| Library / Tipiṭaka / તિપિટક • Tipiṭaka / સંયુત્તનિકાય • Saṃyuttanikāya |
૬. પચ્ચનીકસુત્તં
6. Paccanīkasuttaṃ
૨૦૨. સાવત્થિનિદાનં . તેન ખો પન સમયેન પચ્ચનીકસાતો નામ બ્રાહ્મણો સાવત્થિયં પટિવસતિ. અથ ખો પચ્ચનીકસાતસ્સ બ્રાહ્મણસ્સ એતદહોસિ – ‘‘યંનૂનાહં યેન સમણો ગોતમો તેનુપસઙ્કમેય્યં. યં યદેવ સમણો ગોતમો ભાસિસ્સતિ તં તદેવસ્સાહં 1 પચ્ચનીકાસ્સ’’ન્તિ 2. તેન ખો પન સમયેન ભગવા અબ્ભોકાસે ચઙ્કમતિ. અથ ખો પચ્ચનીકસાતો બ્રાહ્મણો યેન ભગવા તેનુપસઙ્કમિ; ઉપસઙ્કમિત્વા ભગવન્તં ચઙ્કમન્તં એતદવોચ – ‘ભણ સમણધમ્મ’ન્તિ.
202. Sāvatthinidānaṃ . Tena kho pana samayena paccanīkasāto nāma brāhmaṇo sāvatthiyaṃ paṭivasati. Atha kho paccanīkasātassa brāhmaṇassa etadahosi – ‘‘yaṃnūnāhaṃ yena samaṇo gotamo tenupasaṅkameyyaṃ. Yaṃ yadeva samaṇo gotamo bhāsissati taṃ tadevassāhaṃ 3 paccanīkāssa’’nti 4. Tena kho pana samayena bhagavā abbhokāse caṅkamati. Atha kho paccanīkasāto brāhmaṇo yena bhagavā tenupasaṅkami; upasaṅkamitvā bhagavantaṃ caṅkamantaṃ etadavoca – ‘bhaṇa samaṇadhamma’nti.
‘‘ન પચ્ચનીકસાતેન, સુવિજાનં સુભાસિતં;
‘‘Na paccanīkasātena, suvijānaṃ subhāsitaṃ;
ઉપક્કિલિટ્ઠચિત્તેન, સારમ્ભબહુલેન ચ.
Upakkiliṭṭhacittena, sārambhabahulena ca.
‘‘યો ચ વિનેય્ય સારમ્ભં, અપ્પસાદઞ્ચ ચેતસો;
‘‘Yo ca vineyya sārambhaṃ, appasādañca cetaso;
એવં વુત્તે, પચ્ચનીકસાતો બ્રાહ્મણો ભગવન્તં એતદવોચ – ‘‘અભિક્કન્તં, ભો ગોતમ, અભિક્કન્તં, ભો ગોતમ…પે॰… ઉપાસકં મં ભવં ગોતમો ધારેતુ અજ્જતગ્ગે પાણુપેતં સરણં ગત’’ન્તિ.
Evaṃ vutte, paccanīkasāto brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૬. પચ્ચનીકસુત્તવણ્ણના • 6. Paccanīkasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૬. પચ્ચનીકસુત્તવણ્ણના • 6. Paccanīkasuttavaṇṇanā
