| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៣២. អារក្ខទាយកវគ្គោ
32. Ārakkhadāyakavaggo
១. អារក្ខទាយកត្ថេរអបទានំ
1. Ārakkhadāyakattheraapadānaṃ
១.
1.
‘‘ធម្មទស្សិស្ស មុនិនោ, វតិ ការាបិតា មយា;
‘‘Dhammadassissa munino, vati kārāpitā mayā;
អារក្ខោ ច មយា ទិន្នោ, ទ្វិបទិន្ទស្ស តាទិនោ។
Ārakkho ca mayā dinno, dvipadindassa tādino.
២.
2.
‘‘អដ្ឋារសេ កប្បសតេ, យំ កម្មមករិំ តទា;
‘‘Aṭṭhārase kappasate, yaṃ kammamakariṃ tadā;
តេន កម្មវិសេសេន, បត្តោ មេ អាសវក្ខយោ។
Tena kammavisesena, patto me āsavakkhayo.
៣.
3.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា អារក្ខទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā ārakkhadāyako thero imā gāthāyo abhāsitthāti.
អារក្ខទាយកត្ថេរស្សាបទានំ បឋមំ។
Ārakkhadāyakattherassāpadānaṃ paṭhamaṃ.
