| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. भोजनदायकत्थेरअपदानं
2. Bhojanadāyakattheraapadānaṃ
४.
4.
‘‘सुजातो साललट्ठीव, सोभञ्जनमिवुग्गतो।
‘‘Sujāto sālalaṭṭhīva, sobhañjanamivuggato;
इन्दलट्ठिरिवाकासे, विरोचति सदा जिनो॥
Indalaṭṭhirivākāse, virocati sadā jino.
५.
5.
‘‘तस्स देवातिदेवस्स, वेस्सभुस्स महेसिनो।
‘‘Tassa devātidevassa, vessabhussa mahesino;
अदासि भोजनमहं, विप्पसन्नेन चेतसा॥
Adāsi bhojanamahaṃ, vippasannena cetasā.
६.
6.
‘‘तं मे बुद्धो अनुमोदि, सयम्भू अपराजितो।
‘‘Taṃ me buddho anumodi, sayambhū aparājito;
भवे निब्बत्तमानम्हि, फलं निब्बत्ततू तव॥
Bhave nibbattamānamhi, phalaṃ nibbattatū tava.
७.
7.
‘‘एकत्तिंसे इतो कप्पे, यं दानमददिं तदा।
‘‘Ekattiṃse ito kappe, yaṃ dānamadadiṃ tadā;
दुग्गतिं नाभिजानामि, भोजनस्स इदं फलं॥
Duggatiṃ nābhijānāmi, bhojanassa idaṃ phalaṃ.
८.
8.
‘‘पञ्चवीसे इतो कप्पे, एको आसिं अमित्तको।
‘‘Pañcavīse ito kappe, eko āsiṃ amittako;
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
९.
9.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा भोजनदायको थेरो इमा गाथायो अभासित्थाति।
Itthaṃ sudaṃ āyasmā bhojanadāyako thero imā gāthāyo abhāsitthāti.
भोजनदायकत्थेरस्सापदानं दुतियं।
Bhojanadāyakattherassāpadānaṃ dutiyaṃ.
