| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३२. आरक्खदायकवग्गो
32. Ārakkhadāyakavaggo
१. आरक्खदायकत्थेरअपदानं
1. Ārakkhadāyakattheraapadānaṃ
१.
1.
‘‘धम्मदस्सिस्स मुनिनो, वति कारापिता मया।
‘‘Dhammadassissa munino, vati kārāpitā mayā;
आरक्खो च मया दिन्नो, द्विपदिन्दस्स तादिनो॥
Ārakkho ca mayā dinno, dvipadindassa tādino.
२.
2.
‘‘अट्ठारसे कप्पसते, यं कम्ममकरिं तदा।
‘‘Aṭṭhārase kappasate, yaṃ kammamakariṃ tadā;
तेन कम्मविसेसेन, पत्तो मे आसवक्खयो॥
Tena kammavisesena, patto me āsavakkhayo.
३.
3.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा आरक्खदायको थेरो इमा गाथायो अभासित्थाति।
Itthaṃ sudaṃ āyasmā ārakkhadāyako thero imā gāthāyo abhāsitthāti.
आरक्खदायकत्थेरस्सापदानं पठमं।
Ārakkhadāyakattherassāpadānaṃ paṭhamaṃ.
