| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
១០. បព្ភារទាយកត្ថេរអបទានំ
10. Pabbhāradāyakattheraapadānaṃ
៤៧.
47.
‘‘បិយទស្សិនោ ភគវតោ, បព្ភារោ សោធិតោ មយា;
‘‘Piyadassino bhagavato, pabbhāro sodhito mayā;
ឃដកញ្ច ឧបដ្ឋាសិំ, បរិភោគាយ តាទិនោ។
Ghaṭakañca upaṭṭhāsiṃ, paribhogāya tādino.
៤៨.
48.
‘‘តំ មេ ពុទ្ធោ វិយាកាសិ, បិយទស្សី មហាមុនិ;
‘‘Taṃ me buddho viyākāsi, piyadassī mahāmuni;
៤៩.
49.
‘‘និព្ពត្តិស្សតិ សោ យូបោ, រតនញ្ច អនប្បកំ;
‘‘Nibbattissati so yūpo, ratanañca anappakaṃ;
បព្ភារទានំ ទត្វាន, កប្បំ សគ្គម្ហិ មោទហំ។
Pabbhāradānaṃ datvāna, kappaṃ saggamhi modahaṃ.
៥០.
50.
‘‘ឥតោ ពាត្តិំសកប្បម្ហិ, សុសុទ្ធោ នាម ខត្តិយោ;
‘‘Ito bāttiṃsakappamhi, susuddho nāma khattiyo;
សត្តរតនសម្បន្នោ, ចក្កវត្តី មហព្ពលោ។
Sattaratanasampanno, cakkavattī mahabbalo.
៥១.
51.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បព្ភារទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pabbhāradāyako thero imā gāthāyo abhāsitthāti.
បព្ភារទាយកត្ថេរស្សាបទានំ ទសមំ។
Pabbhāradāyakattherassāpadānaṃ dasamaṃ.
បទុមកេសរវគ្គោ ឯកតិំសតិមោ។
Padumakesaravaggo ekatiṃsatimo.
តស្សុទ្ទានំ –
Tassuddānaṃ –
កេសរំ គន្ធមន្នញ្ច, ធម្មសញ្ញី ផលេន ច;
Kesaraṃ gandhamannañca, dhammasaññī phalena ca;
បសាទារាមទាយី ច, លេបកោ ពុទ្ធសញ្ញកោ;
Pasādārāmadāyī ca, lepako buddhasaññako;
បព្ភារទោ ច គាថាយោ, ឯកបញ្ញាស កិត្តិតា។
Pabbhārado ca gāthāyo, ekapaññāsa kittitā.
Footnotes:
