| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
4. баажид̇д̇ияанид̣̇д̣̇зсо
4. Pācittiyaniddeso
30.
30.
самбаж̇аанамусааваад̣̇з, баажид̇д̇ияамуд̣̇ийрид̇ам̣;
Sampajānamusāvāde, pācittiyamudīritaṃ;
бхигкун̃жа омасанд̇асса, бзсун̃н̃ахаран̣зби жа.
Bhikkhuñca omasantassa, pesuññaharaṇepi ca.
31.
31.
табзд̇ваа бхигкуним̣ бхигкум̣, ан̃н̃зна бидагад̇д̇аяам̣;
Ṭhapetvā bhikkhuniṃ bhikkhuṃ, aññena piṭakattayaṃ;
бад̣̇асод̇хаммам̣ бхан̣анд̇асса, баажид̇д̇ияамуд̣̇ийрид̇ам̣.
Padasodhammaṃ bhaṇantassa, pācittiyamudīritaṃ.
32.
32.
анубасамбаннзнзва, саяид̇ваана д̇ирад̇д̇ияам̣;
Anupasampanneneva, sayitvāna tirattiyaṃ;
баажид̇д̇и сахасзяяааяа, жад̇уд̇т̇ад̇т̇ан̇г̇ад̇з буна.
Pācitti sahaseyyāya, catutthatthaṅgate puna.
33.
33.
ид̇т̇ияаа згарад̇д̇амби, сзяяам̣ габбаяад̇оби ваа;
Itthiyā ekarattampi, seyyaṃ kappayatopi vā;
д̣̇зсзнд̇асса винаа вин̃н̃ум̣, д̇хамман̃жа чаббад̣̇уд̇д̇арим̣.
Desentassa vinā viññuṃ, dhammañca chappaduttariṃ.
34.
34.
д̣̇удтуллам̣ бхигкуно важ̇ж̇ам̣, бхигкусаммуд̇ияаа винаа;
Duṭṭhullaṃ bhikkhuno vajjaṃ, bhikkhusammutiyā vinā;
абхигкуно вад̣̇анд̇асса, баажид̇д̇ияамуд̣̇ийрид̇ам̣.
Abhikkhuno vadantassa, pācittiyamudīritaṃ.
35.
35.
кан̣зяяа ваа кан̣аабзяяа, бат̇авин̃жа агаббияам̣;
Khaṇeyya vā khaṇāpeyya, pathaviñca akappiyaṃ;
бхууд̇аг̇аамам̣ вигобзяяа, д̇асса баажид̇д̇ияам̣ сияаа.
Bhūtagāmaṃ vikopeyya, tassa pācittiyaṃ siyā.
36.
36.
аж̇жхогаасз д̇у ман̃жаад̣̇им̣, гад̇ваа сант̇аран̣аад̣̇игам̣;
Ajjhokāse tu mañcādiṃ, katvā santharaṇādikaṃ;
сан̇гхигам̣ яаад̇и баажид̇д̇и, агад̇ваабужчанаад̣̇игам̣.
Saṅghikaṃ yāti pācitti, akatvāpucchanādikaṃ.
37.
37.
сан̇гхигаавасат̇з сзяяам̣, гад̇ваа сант̇аран̣аад̣̇игам̣;
Saṅghikāvasathe seyyaṃ, katvā santharaṇādikaṃ;
агад̇ваабужчанаад̣̇им̣ яо, яаад̇и баажид̇д̇и д̇ассаби.
Akatvāpucchanādiṃ yo, yāti pācitti tassapi.
38.
38.
ж̇аанам̣ саббаан̣агам̣ д̇ояам̣, баажид̇д̇и барибхун̃ж̇ад̇о;
Jānaṃ sappāṇakaṃ toyaṃ, pācitti paribhuñjato;
ан̃н̃аад̇игаа бхигкунияаа, табзд̇ваа бааривад̇д̇агам̣.
Aññātikā bhikkhuniyā, ṭhapetvā pārivattakaṃ.
39.
39.
жийварам̣ д̣̇зд̇и баажид̇д̇и, жийварам̣ сиб̣б̣ад̇оби жа;
Cīvaraṃ deti pācitti, cīvaraṃ sibbatopi ca;
ад̇ирид̇д̇ам̣ агаарзд̇ваа, баваарзд̇ваана бхун̃ж̇ад̇о.
Atirittaṃ akāretvā, pavāretvāna bhuñjato.
40.
40.
бхигкум̣ аасаад̣̇анаабзгко, баваарзд̇и баваарид̇ам̣;
Bhikkhuṃ āsādanāpekkho, pavāreti pavāritaṃ;
анад̇ирид̇д̇зна бхуд̇д̇з д̇у, баажид̇д̇ияамуд̣̇ийрид̇ам̣.
Anatirittena bhutte tu, pācittiyamudīritaṃ.
41.
41.
саннид̇хибхож̇анам̣ бхун̃ж̇з, вигаалз яаавагаалигам̣;
Sannidhibhojanaṃ bhuñje, vikāle yāvakālikaṃ;
бхун̃ж̇ад̇о вааби баажид̇д̇и, аг̇илаано бан̣ийд̇агам̣.
Bhuñjato vāpi pācitti, agilāno paṇītakaṃ.
42.
42.
вин̃н̃аабзд̇ваана бхун̃ж̇зяяа, саббибхад̇д̇аад̣̇игамби жа;
Viññāpetvāna bhuñjeyya, sappibhattādikampi ca;
аббадиг̇г̇ахид̇ам̣ бхун̃ж̇з, д̣̇анд̇агадтод̣̇агам̣ винаа.
Appaṭiggahitaṃ bhuñje, dantakaṭṭhodakaṃ vinā.
43.
43.
д̇ид̇т̇ияасса д̣̇ад̣̇з гин̃жи, бхун̃ж̇ид̇аб̣б̣ам̣ сахад̇т̇ад̇о;
Titthiyassa dade kiñci, bhuñjitabbaṃ sahatthato;
нисаж̇ж̇ам̣ ваарахо габбз, маад̇уг̇аамзна жзгад̇о.
Nisajjaṃ vāraho kappe, mātugāmena cekato.
44.
44.
сураамзраяабаанзби, баажид̇д̇ияамуд̣̇ийрид̇ам̣;
Surāmerayapānepi, pācittiyamudīritaṃ;
ан̇г̇улибад̇од̣̇агз жааби, хасад̇хаммзби жод̣̇агз.
Aṅgulipatodake cāpi, hasadhammepi codake.
45.
45.
анаад̣̇арзби баажид̇д̇и, бхигкум̣ бхийсаяад̇оби ваа;
Anādarepi pācitti, bhikkhuṃ bhīsayatopi vā;
бхаяаанагам̣ гат̇ам̣ гад̇ваа, д̣̇ассзд̇ваа ваа бхаяаанагам̣.
Bhayānakaṃ kathaṃ katvā, dassetvā vā bhayānakaṃ.
46.
46.
табзд̇ваа бажжаяам̣ гин̃жи, аг̇илаано ж̇алзяяа ваа;
Ṭhapetvā paccayaṃ kiñci, agilāno jaleyya vā;
ж̇од̇им̣ ж̇алаабаязяяааби, д̇асса баажид̇д̇ияам̣ сияаа.
Jotiṃ jalāpayeyyāpi, tassa pācittiyaṃ siyā.
47.
47.
габбаб̣инд̣̇уманаад̣̇ааяа, наважийварабхог̇ино;
Kappabindumanādāya, navacīvarabhogino;
хасаабзгкасса баажид̇д̇и, бхигкуно жийвараад̣̇игам̣.
Hasāpekkhassa pācitti, bhikkhuno cīvarādikaṃ.
48.
48.
абанзд̇ваа нид̇хзнд̇асса, нид̇хаабзнд̇асса ваа бана;
Apanetvā nidhentassa, nidhāpentassa vā pana;
ж̇аанам̣ баан̣ам̣ маарзнд̇асса, д̇иражчаанаг̇ад̇амби жа.
Jānaṃ pāṇaṃ mārentassa, tiracchānagatampi ca.
49.
49.
чаад̣̇зд̇угаамо чаад̣̇зд̇и, д̣̇удтуллам̣ бхигкуноби жа;
Chādetukāmo chādeti, duṭṭhullaṃ bhikkhunopi ca;
г̇ааманд̇араг̇ад̇ассааби, сам̣вид̇хааяид̇т̇ияаа саха.
Gāmantaragatassāpi, saṃvidhāyitthiyā saha.
50.
50.
бхигкум̣ бахарад̇о вааби, д̇аласад̇д̇игамуг̇г̇ирз;
Bhikkhuṃ paharato vāpi, talasattikamuggire;
жод̣̇зд̇и ваа жод̣̇аабзд̇и, г̇аругаамуулагзнаби.
Codeti vā codāpeti, garukāmūlakenapi.
51.
51.
гуггужжуббаад̣̇анз жааби, бхан̣д̣анад̇т̇ааяубассуд̇им̣;
Kukkuccuppādane cāpi, bhaṇḍanatthāyupassutiṃ;
сод̇ум̣ бхан̣д̣анаж̇аад̇аанам̣, яаад̇и баажид̇д̇ияам̣ сияаа.
Sotuṃ bhaṇḍanajātānaṃ, yāti pācittiyaṃ siyā.
52.
52.
сан̇гхасса лаабхам̣ барин̣аамид̇ам̣ д̇у,
Saṅghassa lābhaṃ pariṇāmitaṃ tu,
наамзд̇и яо д̇ам̣ барабуг̇г̇аласса;
Nāmeti yo taṃ parapuggalassa;
бужчам̣ агад̇вааби жа санд̇абхигкум̣,
Pucchaṃ akatvāpi ca santabhikkhuṃ,
баажид̇д̇и г̇аамасса г̇ад̇з вигаалзд̇и.
Pācitti gāmassa gate vikāleti.
