| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༢༤༤. པབྦཱཛནཱིཡཀམྨཀཐཱ
244. Pabbājanīyakammakathā
༤༡༣. ཨིདྷ པན, བྷིཀྑཝེ, བྷིཀྑུ ཀུལདཱུསཀོ ཧོཏི པཱཔསམཱཙཱརོ། ཏཏྲ ཙེ བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ ཀུལདཱུསཀོ པཱཔསམཱཙཱརོ། ཧནྡསྶ མཡཾ པབྦཱཛནཱིཡཀམྨཾ ཀརོམཱ’’ཏི། ཏེ ཏསྶ པབྦཱཛནཱིཡཀམྨཾ ཀརོནྟི – ཨདྷམྨེན ཝགྒཱ། སོ ཏམྷཱ ཨཱཝཱསཱ ཨཉྙཾ ཨཱཝཱསཾ གཙྪཏི། ཏཏྠཔི བྷིཀྑཱུནཾ ཨེཝཾ ཧོཏི – ‘‘ཨཡཾ ཁོ, ཨཱཝུསོ, བྷིཀྑུ སངྒྷེན པབྦཱཛནཱིཡཀམྨཀཏོ ཨདྷམྨེན ཝགྒེཧི། ཧནྡསྶ མཡཾ པབྦཱཛནཱིཡཀམྨཾ ཀརོམཱ’’ཏི། ཏེ ཏསྶ པབྦཱཛནཱིཡཀམྨཾ ཀརོནྟི – ཨདྷམྨེན སམགྒཱ…པེ॰… དྷམྨེན ཝགྒཱ… དྷམྨཔཏིརཱུཔཀེན ཝགྒཱ… དྷམྨཔཏིརཱུཔཀེན སམགྒཱ…པེ॰…།
413. Idha pana, bhikkhave, bhikkhu kuladūsako hoti pāpasamācāro. Tatra ce bhikkhūnaṃ evaṃ hoti – ‘‘ayaṃ kho, āvuso, bhikkhu kuladūsako pāpasamācāro. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena vaggā. So tamhā āvāsā aññaṃ āvāsaṃ gacchati. Tatthapi bhikkhūnaṃ evaṃ hoti – ‘‘ayaṃ kho, āvuso, bhikkhu saṅghena pabbājanīyakammakato adhammena vaggehi. Handassa mayaṃ pabbājanīyakammaṃ karomā’’ti. Te tassa pabbājanīyakammaṃ karonti – adhammena samaggā…pe… dhammena vaggā… dhammapatirūpakena vaggā… dhammapatirūpakena samaggā…pe….
ཙཀྐཾ ཀཱཏབྦཾ །
Cakkaṃ kātabbaṃ .
པབྦཱཛནཱིཡཀམྨཀཏཱ ནིཊྛིཏཱ།
Pabbājanīyakammakatā niṭṭhitā.
