནཏྠཱཡ། པདྷཱནནྟི ཏསྶེཝ ཝཌྜྷནསྶ སཱདྷནཝསེན པཝཏྟཝཱིརིཡཾ།
69. Navame padahati etehīti padhānāni. Uttamavīriyāni seṭṭhavīriyāni visiṭṭhassa atthassa sādhanato. Kilesānaṃ saṃvaratthāyāti yathā abhijjhādayo na uppajjanti, evaṃ satiyā upaṭṭhānena kilesānaṃ saṃvaraṇatthāya. Pajahanatthāyāti kāmavitakkādīnaṃ vinodanatthāya. Padhānanti tasseva pajahanassa sādhanavasena pavattavīriyaṃ. Kusalānaṃ dhammānaṃ brūhanatthāyāti bojjhaṅgasaṅkhātānaṃ kusaladhammānaṃ vaḍḍhanatthāya. Padhānanti tasseva vaḍḍhanassa sādhanavasena pavattavīriyaṃ.
པདྷཱནསུཏྟཝཎྞནཱ ནིཊྛིཏཱ།
Padhānasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. པདྷཱནསུཏྟཾ • 9. Padhānasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༩. པདྷཱནསུཏྟཝཎྞནཱ • 9. Padhānasuttavaṇṇanā
