| Library / Tipiṭaka / д̇ибидага • Tipiṭaka / вимаанавад̇т̇убаал̣и • Vimānavatthupāḷi |
2. бабхассаравимаанавад̇т̇у
2. Pabhassaravimānavatthu
697.
697.
‘‘бабхассаравараван̣н̣анибхз , сурад̇д̇авад̇т̇авасанз 1;
‘‘Pabhassaravaravaṇṇanibhe , surattavatthavasane 2;
махид̣̇д̇хигз жанд̣̇анаружираг̇ад̇д̇з, гаа д̇вам̣ субхз д̣̇звад̇з ванд̣̇асз мамам̣.
Mahiddhike candanaruciragatte, kā tvaṃ subhe devate vandase mamaṃ.
698.
698.
‘‘баллан̇го жа д̇з махаг̇гхо, наанаарад̇анажид̇д̇ид̇о ружиро;
‘‘Pallaṅko ca te mahaggho, nānāratanacittito ruciro;
яад̇т̇а д̇вам̣ нисиннаа вирожаси, д̣̇зварааж̇аарива нанд̣̇анз ванз.
Yattha tvaṃ nisinnā virocasi, devarājāriva nandane vane.
699.
699.
‘‘гим̣ д̇вам̣ бурз сужарид̇амаажарий бхад̣̇д̣̇з, гисса гаммасса вибаагам̣;
‘‘Kiṃ tvaṃ pure sucaritamācarī bhadde, kissa kammassa vipākaṃ;
анубхоси д̣̇звалогасмим̣, д̣̇звад̇з бужчид̇аажигка;
Anubhosi devalokasmiṃ, devate pucchitācikkha;
гисса гаммассид̣̇ам̣ пала’’нд̇и.
Kissa kammassidaṃ phala’’nti.
700.
700.
‘‘бин̣д̣ааяа д̇з жаранд̇асса, маалам̣ паан̣ид̇ан̃жа ад̣̇ад̣̇ам̣ бханд̇з;
‘‘Piṇḍāya te carantassa, mālaṃ phāṇitañca adadaṃ bhante;
д̇асса гаммассид̣̇ам̣ вибаагам̣, анубхоми д̣̇звалогасмим̣.
Tassa kammassidaṃ vipākaṃ, anubhomi devalokasmiṃ.
701.
701.
саахам̣ д̇хаммам̣ наассосим̣, суд̣̇зсид̇ам̣ д̇хаммарааж̇зна.
Sāhaṃ dhammaṃ nāssosiṃ, sudesitaṃ dhammarājena.
702.
702.
‘‘д̇ам̣ д̇ам̣ вад̣̇аами бхад̣̇д̣̇анд̇з, ‘яасса мз анугамбияо гожи;
‘‘Taṃ taṃ vadāmi bhaddante, ‘yassa me anukampiyo koci;
д̇хаммзсу д̇ам̣ самаад̣̇абзт̇а’, суд̣̇зсид̇ам̣ д̇хаммарааж̇зна.
Dhammesu taṃ samādapetha’, sudesitaṃ dhammarājena.
703.
703.
‘‘язсам̣ ад̇т̇и сад̣̇д̇хаа б̣уд̣̇д̇хз, д̇хаммз жа сан̇гхарад̇анз;
‘‘Yesaṃ atthi saddhā buddhe, dhamme ca saṅgharatane;
д̇з мам̣ ад̇ивирожанд̇и, ааяунаа яасасаа сирияаа.
Te maṃ ativirocanti, āyunā yasasā siriyā.
704.
704.
‘‘бад̇аабзна ван̣н̣зна уд̇д̇арид̇араа,
‘‘Patāpena vaṇṇena uttaritarā,
ан̃н̃з махид̣̇д̇хигад̇араа маяаа д̣̇зваа’’д̇и;
Aññe mahiddhikatarā mayā devā’’ti;
бабхассаравимаанам̣ д̣̇уд̇ияам̣.
Pabhassaravimānaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / вимаанавад̇т̇у-адтагат̇аа • Vimānavatthu-aṭṭhakathā / 2. бабхассаравимаанаван̣н̣анаа • 2. Pabhassaravimānavaṇṇanā
