| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
2. бад̇хаанасуд̇д̇ам̣
2. Padhānasuttaṃ
427.
427.
‘‘д̇ам̣ мам̣ бад̇хаанабахид̇ад̇д̇ам̣, над̣̇им̣ нзран̃ж̇арам̣ бад̇и;
‘‘Taṃ maṃ padhānapahitattaṃ, nadiṃ nerañjaraṃ pati;
вибараггамма жхааяанд̇ам̣, яог̇агкзмасса бад̇д̇ияаа.
Viparakkamma jhāyantaṃ, yogakkhemassa pattiyā.
428.
428.
‘‘намужий гарун̣ам̣ ваажам̣, бхаасамаано убааг̇ами;
‘‘Namucī karuṇaṃ vācaṃ, bhāsamāno upāgami;
‘гисо д̇вамаси д̣̇уб̣б̣ан̣н̣о, санд̇игз маран̣ам̣ д̇ава.
‘Kiso tvamasi dubbaṇṇo, santike maraṇaṃ tava.
429.
429.
‘‘‘сахассабхааг̇о маран̣асса, згам̣со д̇ава ж̇ийвид̇ам̣;
‘‘‘Sahassabhāgo maraṇassa, ekaṃso tava jīvitaṃ;
ж̇ийва бхо ж̇ийвид̇ам̣ сзяяо, ж̇ийвам̣ бун̃н̃аани гаахаси.
Jīva bho jīvitaṃ seyyo, jīvaṃ puññāni kāhasi.
430.
430.
‘‘‘жарад̇о жа д̇з б̣рахмажарияам̣, аг̇г̇ихуд̇д̇ан̃жа ж̇уухад̇о;
‘‘‘Carato ca te brahmacariyaṃ, aggihuttañca jūhato;
бахууд̇ам̣ жийяад̇з бун̃н̃ам̣, гим̣ бад̇хаанзна гаахаси.
Pahūtaṃ cīyate puññaṃ, kiṃ padhānena kāhasi.
431.
431.
‘‘‘д̣̇уг̇г̇о маг̇г̇о бад̇хаанааяа, д̣̇уггаро д̣̇урабхисамбхаво’’’;
‘‘‘Duggo maggo padhānāya, dukkaro durabhisambhavo’’’;
имаа г̇аат̇аа бхан̣ам̣ мааро, адтаа б̣уд̣̇д̇хасса санд̇игз.
Imā gāthā bhaṇaṃ māro, aṭṭhā buddhassa santike.
432.
432.
д̇ам̣ д̇ат̇ааваад̣̇инам̣ маарам̣, бхаг̇аваа зд̇ад̣̇аб̣рави;
Taṃ tathāvādinaṃ māraṃ, bhagavā etadabravi;
‘‘бамад̇д̇аб̣анд̇ху баабима, язнад̇т̇зна 1 ид̇хааг̇ад̇о.
‘‘Pamattabandhu pāpima, yenatthena 2 idhāgato.
433.
433.
‘‘ан̣умад̇д̇оби 3 бун̃н̃зна, ад̇т̇о маяхам̣ на виж̇ж̇ад̇и;
‘‘Aṇumattopi 4 puññena, attho mayhaṃ na vijjati;
язсан̃жа ад̇т̇о бун̃н̃зна, д̇з мааро вад̇д̇умарахад̇и.
Yesañca attho puññena, te māro vattumarahati.
434.
434.
‘‘ад̇т̇и сад̣̇д̇хаа д̇ат̇аа 5 вийрияам̣, бан̃н̃аа жа мама виж̇ж̇ад̇и;
‘‘Atthi saddhā tathā 6 vīriyaṃ, paññā ca mama vijjati;
звам̣ мам̣ бахид̇ад̇д̇амби, гим̣ ж̇ийваманубужчаси.
Evaṃ maṃ pahitattampi, kiṃ jīvamanupucchasi.
435.
435.
‘‘над̣̇ийнамаби сод̇аани, аяам̣ ваад̇о висосаяз;
‘‘Nadīnamapi sotāni, ayaṃ vāto visosaye;
гин̃жа мз бахид̇ад̇д̇асса, лохид̇ам̣ нубасуссаяз.
Kiñca me pahitattassa, lohitaṃ nupasussaye.
436.
436.
‘‘лохид̇з суссамаанамхи, бид̇д̇ам̣ сзмхан̃жа суссад̇и;
‘‘Lohite sussamānamhi, pittaṃ semhañca sussati;
мам̣сзсу кийяамаанзсу, бхияяо жид̇д̇ам̣ басийд̣̇ад̇и;
Maṃsesu khīyamānesu, bhiyyo cittaṃ pasīdati;
бхияяо сад̇и жа бан̃н̃аа жа, самаад̇хи мама д̇идтад̇и.
Bhiyyo sati ca paññā ca, samādhi mama tiṭṭhati.
437.
437.
‘‘д̇асса мзвам̣ вихарад̇о, бад̇д̇ассуд̇д̇амавзд̣̇анам̣;
‘‘Tassa mevaṃ viharato, pattassuttamavedanaṃ;
гаамзсу 7 наабзгкад̇з жид̇д̇ам̣, басса сад̇д̇асса суд̣̇д̇хад̇ам̣.
Kāmesu 8 nāpekkhate cittaṃ, passa sattassa suddhataṃ.
438.
438.
‘‘гаамаа д̇з батамаа сзнаа, д̣̇уд̇ияаа арад̇и вужжад̇и;
‘‘Kāmā te paṭhamā senā, dutiyā arati vuccati;
д̇ад̇ияаа куббибаасаа д̇з, жад̇уд̇т̇ий д̇ан̣хаа бавужжад̇и.
Tatiyā khuppipāsā te, catutthī taṇhā pavuccati.
439.
439.
‘‘бан̃жамам̣ 9 т̇инамид̣̇д̇хам̣ д̇з, чадтаа бхийруу бавужжад̇и;
‘‘Pañcamaṃ 10 thinamiddhaṃ te, chaṭṭhā bhīrū pavuccati;
сад̇д̇амий вижигижчаа д̇з, магко т̇амбхо д̇з адтамо.
Sattamī vicikicchā te, makkho thambho te aṭṭhamo.
440.
440.
‘‘лаабхо силого саггааро, мижчаалад̣̇д̇хо жа яо яасо;
‘‘Lābho siloko sakkāro, micchāladdho ca yo yaso;
яо жад̇д̇аанам̣ самуггам̣сз, барз жа аваж̇аанад̇и.
Yo cattānaṃ samukkaṃse, pare ca avajānati.
441.
441.
‘‘зсаа намужи д̇з сзнаа, ган̣хассаабхиббахаариний;
‘‘Esā namuci te senā, kaṇhassābhippahārinī;
на нам̣ асууро ж̇инаад̇и, ж̇зд̇ваа жа лабхад̇з сукам̣.
Na naṃ asūro jināti, jetvā ca labhate sukhaṃ.
442.
442.
‘‘зса мун̃ж̇ам̣ барихарз, д̇хирад̇т̇у мама 11 ж̇ийвид̇ам̣;
‘‘Esa muñjaṃ parihare, dhiratthu mama 12 jīvitaṃ;
сан̇г̇аамз мз мад̇ам̣ сзяяо, яам̣ жз ж̇ийвз барааж̇ид̇о.
Saṅgāme me mataṃ seyyo, yaṃ ce jīve parājito.
443.
443.
‘‘баг̇аал̣хзд̇т̇а на д̣̇иссанд̇и, згз саман̣аб̣раахман̣аа;
‘‘Pagāḷhettha na dissanti, eke samaṇabrāhmaṇā;
д̇ан̃жа маг̇г̇ам̣ на ж̇аананд̇и, язна г̇ажчанд̇и суб̣б̣ад̇аа.
Tañca maggaṃ na jānanti, yena gacchanti subbatā.
444.
444.
‘‘саманд̇аа д̇хаж̇иним̣ д̣̇исваа, яуд̇д̇ам̣ маарам̣ савааханам̣;
‘‘Samantā dhajiniṃ disvā, yuttaṃ māraṃ savāhanaṃ;
яуд̣̇д̇хааяа бажжуг̇г̇ажчаами, маа мам̣ таанаа ажааваяи.
Yuddhāya paccuggacchāmi, mā maṃ ṭhānā acāvayi.
445.
445.
‘‘яам̣ д̇з д̇ам̣ наббасахад̇и, сзнам̣ лого сад̣̇зваго;
‘‘Yaṃ te taṃ nappasahati, senaṃ loko sadevako;
446.
446.
‘‘васийгарид̇ваа 17 сан̇габбам̣, сад̇ин̃жа суубад̇идтид̇ам̣;
‘‘Vasīkaritvā 18 saṅkappaṃ, satiñca sūpatiṭṭhitaṃ;
радтаа радтам̣ вижариссам̣, саавагз винаяам̣ бут̇уу.
Raṭṭhā raṭṭhaṃ vicarissaṃ, sāvake vinayaṃ puthū.
447.
447.
‘‘д̇з аббамад̇д̇аа бахид̇ад̇д̇аа, мама саасанагаарагаа;
‘‘Te appamattā pahitattā, mama sāsanakārakā;
агаамасса 19 д̇з г̇амиссанд̇и, яад̇т̇а г̇анд̇ваа на сожарз’’.
Akāmassa 20 te gamissanti, yattha gantvā na socare’’.
448.
448.
‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;
‘‘Satta vassāni bhagavantaṃ, anubandhiṃ padāpadaṃ;
од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о.
Otāraṃ nādhigacchissaṃ, sambuddhassa satīmato.
449.
449.
‘‘мзд̣̇аван̣н̣ам̣ва баасаан̣ам̣, вааяасо анубарияаг̇аа;
‘‘Medavaṇṇaṃva pāsāṇaṃ, vāyaso anupariyagā;
абзд̇т̇а муд̣̇ум̣ 21 винд̣̇зма, аби ассаад̣̇анаа сияаа.
Apettha muduṃ 22 vindema, api assādanā siyā.
450.
450.
‘‘алад̣̇д̇хаа д̇ад̇т̇а ассаад̣̇ам̣, вааяасзд̇д̇о абаггами;
‘‘Aladdhā tattha assādaṃ, vāyasetto apakkami;
гаагова сзламаасаж̇ж̇а, ниб̣б̣иж̇ж̇аабзма г̇од̇амам̣’’.
Kākova selamāsajja, nibbijjāpema gotamaṃ’’.
451.
451.
д̇асса согабарзд̇асса, вийн̣аа гажчаа абхассат̇а;
Tassa sokaparetassa, vīṇā kacchā abhassatha;
д̇ад̇о со д̣̇уммано яагко, д̇ад̇т̇званд̇арад̇хааяат̇аад̇и.
Tato so dummano yakkho, tatthevantaradhāyathāti.
бад̇хаанасуд̇д̇ам̣ д̣̇уд̇ияам̣ нидтид̇ам̣.
Padhānasuttaṃ dutiyaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 2. бад̇хаанасуд̇д̇аван̣н̣анаа • 2. Padhānasuttavaṇṇanā
