| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৩২. আরক্খদাযকৰগ্গো
32. Ārakkhadāyakavaggo
১. আরক্খদাযকত্থেরঅপদানং
1. Ārakkhadāyakattheraapadānaṃ
১.
1.
‘‘ধম্মদস্সিস্স মুনিনো, ৰতি কারাপিতা মযা।
‘‘Dhammadassissa munino, vati kārāpitā mayā;
আরক্খো চ মযা দিন্নো, দ্ৰিপদিন্দস্স তাদিনো॥
Ārakkho ca mayā dinno, dvipadindassa tādino.
২.
2.
‘‘অট্ঠারসে কপ্পসতে, যং কম্মমকরিং তদা।
‘‘Aṭṭhārase kappasate, yaṃ kammamakariṃ tadā;
তেন কম্মৰিসেসেন, পত্তো মে আসৰক্খযো॥
Tena kammavisesena, patto me āsavakkhayo.
৩.
3.
‘‘পটিসম্ভিদা চতস্সো, ৰিমোক্খাপি চ অট্ঠিমে।
‘‘Paṭisambhidā catasso, vimokkhāpi ca aṭṭhime;
ছল়ভিঞ্ঞা সচ্ছিকতা, কতং বুদ্ধস্স সাসনং’’॥
Chaḷabhiññā sacchikatā, kataṃ buddhassa sāsanaṃ’’.
ইত্থং সুদং আযস্মা আরক্খদাযকো থেরো ইমা গাথাযো অভাসিত্থাতি।
Itthaṃ sudaṃ āyasmā ārakkhadāyako thero imā gāthāyo abhāsitthāti.
আরক্খদাযকত্থেরস্সাপদানং পঠমং।
Ārakkhadāyakattherassāpadānaṃ paṭhamaṃ.
