| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕਪਾਲ਼ਿ • Itivuttakapāḷi |
੩. ਨਿਸ੍ਸਰਣਿਯਸੁਤ੍ਤਂ
3. Nissaraṇiyasuttaṃ
੭੨. વੁਤ੍ਤਞ੍ਹੇਤਂ ਭਗવਤਾ, વੁਤ੍ਤਮਰਹਤਾਤਿ ਮੇ ਸੁਤਂ –
72. Vuttañhetaṃ bhagavatā, vuttamarahatāti me sutaṃ –
‘‘ਤਿਸ੍ਸੋ ਇਮਾ, ਭਿਕ੍ਖવੇ, ਨਿਸ੍ਸਰਣਿਯਾ 1 ਧਾਤੁਯੋ। ਕਤਮਾ ਤਿਸ੍ਸੋ? ਕਾਮਾਨਮੇਤਂ ਨਿਸ੍ਸਰਣਂ ਯਦਿਦਂ ਨੇਕ੍ਖਮ੍ਮਂ, ਰੂਪਾਨਮੇਤਂ ਨਿਸ੍ਸਰਣਂ ਯਦਿਦਂ ਆਰੁਪ੍ਪਂ, ਯਂ ਖੋ ਪਨ ਕਿਞ੍ਚਿ ਭੂਤਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਨਿਰੋਧੋ ਤਸ੍ਸ ਨਿਸ੍ਸਰਣਂ – ਇਮਾ ਖੋ, ਭਿਕ੍ਖવੇ, ਤਿਸ੍ਸੋ ਨਿਸ੍ਸਰਣਿਯਾ ਧਾਤੁਯੋ’’ਤਿ। ਏਤਮਤ੍ਥਂ ਭਗવਾ ਅવੋਚ। ਤਤ੍ਥੇਤਂ ਇਤਿ વੁਚ੍ਚਤਿ –
‘‘Tisso imā, bhikkhave, nissaraṇiyā 2 dhātuyo. Katamā tisso? Kāmānametaṃ nissaraṇaṃ yadidaṃ nekkhammaṃ, rūpānametaṃ nissaraṇaṃ yadidaṃ āruppaṃ, yaṃ kho pana kiñci bhūtaṃ saṅkhataṃ paṭiccasamuppannaṃ nirodho tassa nissaraṇaṃ – imā kho, bhikkhave, tisso nissaraṇiyā dhātuyo’’ti. Etamatthaṃ bhagavā avoca. Tatthetaṃ iti vuccati –
‘‘ਕਾਮਨਿਸ੍ਸਰਣਂ ਞਤ੍વਾ, ਰੂਪਾਨਞ੍ਚ ਅਤਿਕ੍ਕਮਂ।
‘‘Kāmanissaraṇaṃ ñatvā, rūpānañca atikkamaṃ;
ਸਬ੍ਬਸਙ੍ਖਾਰਸਮਥਂ, ਫੁਸਂ ਆਤਾਪਿ ਸਬ੍ਬਦਾ॥
Sabbasaṅkhārasamathaṃ, phusaṃ ātāpi sabbadā.
‘‘ਸ વੇ ਸਮ੍ਮਦ੍ਦਸੋ ਭਿਕ੍ਖੁ, ਯਤੋ ਤਤ੍ਥ વਿਮੁਚ੍ਚਤਿ।
‘‘Sa ve sammaddaso bhikkhu, yato tattha vimuccati;
ਅਭਿਞ੍ਞਾવੋਸਿਤੋ ਸਨ੍ਤੋ, ਸ વੇ ਯੋਗਾਤਿਗੋ ਮੁਨੀ’’ਤਿ॥
Abhiññāvosito santo, sa ve yogātigo munī’’ti.
ਅਯਮ੍ਪਿ ਅਤ੍ਥੋ વੁਤ੍ਤੋ ਭਗવਤਾ, ਇਤਿ ਮੇ ਸੁਤਨ੍ਤਿ। ਤਤਿਯਂ।
Ayampi attho vutto bhagavatā, iti me sutanti. Tatiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā / ੩. ਨਿਸ੍ਸਰਣਿਯਸੁਤ੍ਤવਣ੍ਣਨਾ • 3. Nissaraṇiyasuttavaṇṇanā
