| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༤༣. ནིཡསྶཀམྨཀཐཱ
243. Niyassakammakathā
༤༡༢. ཨིདྷ པན, བྷིཀྑཝེ, བྷིཀྑུ བཱལོ ཧོཏི ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི ། ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ བཱལོ ཨབྱཏྟོ ཨཱཔཏྟིབཧུལོ ཨནཔདཱནོ, གིཧིསཾསཊྛོ ཝིཧརཏི ཨནནུལོམིཀེཧི གིཧིསཾསགྒེཧི། ཧནྡསྶ མཡཾ ནིཡསྶཀམྨཾ ཀརོམཱ’’ཏི། ཏེ ཏསྶ ནིཡསྶཀམྨཾ ཀརོནྟི – ཨདྷམྨེན ཝགྒཱ། སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི། ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན ནིཡསྶཀམྨཀཏོ ཨདྷམྨེན ཝགྒེཧི། ཧནྡསྶ མཡཾ ནིཡསྶཀམྨཾ ཀརོམཱ’’ཏི། ཏེ ཏསྶ ནིཡསྶཀམྨཾ ཀརོནྟི – ཨདྷམྨེན སམགྒཱ…པེ॰… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ॰…།
412. Idha pana, bhikkhave, bhikkhu bālo hoti abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi . Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu bālo abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi. Handassa mayaṃ niyassakammaṃ karomā’’ti. Te tassa niyassakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena niyassakammakato adhammena vaggehi. Handassa mayaṃ niyassakammaṃ karomā’’ti. Te tassa niyassakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ཡཐཱ ཧེཊྛཱ, ཏཐཱ ཙཀྐཾ ཀཱཏབྦཾ།
Yathā heṭṭhā, tathā cakkaṃ kātabbaṃ.
ནིཡསྶཀམྨཀཐཱ ནིཊྛིཏཱ།
Niyassakammakathā niṭṭhitā.
