Only Dharma. Since 1992

Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi

3. махааваг̇г̇о

3. Mahāvaggo

1. баб̣б̣аж̇ж̇аасуд̇д̇ам̣

1. Pabbajjāsuttaṃ

407.

баб̣б̣аж̇ж̇ам̣ гид̇д̇аяиссаами, яат̇аа баб̣б̣аж̇и жагкумаа;

Pabbajjaṃ kittayissāmi, yathā pabbaji cakkhumā;

яат̇аа виймам̣самаано со, баб̣б̣аж̇ж̇ам̣ самарожаяи.

Yathā vīmaṃsamāno so, pabbajjaṃ samarocayi.

408.

самб̣аад̇хояам̣ гхарааваасо, раж̇ассааяад̇анам̣ ид̇и;

Sambādhoyaṃ gharāvāso, rajassāyatanaṃ iti;

аб̣бхогаасова баб̣б̣аж̇ж̇аа, ид̇и д̣̇исваана баб̣б̣аж̇и.

Abbhokāsova pabbajjā, iti disvāna pabbaji.

409.

баб̣б̣аж̇ид̇ваана гааязна, баабагаммам̣ виваж̇ж̇аяи;

Pabbajitvāna kāyena, pāpakammaṃ vivajjayi;

важийд̣̇ужжарид̇ам̣ хид̇ваа, ааж̇ийвам̣ барисод̇хаяи.

Vacīduccaritaṃ hitvā, ājīvaṃ parisodhayi.

410.

аг̇амаа рааж̇аг̇ахам̣ б̣уд̣̇д̇хо, маг̇ад̇хаанам̣ г̇ириб̣б̣аж̇ам̣;

Agamā rājagahaṃ buddho, magadhānaṃ giribbajaṃ;

бин̣д̣ааяа абхихаарзси, аагин̣н̣аваралагкан̣о.

Piṇḍāya abhihāresi, ākiṇṇavaralakkhaṇo.

411.

д̇амад̣̇д̣̇асаа б̣имб̣исааро, баасаад̣̇асмим̣ бад̇идтид̇о;

Tamaddasā bimbisāro, pāsādasmiṃ patiṭṭhito;

д̣̇исваа лагкан̣асамбаннам̣, имамад̇т̇ам̣ абхаасат̇а.

Disvā lakkhaṇasampannaṃ, imamatthaṃ abhāsatha.

412.

‘‘имам̣ бхонд̇о нисаамзт̇а, абхируубо б̣рахаа сужи;

‘‘Imaṃ bhonto nisāmetha, abhirūpo brahā suci;

жаран̣зна жа самбанно, яуг̇амад̇д̇ан̃жа бзгкад̇и.

Caraṇena ca sampanno, yugamattañca pekkhati.

413.

‘‘огкид̇д̇ажагку сад̇имаа, нааяам̣ нийжагулаамива;

‘‘Okkhittacakkhu satimā, nāyaṃ nīcakulāmiva;

рааж̇ад̣̇ууд̇аабхид̇хааванд̇у, гухим̣ бхигку г̇амиссад̇и’’.

Rājadūtābhidhāvantu, kuhiṃ bhikkhu gamissati’’.

414.

д̇з бзсид̇аа рааж̇ад̣̇ууд̇аа, бидтид̇о ануб̣анд̇хисум̣;

Te pesitā rājadūtā, piṭṭhito anubandhisuṃ;

гухим̣ г̇амиссад̇и бхигку, гад̇т̇а ваасо бхависсад̇и.

Kuhiṃ gamissati bhikkhu, kattha vāso bhavissati.

415.

сабад̣̇аанам̣ жарамаано, г̇уд̇д̇ад̣̇вааро сусам̣вуд̇о;

Sapadānaṃ caramāno, guttadvāro susaṃvuto;

киббам̣ бад̇д̇ам̣ абуурзси, самбаж̇аано бадиссад̇о.

Khippaṃ pattaṃ apūresi, sampajāno paṭissato.

416.

бин̣д̣ажаарам̣ жарид̇ваана, нигкамма наг̇араа муни;

Piṇḍacāraṃ caritvāna, nikkhamma nagarā muni;

бан̣д̣авам̣ абхихаарзси, зд̇т̇а ваасо бхависсад̇и.

Paṇḍavaṃ abhihāresi, ettha vāso bhavissati.

417.

д̣̇исваана ваасуубаг̇ад̇ам̣, д̇аяо ¹ д̣̇ууд̇аа убаависум̣;

Disvāna vāsūpagataṃ, tayo ² dūtā upāvisuṃ;

д̇зсу згова ³ ааг̇анд̇ваа, рааж̇ино бадивзд̣̇аяи.

Tesu ekova ⁴ āgantvā, rājino paṭivedayi.

418.

‘‘зса бхигку махаарааж̇а, бан̣д̣авасса бурад̇т̇ад̇о ⁵;

‘‘Esa bhikkhu mahārāja, paṇḍavassa puratthato ⁶;

нисинно б̣яаг̇гхусабхова, сийхова г̇ириг̇аб̣бхарз’’.

Nisinno byagghusabhova, sīhova girigabbhare’’.

419.

суд̇ваана д̣̇ууд̇аважанам̣, бхад̣̇д̣̇аяаанзна кад̇д̇ияо;

Sutvāna dūtavacanaṃ, bhaddayānena khattiyo;

д̇арамаанаруубо нияяааси, язна бан̣д̣авабаб̣б̣ад̇о.

Taramānarūpo niyyāsi, yena paṇḍavapabbato.

420.

са яаанабхуумим̣ яааяид̇ваа, яаанаа оруяха кад̇д̇ияо;

Sa yānabhūmiṃ yāyitvā, yānā oruyha khattiyo;

бад̇д̇иго убасан̇гамма, аасаж̇ж̇а нам̣ убаависи.

Pattiko upasaṅkamma, āsajja naṃ upāvisi.

421.

нисаж̇ж̇а рааж̇аа саммод̣̇и, гат̇ам̣ сааран̣ийяам̣ д̇ад̇о;

Nisajja rājā sammodi, kathaṃ sāraṇīyaṃ tato;

гат̇ам̣ со вийд̇исаарзд̇ваа, имамад̇т̇ам̣ абхаасат̇а.

Kathaṃ so vītisāretvā, imamatthaṃ abhāsatha.

422.

‘‘яуваа жа д̣̇ахаро жааси, батамуббад̇д̇иго ⁷ сусу;

‘‘Yuvā ca daharo cāsi, paṭhamuppattiko ⁸ susu;

ван̣н̣аарохзна самбанно, ж̇аад̇имаа вияа кад̇д̇ияо.

Vaṇṇārohena sampanno, jātimā viya khattiyo.

423.

‘‘собхаяанд̇о анийгаг̇г̇ам̣, нааг̇асан̇гхабурагкад̇о;

‘‘Sobhayanto anīkaggaṃ, nāgasaṅghapurakkhato;

д̣̇ад̣̇аами бхог̇з бхун̃ж̇ассу, ж̇аад̇им̣ агкаахи бужчид̇о’’.

Dadāmi bhoge bhuñjassu, jātiṃ akkhāhi pucchito’’.

424.

‘‘уж̇ум̣ ж̇анабад̣̇о рааж̇а, химаванд̇асса бассад̇о;

‘‘Ujuṃ janapado rāja, himavantassa passato;

д̇ханавийриязна самбанно, госалзсу ⁹ нигзд̇ино.

Dhanavīriyena sampanno, kosalesu ¹⁰ niketino.

425.

‘‘аад̣̇ижжаа ¹¹ наама г̇од̇д̇зна, саагияаа ¹² наама ж̇аад̇ияаа;

‘‘Ādiccā ¹³ nāma gottena, sākiyā ¹⁴ nāma jātiyā;

д̇амхаа гулаа баб̣б̣аж̇ид̇омхи, на гаамз абхибад̇т̇аяам̣.

Tamhā kulā pabbajitomhi, na kāme abhipatthayaṃ.

426.

‘‘гаамзсваад̣̇ийнавам̣ д̣̇исваа, нзгкаммам̣ д̣̇адту кзмад̇о;

‘‘Kāmesvādīnavaṃ disvā, nekkhammaṃ daṭṭhu khemato;

бад̇хаанааяа г̇амиссаами, зд̇т̇а мз ран̃ж̇ад̇ий мано’’д̇и.

Padhānāya gamissāmi, ettha me rañjatī mano’’ti.

баб̣б̣аж̇ж̇аасуд̇д̇ам̣ батамам̣ нидтид̇ам̣.

Pabbajjāsuttaṃ paṭhamaṃ niṭṭhitaṃ.

Next: 2. бад̇хаанасуд̇д̇ам̣ • 2. Padhānasuttaṃ

Footnotes:

1. д̇ад̇о (сий. бий.)

2. tato (sī. pī.)

3. зго жа д̣̇ууд̇о (сий. сяаа. бий.)

4. eko ca dūto (sī. syā. pī.)

5. бурагкад̇о (сяаа. га.)

6. purakkhato (syā. ka.)

7. батамуббад̇д̇ияаа (сий.), батамуббад̇д̇ид̇о (сяаа.)

8. paṭhamuppattiyā (sī.), paṭhamuppattito (syā.)

9. госаласса (сяаа. га.)

10. kosalassa (syā. ka.)

11. аад̣̇ижжо (га.)

12. саагияо (га.)

13. ādicco (ka.)

14. sākiyo (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 1. баб̣б̣аж̇ж̇аасуд̇д̇аван̣н̣анаа • 1. Pabbajjāsuttavaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact