| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
১০. পব্ভারদাযকত্থেরঅপদানং
10. Pabbhāradāyakattheraapadānaṃ
৪৭.
47.
‘‘পিযদস্সিনো ভগৰতো, পব্ভারো সোধিতো মযা।
‘‘Piyadassino bhagavato, pabbhāro sodhito mayā;
ঘটকঞ্চ উপট্ঠাসিং, পরিভোগায তাদিনো॥
Ghaṭakañca upaṭṭhāsiṃ, paribhogāya tādino.
৪৮.
48.
‘‘তং মে বুদ্ধো ৰিযাকাসি, পিযদস্সী মহামুনি।
‘‘Taṃ me buddho viyākāsi, piyadassī mahāmuni;
৪৯.
49.
‘‘নিব্বত্তিস্সতি সো যূপো, রতনঞ্চ অনপ্পকং।
‘‘Nibbattissati so yūpo, ratanañca anappakaṃ;
পব্ভারদানং দত্ৰান, কপ্পং সগ্গম্হি মোদহং॥
Pabbhāradānaṃ datvāna, kappaṃ saggamhi modahaṃ.
৫০.
50.
‘‘ইতো বাত্তিংসকপ্পম্হি, সুসুদ্ধো নাম খত্তিযো।
‘‘Ito bāttiṃsakappamhi, susuddho nāma khattiyo;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
৫১.
51.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পব্ভারদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā pabbhāradāyako thero imā gāthāyo abhāsitthāti.
পব্ভারদাযকত্থেরস্সাপদানং দসমং।
Pabbhāradāyakattherassāpadānaṃ dasamaṃ.
পদুমকেসরৰগ্গো একতিংসতিমো।
Padumakesaravaggo ekatiṃsatimo.
তস্সুদ্দানং –
Tassuddānaṃ –
কেসরং গন্ধমন্নঞ্চ, ধম্মসঞ্ঞী ফলেন চ।
Kesaraṃ gandhamannañca, dhammasaññī phalena ca;
পসাদারামদাযী চ, লেপকো বুদ্ধসঞ্ঞকো।
Pasādārāmadāyī ca, lepako buddhasaññako;
পব্ভারদো চ গাথাযো, একপঞ্ঞাস কিত্তিতা॥
Pabbhārado ca gāthāyo, ekapaññāsa kittitā.
Footnotes:
