| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पब्भारदायकत्थेरअपदानं
10. Pabbhāradāyakattheraapadānaṃ
४७.
47.
‘‘पियदस्सिनो भगवतो, पब्भारो सोधितो मया।
‘‘Piyadassino bhagavato, pabbhāro sodhito mayā;
घटकञ्च उपट्ठासिं, परिभोगाय तादिनो॥
Ghaṭakañca upaṭṭhāsiṃ, paribhogāya tādino.
४८.
48.
‘‘तं मे बुद्धो वियाकासि, पियदस्सी महामुनि।
‘‘Taṃ me buddho viyākāsi, piyadassī mahāmuni;
४९.
49.
‘‘निब्बत्तिस्सति सो यूपो, रतनञ्च अनप्पकं।
‘‘Nibbattissati so yūpo, ratanañca anappakaṃ;
पब्भारदानं दत्वान, कप्पं सग्गम्हि मोदहं॥
Pabbhāradānaṃ datvāna, kappaṃ saggamhi modahaṃ.
५०.
50.
‘‘इतो बात्तिंसकप्पम्हि, सुसुद्धो नाम खत्तियो।
‘‘Ito bāttiṃsakappamhi, susuddho nāma khattiyo;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
५१.
51.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पब्भारदायको थेरो इमा गाथायो अभासित्थाति।
Itthaṃ sudaṃ āyasmā pabbhāradāyako thero imā gāthāyo abhāsitthāti.
पब्भारदायकत्थेरस्सापदानं दसमं।
Pabbhāradāyakattherassāpadānaṃ dasamaṃ.
पदुमकेसरवग्गो एकतिंसतिमो।
Padumakesaravaggo ekatiṃsatimo.
तस्सुद्दानं –
Tassuddānaṃ –
केसरं गन्धमन्नञ्च, धम्मसञ्ञी फलेन च।
Kesaraṃ gandhamannañca, dhammasaññī phalena ca;
पसादारामदायी च, लेपको बुद्धसञ्ञको।
Pasādārāmadāyī ca, lepako buddhasaññako;
पब्भारदो च गाथायो, एकपञ्ञास कित्तिता॥
Pabbhārado ca gāthāyo, ekapaññāsa kittitā.
Footnotes:
