| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
3. நிஸ்ஸக்³கி³யனித்³தே³ஸோ
3. Nissaggiyaniddeso
17.
17.
விகப்பனமதி⁴ட்டா²ன-மகத்வா காலசீவரங்;
Vikappanamadhiṭṭhāna-makatvā kālacīvaraṃ;
த³ஸாஹமதிமாபேதி, தஸ்ஸ நிஸ்ஸக்³கி³யங் ஸியா.
Dasāhamatimāpeti, tassa nissaggiyaṃ siyā.
18.
18.
பி⁴க்கு²ஸம்முதியாஞ்ஞத்ர, திசீவரமதி⁴ட்டி²தங்;
Bhikkhusammutiyāññatra, ticīvaramadhiṭṭhitaṃ;
ஏகாஹமதிமாபேதி, நிஸ்ஸக்³கி³ ஸமயங் வினா.
Ekāhamatimāpeti, nissaggi samayaṃ vinā.
19.
19.
அஞ்ஞாதிகா பி⁴க்கு²னியா, புராணசீவரங் பன;
Aññātikā bhikkhuniyā, purāṇacīvaraṃ pana;
தோ⁴வாபேதி ரஜாபேதி, ஆகோடாபேதி தங் ஸியா.
Dhovāpeti rajāpeti, ākoṭāpeti taṃ siyā.
20.
20.
அஞ்ஞாதிகா பி⁴க்கு²னியா, ஹத்த²தோ கிஞ்சி மூலகங்;
Aññātikā bhikkhuniyā, hatthato kiñci mūlakaṃ;
அத³த்வா சீவராதா³னே, நிஸ்ஸக்³கி³யமுதீ³ரிதங்.
Adatvā cīvarādāne, nissaggiyamudīritaṃ.
21.
21.
அப்பவாரிதமஞ்ஞாதிங், விஞ்ஞாபெந்தஸ்ஸ சீவரங்;
Appavāritamaññātiṃ, viññāpentassa cīvaraṃ;
அஞ்ஞத்ர ஸமயா தஸ்ஸ, நிஸ்ஸக்³கி³யமுதீ³ரிதங்.
Aññatra samayā tassa, nissaggiyamudīritaṃ.
22.
22.
ரஜதங் ஜாதரூபங் வா, மாஸகங் வா கஹாபணங்;
Rajataṃ jātarūpaṃ vā, māsakaṃ vā kahāpaṇaṃ;
க³ண்ஹெய்ய வா க³ண்ஹாபெய்ய, நிஸ்ஸக்³கி³ ஸாதி³யெய்ய வா.
Gaṇheyya vā gaṇhāpeyya, nissaggi sādiyeyya vā.
23.
23.
பரிவத்தெய்ய நிஸ்ஸக்³கி³, ரஜதாதி³ சதுப்³பி³த⁴ங்;
Parivatteyya nissaggi, rajatādi catubbidhaṃ;
கப்பியங் கப்பியேனாபி, ட²பெத்வா ஸஹத⁴ம்மிகே.
Kappiyaṃ kappiyenāpi, ṭhapetvā sahadhammike.
24.
24.
விகப்பனமதி⁴ட்டா²ன-மகத்வான பமாணிகங்;
Vikappanamadhiṭṭhāna-makatvāna pamāṇikaṃ;
த³ஸாஹமதிமாபேதி, பத்தங் நிஸ்ஸக்³கி³யங் ஸியா.
Dasāhamatimāpeti, pattaṃ nissaggiyaṃ siyā.
25.
25.
பஞ்சப³ந்த⁴னதோ ஊன-பத்தே ஸதி பரங் பன;
Pañcabandhanato ūna-patte sati paraṃ pana;
விஞ்ஞாபேதி நவங் பத்தங், தஸ்ஸ நிஸ்ஸக்³கி³யங் ஸியா.
Viññāpeti navaṃ pattaṃ, tassa nissaggiyaṃ siyā.
26.
26.
படிக்³க³ஹெத்வா பு⁴ஞ்ஜந்தோ, ஸப்பிதேலாதி³கங் பன;
Paṭiggahetvā bhuñjanto, sappitelādikaṃ pana;
ஸத்தாஹமதிமாபேதி, தஸ்ஸ நிஸ்ஸக்³கி³யங் ஸியா.
Sattāhamatimāpeti, tassa nissaggiyaṃ siyā.
27.
27.
பி⁴க்கு²ஸ்ஸ சீவரங் த³த்வா, அச்சி²ந்த³ந்தஸ்ஸ தங் புன;
Bhikkhussa cīvaraṃ datvā, acchindantassa taṃ puna;
ஸகஸஞ்ஞாய நிஸ்ஸக்³கி³, அச்சி²ந்தா³பயதோபி வா.
Sakasaññāya nissaggi, acchindāpayatopi vā.
28.
28.
அப்பவாரிதமஞ்ஞாதிங் , ஸுத்தங் யாசிய சீவரங்;
Appavāritamaññātiṃ , suttaṃ yāciya cīvaraṃ;
வாயாபெந்தஸ்ஸ நிஸ்ஸக்³கி³, வினா ஞாதிப்பவாரிதே.
Vāyāpentassa nissaggi, vinā ñātippavārite.
29.
29.
ஜானந்தோ பி⁴க்கு² ஸங்க⁴ஸ்ஸ, லாப⁴ங் பரிணதங் பன;
Jānanto bhikkhu saṅghassa, lābhaṃ pariṇataṃ pana;
அத்தனோ பரிணாமேதி, தஸ்ஸ நிஸ்ஸக்³கி³யங் ஸியாதி.
Attano pariṇāmeti, tassa nissaggiyaṃ siyāti.
